Modg-y n lebg-y so-pakda, n pẽg a Zeova

Israyɛll nebã ra tara bʋʋm toor-toor n na n pẽg a Zeova. A Zeova yiis-b-la yembd Ezɩpti, la a fãag-b a Farawõ ne a sodaasã nusẽ! (Yik. 15:1, 2) A Zeova ket n maanda a nin-buiidã neere. Bõe la d tõe n maan n pʋʋs-a barka?—Yɩɩn. 116:12.

Bũmb a ye d sẽn tõe n maan yaa d lebg sõngr so-pakda, bɩ wakat fãa so-pakda. Y tõe n pʋʋsa a Zeova n kos-a t’a kõ-y raab la tõog tɩ y lebg so-pakda. (Fili. 2:13) Neb wʋsg sɩngda ne sõngr so-pakrã. Tʋʋlg ne tʋʋl-nif kiuugã, la tigims sull yel-gɛta kaagr sasa, yãmb tõe n dɩka sõngr so-pakrã, n moon lɛɛr 30 bɩ 50. Sõngr so-pakrã sẽn na n naf yãmb to-to wã tõe n kɩtame tɩ y rat n lebg wakat fãa so-pakda. Baa neb nins sẽn tʋmd daar fãa semennã pʋgẽ wã, la neb nins laafɩ sẽn pa waoogã tõe n lebga wakat fãa so-pakdba. (mwb16.07 8) Yaa vẽeneg tɩ modgr nins fãa d sẽn maand n pẽgd a Zeova wã zemsame, bala a toga ne rẽ!—1 Kib. 16:25.

GES-Y VIDEO WÃ: MONGOLI SAAM-BI-POGS A TÃABO. RẼ POOR, BƖ Y LEOK SOGSGÃ:

• 

  Zu-loe-bʋs la saam-bi-pogs a tãabã mao ne, sẽn na yɩl n tõog n lebg so-pakdba?

• 

  Bõe ne bõe la b paam-yã, tɩ yaa barka?

• 

  Bõe me la b tõog n maane, b sẽn da yaa wakat fãa so-pakdbã yĩnga?

• 

  Wãn to la b mak-sõngã naf b taabã?