D PAAS D KOE-MOONEGÃ MINIM:
D kãab nebã periodik-rãmbã ne d meng goama
SAGLGÃ YÕODO: Tõnd tigissã na-kẽndrã pʋgẽ, b wilgda d sẽn tõe n kãab sɛbã to-to. La rẽ yaa sẽn na n sõng tõnd tɩ d bãng n tɩʋʋs sõsg nana-nana. Y segd n tɩʋʋsa sõsgã ne y meng goama. Tõe tɩ y na n dat n kãaba sɛbã ne manesem a to, wall y tik sõsg y sẽn tagsd tɩ na n zemsa ne yãmb moonegã zĩigẽ neba. Sã n yaa woto, y sã n wa karem periodikã ne b sẽn wilg d sẽn tõe n kãab ned sebrã to-to wã n sa, la y ges sebrã kãabg video wã, y tõe n tũu sagl-kãensã, n bãng y sẽn na n kãab ned sebrã to-to ne y meng goama.
AD Y SẼN TÕE N MAAN DẼ TO-TO:
Sok-y y meng woto: ‘M na n tũu b sẽn wilg d sẽn tõe n kãab sɛbã to-to wã n moon koɛɛgã bɩ?’
N-YE
Bao-y sɩngr goam. Y sã n pʋʋs nedã n sa bɩ y wilg-a y waoongã võor koɛɛg-koɛɛga. (Y tõe n yeela woto: “M wa n na n . . . ”)
Bao-y n bãng-y y sẽn na n wʋg y goamã to-to, n tõog n sok sokre, n karem vɛrse, la y kãab sebrã. (Makre, nand tɩ y karem vɛrse, y tõe n yeela woto: “Sok-kãngã leoor bee Biiblã pʋgẽ tɩ m dat n wilg-yã.”)
AYO
Yãk-y sõsg sẽn ta yãmb yam periodikã pʋgẽ, la sẽn na n yɩ y moonegã zĩigẽ nebã noogo.
Bao-y sokr y sẽn tõe n sok kɛlgdã t’a togs a tagsg nana-nana, la sẽn pa na n ning-a yãnde, bɩ n paoog-a ye. (Makre: Y tõe n tika sogsgã sẽn be periodikã neng a 2 wã n sõse.)
Bao-y vɛrse n karme. (Sã n yaa Réveillez-vous ! wã la y rat n kãabe, pa tɩlɛ tɩ y karem vɛrse, bala, b yiis-a-la sẽn pa mi-b Biiblã sõma wã yĩnga, pa rẽ bɩ neb nins toog sẽn pa be ne tũudmã.)
Bao-y y sẽn na n kʋms sõsgã to-to, kɩt tɩ kɛlgdã bãng sebrã sẽn tõe n naf-a to-to.
Y SÃ N NA N TŨUME TƖ Y PA NA N TŨ ME,
Bao-y sokr y sẽn tõe n soke, n paam n wa kaag y kɛlgdã nindaare.
Rɩk-y not-rãmba, n tẽeg bũmb ning yell y sẽn na n gom nindaare.