D sẽn na n tall Biiblã yetame sebrã n sɩng Biiblã zãmsg ne nebã to-to

Tõnd sʋkã, wʋsg sũy na n yɩɩ noog d sã n paam n na n zãms Biiblã ne neda. Biiblã sɩd yetame tɩ bõe sebrã sẽn nan yi wã tõe n sõng-d-la rẽ wɛɛngẽ. B gʋlsa a seb-neng a 3-7 wã goam sẽn na yɩl n kɩt tɩ d kɛlgdã tʋlg tɩ d sõs ne-a Biiblã zugu. Baa koe-moondb nins sẽn nan pa tar minim wʋsg koe-moonegã pʋgẽ wã na n yãame t’a tall n sɩng Biiblã zãmsg ne ned yaa nana.

◼ Y tõe n tɩka seb-neng a 3 wã n sɩng woto:

Y tõe n wilga kibar y sẽn yã zʋrnall pʋgẽ wall y gom yell sẽn pak nebã y moonegã zĩigẽ yelle, tɩ rẽ poor bɩ y wilg y kɛlgdã seb-neng a 3 soabã zug sogsgã sẽn gʋls ne gʋls-bi-tagdã, la y sok-a a tagsgo. Rẽ poor bɩ y lak seb-neng a 4-5 wã.

◼ Y leb n tõe n tika seb-neng a 4-5 wã zug n sɩng sõsgã:

Y tõe n yeela woto: “Rẽ yĩnga toeeng nins fot kãensã sẽn bilgdã sã n wa yɩ sɩda, kõn tall yamleoog wʋsg sɩda?” Wall y tõe n soka woto: “Bũmb nins b sẽn kãab ka wã sʋka, bʋg la yãmb rat tɩ pidsi?” Kelg-y-yã a leokrã neere.

Verse sã n yɩɩ y kɛlgdã noog bɩ y tik sebrã sull sẽn wɛgsd verse kãngã n wilg-a Biiblã sẽn yet a soab bũmb ning yell y sẽn gomdã zugu. (Ges-y seb-paasdem kãngã zĩ-gubrã.) Maan-y rẽ wa y sẽn zãmsd Biiblã ne ned to-to wã. Y tõe n maana boto minit a nu n digd piig y pipi kẽngrã, baa yaa zakã noore.

◼ Y tõe n tika seb-neng a 6 me n sok a soabã:

Wilg-y y kɛlgdã sogsgã sẽn be seb-nengã tẽngrã la y sok-a woto: “Yãmb zoe n bao n na n paama sok-kãensã a ye leoor bɩ?” A sã n tʋll n bãng sokr a ye leoor bɩ y lak sebrã sull ning sẽn leokd sok-kãngã zĩigẽ. (Ges-y seb-paasdem kãng zĩ-gubrã.) Y sã n sõsd ne taab leoorã zugu, yaa Biiblã la y zãmsd ne a soabã.

◼ Y tõe n tika seb-neng a 7 soabã n wilg d sẽn zãmsd Biiblã to-to:

Karm-y seb-nengã pipi goam la y lak sak a 3 wã n tik sull a 1-3 n mak d sẽn zãmsd Biiblã to-to wã n wilg-a. Rɩk-y segls sẽn na yɩl n lebg n tɩ sõs sull a 3 wã sogsg zut nindaare.

◼ D sẽn tõe n yeel bũmb ninga, sẽn na yɩl n lebg n wa nindaare:

Y sã n wa baasd zãmsg y sẽn nan sɩng bɩ y rɩk segls sẽn na yɩl n lebg n wa kẽng taoor ne y sõsgã. Wala makre y tõe n yeela woto: “Minit a wãna pʋgẽ bala, d bãnga Biiblã sẽn yet a soab bũmb sẽn tar yõod zugu. Nindaare, d tõe n sõsa [wilg-y sokr ning y sẽn na n wa leokã] zugu. M tõe n lebg n waa a yopoe wakat kãngã bɩ?”

Wakat ning a Zeova sẽn yãkã sẽn tar kolgrã, a kõt-d-la bũmb nins sẽn yaa tɩlae sẽn na yɩl n tʋm tʋʋmd ning a sẽn bobl-dã. (Mat. 28:19, 20; 2 Tɩm. 3:17) Woto yĩng bɩ d tʋm sõma ne d seb-paal-kãngã, n tall-a n sɩng Biiblã zãmsg ne nebã.

[Zĩ-gũbri, seb-neng a 5]

Sõsg sẽn tik seb-neng a 4-5 verse rãmbã zutu

◻ Wiligri 21:4 (seb-neng 27-8, sull a 1-3)

◻ Ezai 33:24; 35:5, 6 (seb-neng 36, sull 22)

◻ Zã 5:28, 29 (seb-neng 72-3, sull 17-19)

◻ Yɩɩl Sõamyã 72:16 (seb-neng 34, sull 19)

Seb-neng a 6 soab sogsgã leoore

◻ Bõe yĩng tɩ tõnd namsdẽ? (seb-neng 108-9, sull a 6-8)

◻ Wãn-wãn la d tõe n mao ne yɩɩrã? (seb-neng 184-5, sull a 1-3)

◻ Wãn-wãn la d tõe n kɩt tɩ d zakã tall sũ-noog n paase? (seb-neng 143, sull 20)

◻ Bõe n paamd ned a kũum poore? (seb-neng 58-9, sull a 5-6)

◻ Rẽ yĩnga d na n ye yãa tõnd nin-nongds nins sẽn ki wã bɩ? (seb-neng 72-3, sull 17-19)

◻ Wãn to la d tõe n kɩs sɩd tɩ Wẽnnaam na n pidsa a kãabsã? (seb-neng 25, sull 17)