D yaa a Zeova Kaset rãmb wakat fãa
1. Kibar ning sẽn gomd a Zezi sẽn moon pagã bulgã noorã zãmsda tõnd bõe?
1 Daar a yembre, a Zezi ra kẽna lɛɛr wʋsgo, n ya tɩ ko-yũud tar-a. A karen-biisã sẽn wa n kẽng rɩɩb raabã, a zĩnda bulg a ye sẽn da be Samari tẽngã noor n na n vʋʋse. A ra pɩʋʋgda Samari n na n tɩ moon koɛɛgã Galile. La baa ne rẽ, a moona pag sẽn da wa n na n wĩ koom bulgẽ wã. (Zã 4:5-14) Bõe yĩng t’a moon pagã? Bala rẽ wilgdame t’a yaa a Zeova “kaset soab sẽn yaa tɩrg la sɩd” wakat fãa. (Wil. 3:14) Tõnd me sã n wilgd wakat fãa tɩ d yaa a Zeova Kaset rãmba, d rɩkda a Zezi togs-n-taare.—1 Pɩɛ. 2:21.
2. Wãn to la d tõe n segl d meng n kõ kasetã baa d pa yi koɛɛgã mooneg yĩnga?
2 D segl d mense: D sã n suiid sɛb n kẽnda, d na n tõog n kõo kasetã baa d pa yi koɛɛgã mooneg yĩnga. Koe-moondb wʋsg mi n suiida seb-vãad n yita, sẽn na yɩl n kõ butik koaasdbã, esãens koaasdbã la neb a taab b sẽn na n seg daarã tõrã. (Koɛ. 11:6) Saam-bi-poak a ye sẽn nong n togd sor mi n tẽegd n zãa Biibl bila, la Biiblã yetame sebrã. La a modgdame n sɩng sõsg ne neb nins sẽn zĩ n kɛg-a n togd sorã.
3. Bõe la d tõe n maan n sɩng sõsg ne neda?
3 D sẽn tõe n sɩng sõsg to-to: D sã n wa tiig n na n kõ kasetã, pa tɩlae tɩ d sɩng ne bũmb sẽn be Biiblã pʋgẽ ye. A Zezi sẽn wa n sõsd ne pagã bulgã noorã, a pa wilg-a tɩ yẽ la Mesi wã a goamã sɩngrẽ ye. A kos-a-la koom sẽn na yɩl n tik rẽ zug n sɩng sõsg ne-a. (Zã 4:7-9) Saam-bi-poak a ye maanda wala a Zezi sẽn maanã n paamd n sõsd ne nebã. Nebã sã n sok-a tɩ bõe yĩng t’a pa maand kibs rãmbã, a pa leokd tɩ yaa yẽ sẽn yaa a Zeova Kaset soabã yĩng ye. A yeta woto: “Maam bal n yãk yam tɩ m pa na n maan ye.” Nebã sokd-a lame tɩ bõe yĩnga, la woto kɩtdame t’a paamd n kõt-b kasetã.
4. Bõe yĩng tɩ Matɩe 28:18-20 kengd yãmb raoodo?
4 Baa ne a Zezi sẽn moon koɛɛgã ne yẽesem dũniyã zug n bas n loogã, koɛɛgã mooneg yell ket n pak-a-la wʋsg wa a sẽn da be tẽngã zugã. (Mat. 28:18-20) Wala a Zezi, tõnd me yaa kaset dãmb sẽn segl d mens n na n wilg nebã d sẽn tẽed bũmb ninsã, sẽn yaa wakat ning fãa.—Heb. 10:23.