Sagls Tẽegrã yĩnga

Sẽn na yɩl n segl Tẽegrã, kãsem dãmbã segd n tũu sagls nins sẽn pʋgdã:

◼ Y pa segd n pɩʋʋg ne burã la divẽ wã nebã taoor tɩ wĩndgã nan pa lʋɩ ye.

◼ B segd n deng n baoa burã la divẽ ning sẽn yaa sõma wã n dɩgle.—Ges-y yʋʋmd 2003, tʋʋlg kiuugã pipi daar Gũusg Gasgã, a seb-neng 10-11.

◼ B segd n baoa laase, vɛɛr dãmb la taabl ne peen-lutg sẽn zems n tall n wa Tẽegrã maaneg zĩigẽ pĩnda.

◼ B segd n deng n pɩɩsame la b yẽes Rĩungã Roog bɩ Tẽegrã maaneg zĩig sõma.

◼ B segd n deng n yãka sẽn na n deeg-b nebã la neb nins sẽn na n pɩʋʋg ne burã la divẽ wã, n wilg-b tʋʋm nins b sẽn segd n tʋmã, la b sẽn na n tʋm dẽ to-to me. Sẽn paase, b segd n ninga fu-sõma la b maneg b mens tɩ yaa sõma.

◼ Ned sẽn paam vʋʋsem sõngã zaeeb sã n yaa bãad n pa tõe n wa, b segd n tɩ kõ-a-la burã la divẽ wã.

◼ Tigims wʋsg sã n tigimd taab Rĩung Roog a ye pʋgẽ, b segd n zemsa taab sõma sẽn na yɩl tɩ nebã ra wa gũm taab rig-noorẽ wã la parkĩngã zĩigẽ ye.

◼ B sã n bao zĩig a to n na n maan Tẽegrã, b segd n modgame n bao sono sẽn yaa sõma sẽn na yɩl tɩ neb nins sẽn wa tẽegrã tõog n wʋm sõsdã goam sõma.