Sõs-y sebr a ye zugu, la y kõ sɛb a yiibã fãa

Sõss sẽn gomd bũmb toor-toor sẽn tar yamleoog yell n be Gũusg Gasgã la Réveillez-vous ! wã pʋgẽ. D sã n wa kãabd nebã seb-kãensã, yɩta sõma tɩ d ra bao n wilg sõss nins fãa sẽn be b pʋsẽ wã ye. D sõs bũmb a ye zug bala. D sã n yaa gũusda, la d mi d sɛbã sẽn gomd bũmb nins yellã sõma, zak fãa noore, d na n bãng n yãka sõs Gũusg Gasgã wall Réveillez-vous ! wã pʋgẽ sẽn na n yɩ kɛlgdã noogo. Wala makre, d sã n yã kamb reem teed zak noore, d tõe n yãka sõsg sẽn gomd zak pʋgẽ vɩɩmã yelle. Sã n yaa rao la d seg-yã, d tõe n baoa gom-zug sẽn noom rapã n wilg-a. Makre, sõsg sẽn gomd goosneema-hakɩk yell tõe n yɩ-a-la noogo. Baa yaa sebr a ye zug la d sõs-yã, kɛlgdã sã n wilga naneb ne koɛɛgã, d tõe n kõ-a-la sɛb a yiibã fãa.