D paas d koe-moonegã minim koɛɛgã mooneg ne telefõnnã maasmã

A YÕODÃ: Koɛɛgã mooneg ne telefõnnã maasmã tõe n sõngame tɩ d tõog n ‘moon koe-noogã sõma.’ (Tʋʋ. 20:24)a Sõngdame tɩ d paam n taas ned koɛɛgã, baa yɛlã sã n kɩtame tɩ d pa tõe n kẽng a nengẽ.

D SẼN TÕE N MAAN DẼ TO-TO:

• 

  Segl-y y menga. Bãng-y n yãk-y y sẽn na n gom bũmb ning yellã. Rẽ poor bɩ y kʋms y sẽn dat n yeelã n gʋls sebr zugu. Yɩta sõma tɩ y bao taabl ne goeel n zĩndi, tɩ sebr ning zug y sẽn kʋms goamã be yambẽ, n paas bũmb a taab y sẽn na n wa rata, wala makre, y tõe n zoe n paka JW Library^® bɩ jw.org^® y telefõn wall tablɛtã zugu

• 

  Gãneg-y y yam. Gom-y wa y sẽn gomd to-to raasenkamã. Yõgemded-y y noor la y lobd y nusã, tɩ yaa wa y sẽn gomd ne ned ningã nee yambẽ. Gũus-y n da wa sĩnd n pa yet bũmbu, sã n pa wa n yaa tɩlɛ ye. Y sã n kos ned t’a naag-yã, sõngdame. Kɛlgdã sã n sok sokre, lebg-y n togs-y sokrã sẽn na n yɩl tɩ sẽn be-a ne yãmbã wʋme, n tõog n sõng-y tɩ y paam leoorã

• 

  Bao-y n na n le sõs ne-a nindaare, n paam n maan lebg-n-tɩ-gese. Kɛlgdã sã n wilg t’a rat n bãng n paasame, bɩ y sok-a sokre, la y yeel-a tɩ y na n lebg n boola nindaar n leok sokrã. Y leb n tõe n yeel-a lame tɩ y na n tool-a-la e-mail, wall y wa kõ-a sebr ninga, pa rẽ bɩ n tool-a. Y tõe n yeel-a lame me tɩ y na n tool-a-la video wall sebr ne e-mail bɩ mesaaz maasem. Sã n tõeeeme, bɩ y gom bũmb sẽn be tõnd sɩtã zug yell ne-a