D WILG TƖ D YAA KIRIS-NEB HAKƖƖKA
Sagls sẽn na n sõng tɩ koɛɛgã mooneg tigissã naf nebã
Wa tigiss a taabã, koɛɛgã mooneg tigissã yaa bũmb a Zeova sẽn get tɩ d paamdẽ, sẽn na yɩl tɩ d sõng taab n bɩɩs nonglem la d tʋm tʋʋm-sõma. (Ebre. 10:24, 25) Tigissã segd n kaoosa minit a nu bɩ a yopoe. Rẽ sasa me la b segd n wilg koe-moond fãa sẽn na n moon ne ned ninga, zĩig ning b sẽn na n tɩ moonã, la b pʋʋse. (Koɛɛgã mooneg tigsgã sã n yaa tigsg a to poore, pa segd n kaoos n ta woto meng ye.) Ned ning sẽn na n lʋɩ taoor koɛɛgã mooneg tigissã sasa wã, segd n segla bũmb sẽn na n naf neb nins sẽn na n moon koɛɛgã baraarã. Wala makre, sibrã, sẽn mik tɩ yaa hal semen ning sẽn loogã la koe-moondb wʋsg moon koɛɛgã, yɩta sõma t’a wilg bũmb ning b sẽn tõe n gom ne nebã. Bõe ne bõe me yell la b tõe gom koɛɛgã mooneg tigissã sasa, tɩ naf koe-moondbã?
Sokr sẽn be Kiris-nebã vɩɩm la b tʋʋma tigissã na-kẽndr sebr sõsg tɩʋʋsgã pʋgẽ
D sẽn tõe n tik bũmb sẽn maan sẽn nan pa kaoose, pa rẽ bɩ kiba-paal n sɩng sõsg ne ned to-to
D sẽn tõe n maan to-to, ned sã n yeel bũmb tɩ wilgd t’a pa rat n kelge
D sẽn tõe n leok ned sẽn pa tẽed tɩ Wẽnnaam beeme to-to, ned sẽn tẽed tɩ bũmb fãa talla toeeng n wa lebg tõnd sẽn ne wã, ned sẽn gom buud-gom-zẽnga, pa rẽ bɩ ned sẽn be tũudum sẽn pa be tõnd mooneg zĩigẽ
D sẽn tõe n tʋm to-to ne bũmb sẽn be jw.org sɩtã pʋgẽ, JW Library® aplikasiyõ wã pʋgẽ, pa rẽ bɩ Biiblã pʋgẽ
D sẽn tõe n tʋm to-to ne bũmb sẽn naag tõnd koe-moonegã tʋʋm-teedã
D sẽn tõe n maan to-to d sã n wa moond koɛɛgã ne telefõn, wall ne lɛta-rãmba, d sã n wa moond koɛɛgã zãma zĩisẽ, d sã n wa na n maan lebg-n-tɩ-gese, pa rẽ bɩ d sã n wa zãmsd ned Biiblã
Sagls kẽer yõ-koglgã wɛɛngẽ, ra yɩ dem-demã, tall manesem-sõng la yam-sõngã, pa rẽ bɩ bũmb sẽn wõnd woto wɛɛngẽ
Y tõe n goma Modg-y n paas-y y minimã karengã la nebã zãmsg wɛɛngẽ borsiirã sak a yembr yelle, pa rẽ bɩ n wilg borsiirã video
D sẽn tõe n keng koe-moond a to raood to-to, pa rẽ bɩ d sẽn tõe n sõng-a to-to
Biiblã vɛrse sẽn gomd koɛɛgã mooneg yelle, wall kibar sẽn kengd raood koɛɛgã mooneg wɛɛngẽ