Yãmb sogsgã leoore

◼ Y sã n yas zak noor n zãmsd Biiblã ne neda, y segd n pʋʋsame bɩ?

D sã n sɩng Biiblã zãmsg ne pʋʋsg la d baas ne pʋʋsgo, a nafa wã yaa wʋsgo. Ne pʋʋsgã maasem, d tõe n kosa a Zeova t’a sõng-d ne a vʋʋsem sõngã. (Luk 11:13) Pʋʋsgã sõngda karen-biigã t’a bãng tɩ zãmsgã pa reem bũmbu, la sõng-a t’a bãng a sẽn segd n pʋʋs to-to. (Luk 6:40) Dẽnd yaa sõma tɩ d sɩng pʋʋsgã pĩnd-pĩnd ne karen-biigã. La sẽn mik tɩ yɛlã pa taabã yĩnga, koe-moondã segd n tagsa sõma, n ges zakã noor pʋʋsg sã n sakdame bɩ pa sakde.

D segd n gesa zĩigã sẽn yaa to-to wã. Sã n mik tɩ yaa zĩig sẽn lill bilfu, y tõe n pʋʋsa koɛɛg-koɛɛg zãmsgã sɩngrẽ la a baasgẽ. La sã n mik tɩ woto na n kɩtame tɩ nebã get yãmba, wall kɩt tɩ karen-biigã zoet yãnde, yɩta sõma tɩ y ra yãg n pʋʋs ye. Sẽn yaa zĩig ning fãa la d be n zãmsd Biiblã ne neda, d segd n tagsa sõma n ges wakat ning d sẽn tõe n sɩng pʋʋsg ne a soabã.—Ges-y yʋʋmd 2005 tʋʋlg kiuug Rĩungã Tʋʋmd seb-neng a 6.