Y sẽn tõe n yeele:

Y sẽn tõe n sɩng Biibl zãmsg ne nebã bõn-bɩʋʋng kiuugã pipi sibrã to-to

“Nebã buud toor-toor sẽn tar tũudum toor-toor pʋʋsda Wẽnnaam daar fãa. Yãmb tagsdame tɩ Wẽnnaam deegda pʋʋsgã fãa bɩ?” Bas-y t’a leoke. Kõ-y-yã-a bõn-bɩʋʋng kiuugã pipi daar Gũusg Gasgã, la y lak seb-neng 16 zĩigẽ, n karem sẽn be pipi gom-zu-bilã tẽngrã, la vɛrse b sẽn sõdg be, la y sõs y sẽn karmã zug bilfu. Rẽ poor bɩ y kãab-a sebrã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã, bõn-bɩʋʋngo, 1

Wilg-y sẽn be sebrã zugã la y sok woto: “Yãmb na n leoka sok-kãngã tɩ bõe? [Bas-y t’a leoke.] Ges-y Biiblã sẽn yet bũmb ninga. [Karm-y 1 Zã 5:19.] Sã n yaa ne vɛrse kãngã, dũniyã bee “wẽng soabã” bɩ a Sʋɩtãan nugẽ. La rẽ kɩtame tɩ d sokd d mens sogsg kẽere: A Sʋɩtãan yii yɛ? A sɩd beeme bɩ? Wẽnnaam na n bas-a lame t’a soog dũniyã tɩ ta wakat bʋgo? Seb-kãngã wilgda Biiblã sẽn yet bũmb ning rẽ wɛɛngẽ.”

Réveillez-vous ! Bõn-bɩʋʋngo

“Rũndã-rũndã, neb wʋsg maanda yɩɩr wʋsg ligdã kaalem yĩnga. D na n maana wãn tɩ bilf ning d sẽn tarã sek-do? [Bas-y t’a leoke.] Biiblã tara sagls sẽn sõng neb wʋsgo, ligdã zãab wɛɛngẽ. [Karm-y vɛrse nins b sẽn sõdg seb-neng a 8-9 wã zĩigẽ a ye.] Seb-kãngã tara sagls sẽn tõe n sõng neb nins sẽn tar sam wʋsgã.”