Koe-mooneg sẽn pa tar to dũniyã zugu!

Sẽn yɩɩd yʋʋm 100 la woto a Zeova Kaset rãmbã sẽn sɩng koe-noogã moonego. (1 Kor. 9:23) Tõnd moonda koe-no-kãngã sẽn pa tar to wã ne buud goam wʋsgo. Yaa sẽn yɩɩd tẽns 230 pʋgẽ la d moond koe-noogã. (Mat. 24:14) La bõe yĩng tɩ koɛɛgã mooneg yaa tɩlae, la wãn to la d moond-a dũniyã gill zugu?

Les Témoins de Jéhovah : organisés pour prêcher la bonne nou-velle video wã leokda sogs-kãensã. A wilgda tʋʋm nins d sẽn tʋmd dũniyã gill zugã bal-balle. Y sã n wa get video kãngã, bɩ y bao n leok sogsg nins sẽn pʋgdã: 1) D tʋʋmdã sigla wãn to, la ãnd n get a yelle? 2) Wãn to la sɛbã gʋlsgo, a lebgrã, desẽ rãmbã la video rãmbã maaneg sulã sõngd ne koɛɛgã moonego? 3) Bõe yĩng tɩ d yiisd sɛb wʋsgo, la d toond-b tigimsẽ wã? (Zã 17:3) 4) Yʋʋmd a ye pʋgẽ, sɛba fãa d sẽn yiisdã sõor yaa wãna? 5) D sɛbã sẽn tik Biiblã zugã sõngda nebã tɩ b maand bõe? (Heb. 4:12) 6) Bõe la d maand n sõngd mugsã la zoensã tẽebã wɛɛngẽ? 7) Yɛ la d paamd ligdã n tʋmd tʋʋm-kãensã? 8) Wãn to la Service d’information hospitalier rãmbã, sul nins sẽn get koe-moonegã la tigis-kãsemsã yellã sẽn tʋmd tʋʋm ninsã nafd tõndo? 9) Yãmb sẽn yaa a Zeova Kaset soabã, wãn to la video kãngã sõng yãmb a) tɩ y nand a Zeova siglgã sẽn maand to-to n moond koe-noogã? b) Wãn to la a sõng yãmb tɩ y nand Betɛll rãmb 100 la zakã sẽn be dũniyã gill zugã tʋʋma? d) Wãn to la a kɩt tɩ y nand yel-gɛtbã la misioneer dãmbã sẽn paamd zãmsg ningã n paase? e) Wãn to la a sõng yãmb tɩ y sɩd bãng tɩ tara yõod tɩ y vaees daar verse wã yibeoog fãa, la y segend tigissã semen fãa? f) Wãn to la a sõng yãmb tɩ y nand tigissã la tigis-kãsemsã n paase? g) Wãn to la a sõng yãmb tɩ y nand bũmb nins sẽn na n zĩnd arzãnã pʋgẽ wã? (Ezai 11:9) h) Wãn to la a sõng yãmb tɩ y nand koe-noogã moonego?—Zã 4:35.

Yãmb sẽn yiis video wã n wilg y roagdbã, y mitinsã, neb nins y sẽn tʋgd n kaagdẽ wã, la y Biibl karen-biisã, wãn to la rẽ naf-ba? Y tõe n wilg-a-la neb a taab koe-moonegã pʋgẽ.—Mat. 28:19, 20.