Y sẽn tõe n yeele:

Y sẽn tõe n sɩng Biibl zãmsg ne nebã bõn-bɩʋʋng kiuug pipi sibrã to-to

“Neb wʋsg tẽedame tɩ malɛgs beeme. Yãmb me tẽeda rẽ bɩ? [Bas-y t’a leoke.] B sẽn yaa bõn-naands sẽn vɩ saasẽ wã, b pãngã yaa kãsenga. La rẽ yĩnga yãmb tagsdame tɩ b tõe n sõnga tõnd bɩ? Biiblã wilgda b sẽn sõngd neb rũndã-rũndã to-to.” Wilg-y bõn-bɩʋʋng kiuug pipi daar Gũusg Gasgã yaoolem seb-​nengã, n karem sẽn be pipi gom-zu-​bilã tẽngrã, la vɛrse nins b sẽn sõdg be wã a yembre, la y sõs y sẽn karmã zug bilfu. Rẽ poor bɩ y kãab-a periodik-rãmbã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã, Bõn-bɩʋʋngo, 1

“Yãmb tagsdame tɩ ninsaalbã sãamda tẽngã hal tɩ pa le tõe n maneg bɩ? [Bas-y t’a leoke.] Baa ãdem-biisã sẽn pa tõe n maneg tẽngã b sẽn sãamã, Biiblã wilgd-d lame tɩ Wẽnnaam tõeeme, la t’a na n manega tẽngã. Yaa Yɩɩl Sõamyã 65:13-14 n wilgd rẽ. [Karm-y.] Ki-kãngã Gũusg Gasgã pʋgẽ, b wilgda Wẽnnaam sẽn na n maneg tẽngã to-to, la d sẽn tõe n maan n paam n dɩ a nafa. Y sã n dat sebrã n karme, y tõe n paamame.”

Réveillez-vous ! Bõn-bɩʋʋngo

“Tõnd gomda bũmb sẽn pak neb wʋsg yelle. Yaa tʋm-tʋmdb kẽer sẽn namsde, b zu-soben-dãmbã sẽn kɩtd tɩ b tʋmd wʋsgo, tɩ b pa mi b sẽn na n maan to-to n paam b mensã. Bãngdbã wilgame tɩ zu-loe-kãngã tõe n kɩtame tɩ ned lʋɩ bãaga, t’a yamã wa ka a meng ye. Yãmb tagsdame tɩ bõe n tõe n sõng ned zĩ-kãng wɛɛngẽ? [Bas-y t’a leoke.] Kelg-y Biiblã sẽn yete. [Karm-y Koɛɛg Soab 4:6.] Seb-kãngã wilgda bũmb a naas sẽn tõe n sõng ned t’a bãng n sigl a tʋʋmã, n gil yaamse.”