Bũmb ning d sẽn na n yeel n wilg zʋrno rãmbã

Gũusg Gasgã Yʋ-sare, 1

“Rẽ yĩngã nebã tagsg yaa yembr yɩlemdã wɛɛngẽ sɩda? [Bas-y t’a leoke.] Biiblã wilgdame tɩ d segd n yɩɩ yɩlemde. [Karm-y Ezai 1:16.] Seb-kãngã kõta sagls sẽn tõe n sõng tõnd tɩ d kell n yɩ yɩlmã.” Wilg-y sõsg ning sẽn be seb-neng a 9 wã.

Réveillez-vous ! Yʋʋm-sare

“Sasa kãensã, neb wʋsg mogdame n na n wilg tɩ b waoogda a Zezi. [Karm-y Zã 14:15.] Wa verse kãngã sẽn wilgã, bõe la tõnd tõe n maan n wilg tɩ d sɩd waoogda a Zezi? [Bas-y t’a leoke.] D pa mi a Zezi rogem daar takɩ ye. La tõe tɩ na n ling-y-la wʋsgo, y sã n bãng bũmb ning sẽn kɩt tɩ b yãk yʋʋm-sar kiuugã rasem 25 wã daar n maand Nowɛllã.” Wilg-y sõsg ning sẽn be seb-neng 10.

Gũusg Gasgã Yʋ-vẽkre, 1

“Nebã sẽn tagsg to-to a Maari zugã pa a yen ye. Yãmb tagsda bõe a Maari zugu? [Bas-y t’a leoke.] Biiblã wilgdame t’a Maari sẽn maan bũmb ninga tara yõod wʋsgo. [Karm-y Luk 1:30-32.] Seb-kãngã wilgda d sẽn tõe n tũ a mak-sõngã to-to.”

Réveillez-vous ! Yʋʋm-vẽkre

“Kʋɩlsã koom tara boogre, tɩ neb milyõ rãmb me pa tõe n paam koom sẽn yaa yɩlemd n yũ ye. Yãmb tagsdame tɩ ninsaalbã tõe n paama yel-kãngã tɩɩm bɩ? [Bas-y t’a leoke. Rẽ poor bɩ y karem Zeremi 10:23.] Seb-kãngã tika Biiblã zug n wilgd yel-kãngã tɩɩm.”