“Y sã n deeg mam sebrã, ma-me na n deega yãmb rẽndã”

Woto la neb kẽer yet tõnd koe-moonegã zĩigẽ. La tõnd pa tekd d sɛbã d sẽn tar n zãmsd nebã Biiblã ne tũudum a taab sɛb sẽn yelgd ziri ye. Woto wã, wãn-wãn la d tõe n bãng n leok gom-kãensã buudu? (Rom 1:25) Ad d sẽn tõe n yeele: “D pʋʋs-y-la barka. Bõe la yãmb sɛbã yet ãdem-biisã zu-loeesã welgr wɛɛngẽ? [Bas-y t’a leoke. A sã n yeel-y tɩ y karem a sebrã tɩ y na yã leoorã bɩ y yeel-a tɩ tõnd pa kõt ned d sebr tɩ d pa reng n wilg-a sebrã sẽn gomd bũmb ning yell ye. Rẽ poor bɩ y karem Matɩe 6:9, 10 wall y togs-a b sẽn yet be wã.] A Zezi yeelame tɩ Wẽnnaam Rĩungã na n wa kɩtame tɩ Wẽnnaam daabã maan tẽngã zugu. Rẽ n so tɩ tũudmã wɛɛngẽ, yaa sɛb nins sẽn gomd Wẽnnaam Rĩungã yellã bal la mam karemda. Rẽ yĩnga m tõe n wilg-y-la bũmb kẽer Biiblã sẽn yeel tɩ Wẽnnaam Rĩungã na n wa maaname bɩ?”