Rasem a yiib tigis-kãsengã na-kẽndre

A Zeova toga ne waoogre. Wãn to la d waoogd a Zeova? Bõe n kɩt tɩ neb kẽer pa tõe n waoog a Zeova? Bark bʋs la neb nins sẽn waoogd a Zeova masã wã paamda? Yʋʋmd 2008 rasem a yiib tigis-kãsengã na n leoka sogs-kãensã sõma. Tigis-kãsengã gom-zug yaa: ‘D maan bũmb fãa Wẽnnaam waoogr yĩnga.’ (1 Korẽnt dãmba 10:31) D ges zãmsg nins d sẽn na n paam sasa kãngã wã.

Distrik yel-gɛtã na n wɛgsa gom-zut nins sẽn pʋgdã: “Bõe yĩng tɩ d segd n waoog Wẽnnaam?,” “D tũud Wẽnnaam noyã n kõt mak-sõngo.” Zãma sõsg ning a sẽn na n wɛgsã gom-zug na n yɩɩ: “Ãnd dãmb n waoogd Wẽnnaam?,” la a baasg sõsgã gom zug na n yɩɩ: “D naagda taab n waoogd Wẽnnaam dũniyã gill zugu.” Yaa yẽ me n na n lʋɩ taoor n ges Wẽnnaam tʋʋmdã lekoll yelle. Tigims sull yɛl-gɛtã sõssã gom-zut la woto: “D tall sũ-noog Wẽnnaam waoogrã pʋgẽ,” “Yɛl sẽn pak tigims sullã,” “D kell n zĩnd sɩdã pʋgẽ” sẽn tik 2 Pɩɛɛr 1:12. Sẽn paase, d na n bãnga “So-pakrã sẽn waoogd Wẽnnaam to-to.” Pipi gom-n-dees-taabã gom-zug na n yɩɩ: “D waoog Wẽnnaam d sẽn maandã fãa pʋgẽ.” Sõs-kãngã na n sõng-d lame tɩ d wʋm 1 Korẽnt dãmb 10:31 wã võor sõma. Gom-n-dees-taab ning gom-zug sẽn yaa: “D tʋm a Zeova tʋʋmdã sẽn na yɩl n pẽg-a” wã na n goma d sẽn balemd a Zeova to-to wã yelle. B na n kʋmsa Gũusg Gasgã la b wɛgs hatã daar verse wã. Lisg reegr me n na n zĩndi.

Nebã wʋsg pa tũud Wẽnnaam ye. Wʋsg teega ninsaalbã sigls sẽn magd n na n maan bũmb ninsã, tɩ kɩt tɩ b pa tagsd a Zeova waoogr yell ye. (Zã 5:44) Tõnd kɩsa sɩd tɩ d sã n dɩk d sẽkã n ‘maan bũmb fãa Wẽnnaam waoogr yĩngã’ tara yõod wʋsgo. Maan-y y sẽn tõe fãa n kẽng tigis-kãsengã n dɩ sõssã fãa nafa.