Y sẽn tõe n yeele:

Y sẽn tõe n sɩng Biibl zãmsg ne nebã bõn-bɩʋʋng kiuugã pipi sibrã to-to

“Neb wʋsg tẽedame tɩ Wẽnnaam na n wa kaoo ned fãa bʋʋd tɩ zems ne a tʋʋma. La ne yãmba, bʋʋd raar n sɩd wat bɩ? [Bas-y t’a leoke.] Ges-y seb-kãngã sẽn yet bũmb ninga.” Kõ-y-yã-a bõn-bɩʋʋng kiuugã pipi daar Gũusg Gasgã la y lak seb-neng 16 zĩigẽ, n karem sẽn be pipi gom-zu-bilã tẽngrã la vɛrse nins sẽn be be wã a ye, la y sõs y sẽn karmã zug bilfu. Rẽ poor bɩ y kãab-a periodik rãmbã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã Bõn-bɩʋʋngo, 1

“Tẽns wʋsg pʋsẽ, b maanda pagbã pãnga, la b namsd-ba. Tũudum kẽer pʋgẽ, b sẽn yet nebã bũmb ninsã pʋd n kɩtame tɩ yel-kãngã paamd pãnga. Yãmb tagsdame tɩ pagbã yell sɩd paka Wẽnnaam bɩ? [Bas-y t’a leoke.] Kelg-y Biiblã sẽn wilgd rapã sẽn segd n tall manesem ning ne b pagbã. [Karm-y Efɛɛz rãmb 5:28, 29.] Seb-kãnga sõngda tõnd tɩ d bãng tɩ Biiblã wilgdame tɩ Wẽnnaam nanda pagbã.”

Réveillez-vous ! Bõn-bɩʋʋngo

“Neb wʋsg yetame tɩ daar n wat tɩ vɩɩm buud fãa pa na n le zĩnd dũniyã zug ye. B yetame tɩ na n tũu ne zabre, tɩ bõmb atomik rãmb pusi, pa rẽ bɩ ãd-kẽeng sẽn na n yi yĩngr n wa zãb tẽngã, wall sabaab a to. Yãmb tagsdame tɩ sɩd na n yɩɩ woto bɩ, bɩ yaa soalem bala? [Bas-y t’a leoke.] Ges-y Biiblã sẽn yet bũmb ning tɩ sɩd kengd raoodo. [Karm-y Yɩɩl Sõamyã 37:29.] Seb-kãnga gomda sabaab kẽer yelle, la a wilgd Biiblã sẽn sɩd yet bũmb ning beoog daarã wɛɛngẽ.”