Modg-y tɩ Wẽnnaam Gomdã sẽn tar pãngã kẽ nebã koɛɛgã mooneg sasa

Koe-moonegã sasa, ned sã n kõ-d sor tɩ d taas-a koe-noogã, d modgdame n karem Biiblã vɛrse, sẽn na yɩl tɩ Wẽnnaam Gomdã sẽn tar pãngã kẽ a soabã sũuri. B goma rẽ yell daar a ye tigsg sasa. Tigims sull yel-gɛtã wɛgsa sõsg gom-zug sẽn yaa: “Modg-y tɩ Wẽnnaam Gomdã sẽn tar pãngã kẽ nebã koɛɛgã mooneg sasa.” Yãmb tẽra sõsgã sagls kẽer bɩ?

• Bõe yĩng t’a Zeova goamã pãng yɩɩd tõnd goamã hal zĩig sẽn zãre?—2 Tɩm. 3:16, 17.

• Wãn to la Biiblã goam kẽed ned sũuri, n manegd a tagsa wã la a tʋlsmã, n toeemd a yel-manesmã?—Ges-y yʋʋmd 2012 sigr kiuug pipi daar Gũusg Gasgã neng 29 sull a 7.

• Koe-moonegã sasa, d sã n wa rat n karem Biiblã, wãn to la d tõe n sõng kɛlgdã t’a reng n bãng tɩ Wẽnnaam Gomdã sẽn yetã n tar yõod n yɩɩda?—Ges-y École du ministère sebrã neng 148, sull a 3-4, la yʋʋmd 2013 tʋʋlg kiuug Rĩungã Tʋʋmd sebrã neng a 6 sull a 8.

• Bõe yĩng tɩ d sã n karem Biiblã vɛrse, bɩ d segd n wɛgs-a la d wilg-a võore, la wãn to la d tõe n maan dẽ?—Tʋʋ. 17:2, 3; Ges-y École du ministère sebrã neng 154, sull a 4 n tãag neng 156 sull a 4.