Bõn-bɩʋʋng kiuugã, d na n modg n sɩnga Biiblã zãmsg ne nebã dũniyã gill zugu

Bõn-bɩʋʋng kiuugã pʋgẽ, d fãa na n modga wa d sẽn tõe n tɛka, n tall Vɩɩmd-y wakat sẽn kõn sa! borsiirã n sɩng Biiblã zãmsg ne ned buud fãa. Koe-moondbã tõe n yãka yam n dɩk sõngr so-pakrã, n moon lɛɛr 30. Wãn to la d na n kẽes d toog tʋʋm-kãngã pʋgẽ?

• Pipi sõsgã sasa: Tũnug-y ne borsiirã yaoolem seb-nengã n sõng kɛlgdã t’a rat n bãng n paase, la y wilg-a d sẽn zãmsd nebã Biiblã to-to. Tẽeg-y neb nins sẽn zoe n wilg tɩ b rat n bãng n paasame wã yelle. Wala makre, y lebg-n-tɩ-ges rãmbã. Baa b sã n da zãgsa Biiblã zãmsg pĩnda, tõe tɩ b na n dat n bãnga tõnd sẽn zãmsd nebã Biiblã to-to masã ne borsiir-paallã maasmã. D pa segd n bas borsiirã neb nins d sẽn pa mikã zagsẽ, pa rẽ bɩ n ning ãnvelop pʋsẽ n tool neb sẽn da pa wilg tɩ b rat n bãng n paasame ye. Kãsem-dãmbã sull ning sẽn get koe-moonegã yellã tõe n gesame tɩ b maan koe-moonegã tigiss a taab n paas kiuugã pʋgẽ.

• Segb a taaba: Yãmb tigingã neb sã n moonda koɛɛgã ne perzãntoaar-dãmb maasem, bɩ y ning Vɩɩmd-y wakat sẽn kõn sa! borsiirã be. Togs-y neb nins sẽn wilg tɩ b rat n bãng n paasame wã, tɩ b tõe n paamame tɩ b wa zãmsd-b Biiblã zaalem ne borsiirã maasem. Sõsgã sasa, wilg-y-yã a soabã d sẽn zãmsd nebã Biiblã to-to wã koɛɛg-koɛɛga, wall y maan rẽ nindaare. Koe-moonegã yel-gɛt tõe n kɩtame tɩ koe-moondb sẽn tar minim kẽng n tɩ moon zĩis nins sẽn yaa koosem zĩisã, n sɩng Biibl zãmsg ne nebã. Sẽn paase, y tõe n modgame n sɩng Biiblã zãmsg ne y tʋmd-n-taase, pa rẽ bɩ ne neb nins y sẽn tũnug ne sebg y sẽn paam n taas koɛɛgã.

A Zeezi kõo tõnd noor tɩ d tɩ sõng nebã tɩ b ‘lebg a karen-biisi,’ la d ‘zãms-ba.’ (Mat. 28:19, 20) Wẽnd na kɩt tɩ d tõog n tall Vɩɩmd-y wakat sẽn kõn sa! borsiirã bõn-bɩʋʋng kiuugã pʋgẽ, n pids d bõn-daabã.