Y tõe n boola ned t’a wa yãag-y bɩ?

Tigims wʋsg pʋsẽ, kʋʋlem bɩ ka-laafɩ yĩng kɩtame tɩ yaa toog ne koe-moondb kẽer tɩ b moon koɛɛgã wa b sẽn date. (2 Kor. 4:16) Y tõe n mi n boola b nin-yend t’a yãag-y tɩ y tɩ zãms ned Biiblã bɩ? Sã n yaa toog ne koe-moondã t’a yi yɩnga, y tõe n kosa ned ning y sẽn zãmsd Biiblã t’a wa tɩ y kẽng a nengẽ. Y tõe n mi n talla koe-moond sẽn ka laafɩ me t’a yãag-y zak-zak moonegã sasa wall y lebg n tɩ kaag nin-yend bɩ neb a yiib y sẽn da zoe n taas koɛɛgã. Koe-moondb wʋsg sẽn kʋʋl tara minim wʋsg koɛɛgã mooneg pʋgẽ. Y sã n mao n na n teel-ba, y na n kenga b raoodo, la yãmb me na n dɩɩ b minimã yõodo. (Rom 1:12) Sẽn paase, a Zeova na n ning-y-la barka. Bala y sẽn sõngd nin-kãensã woto wã yaa kaset tɩ y nong-b lame.—Yel. 19:17; 1 Zã 3:17, 18.