Y sẽn tõe n yeele:

Y sẽn tõe n sɩng Biibl zãmsg ne nebã sig-noy kiuug pipi sibrã to-to

“Ninsaal fãa tudgdame. Yãmb zoe n soka y meng Wẽnnaam sã n na n sak n kõo baa yel-wẽn-kãsemsã sugr bɩ?” [Bas-y t’a leoke.] Lak-y sig-noy kiuugã pipi daar Gũusg Gasgã seb-neng 32 wã zĩigẽ, n karem sẽn be pipi gom-zu-bilã tẽngrã, la vɛrse nins b sẽn sõdg be wã a ye, la y sõs y sẽn karmã zug bilfu. Rẽ poor bɩ y kãab-a periodik-rãmbã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã Sig-noyã, 1

“M datẽ lame n karem vɛrse, tɩ yãmb wilg y sẽn tagsde. [Karm-y 1 Zã 4:8.] Wʋsg sakame tɩ vɛrse wã sẽn yetã yaa sɩda, la kẽer tagsdame tɩ Wẽnnaam yaa nin-toaaga, tɩ bala yẽ n wat ne sabab-wẽnsã wall a bas tɩ b beẽ. Yãmb tagsda wãn ne rẽ? [Bas-y t’a leoke.] Seb-kãngã wilgda bũmb nins sẽn kɩt tɩ d pa segd n tags tɩ Wẽnnaam yaa nin-toaagã.”

Réveillez-vous ! Sig-noyã

“D gomda zu-loɛɛg a ye sẽn namsd nebã fãa yelle. Yaa nin-wẽnsã sẽn be wã. Kẽer yetame tɩ sẽn na yɩl n menes nin-wẽnsã, dẽnd b paas poliis-rãmbã sõore. La yãmb yẽ? [Bas-y t’a leoke.] Yãmb miime tɩ Biiblã pʋlmame tɩ nin-wẽng pa na n le wa zĩnd bɩ? [Karm-y Yɩɩl Sõamyã 37:10, 11.] Seb-kãngã gomda rẽ yelle, la a wilgd d sẽn tõe n maan to-to n kogl d mens ne nin-wẽnsã.”