D sẽn segd n segl Biibl zãmsg to-to tɩ wom biisi

Na maan naoor a yiibu, neb n sok a Zeezi na n bãng b sẽn tog n maan n wa paam vɩɩm sẽn kõn sa wã. La a Zeezi leoka b ned kam fãa tɩ zems a soab raabo. (Luk 10:25-28; 18:18-20) Dẽnd, baa tõnd sã n mii sebr ning d sẽn na n tall n zãms ned Biiblã sõma, d segd n deng n segla zãmsg fãa neere, tɩ zems ne karen-biig fãa yɛl sẽn yaa to-to. Wala makre, d segd n soka d mens sogs-kãensã: Bõe võor la karen-biigã tõe n pa wʋme, wall a pa sak n deeg nana? Vɛrse bʋs la d tog n karme? Sul a wãn la d segd n vaeese? Yɩta sõma tɩ d segl makre, pa rẽ bɩ sogsgo, wall d sẽn na n wɛgs zãmsgã to-to tɩ sõng karen-biigã t’a wʋm a võore. Sẽn paase, d sẽn mi tɩ yaa a Zeova n kɩtd tɩ zãmsg kẽ ned sũurã, d segd n kos-a lame t’a ning karen-biigã barka, la a ning tõnd me sẽn modgd n segend zãmsgã barka, tɩ d tõog n sõng karen-biigã t’a bɩɩs a tẽebã.—1 Kor. 3:6; Zak 1:5.