Biiblã zãmsg sɩngr ne neb kiuug fãa pipi sibrã

Yʋʋmd 2011 sig-noy kiuugã tɛka, b sagla koe-moondbã tɩ b sɩngd Biiblã zãmsg ne neb kiuug fãa pipi sibrã. Sẽn na yɩl n sõng-do, b yiisda sõsg Gũusg Gasgã yaoolem seb-nengã zug t’a gom-zugã yaa “Sogsg Biiblã sẽn leokde.” Woto yĩnga, kiuug fãa pipi sibri, koe-moonegã yiib tigisg sasa, b segd n wilga d sẽn tõe n tik Gũusg Gasgã sõs-kãng n sɩng Biibl zãmsg ne nebã to-to, la b maan mak-n-wilgi.

Kiuug fãa pipi sibri, kãsem-dãmbã tõe n kɩtame tɩ koe-moonegã sull fãa seg taab zĩ-yɛnga, wala makre, Rĩungã roogẽ. Wall b kɩt tɩ sull fãa maan a tigsg toore. Bala, tigims wʋsg sã n maanda tigis-kãng Rĩungã roogẽ tɩ sulã fãa pa tõe n tigim taab be, b pa segd n toeem daare, b sẽn dat tɩ tigingã neb fãa naag taab yĩng ye.