Rũndã-rũndã, yɛ la d tõe n paam sagls d sẽn tõe n kɩs sɩd ne?
Dũniyã yɛl sẽn toeemd tʋʋll-tʋʋllã yĩnga, bõe n tõe n sõng-y tɩ y bas y yam tɩ yam nins y sẽn yãkdã na n kɩtame tɩ y paam sũ-noogo? Y maanda wãn n kɩs sɩd tɩ beoogo, nebã pa na n getẽ tɩ bũmb nins d sẽn yet tɩ yaa sõma rũndã-rũndã wã yaa wẽnse?
Biiblã tõe n sõngd-y lame tɩ y yãkd yam sẽn pa na n kɩt tɩ y wa maand y bãngẽ ye. Bõe yĩnga? Biiblã goamã yita d Naandã nengẽ. D Naandã mii bũmb ning sẽn na n kɩt tɩ d paam sũ-noog hakɩɩka, tɩ d yamã me gãe bãane.
“Wẽnnaam wilga foo sẽn yaa sõma.”—Mise 6:8.
D tõe n basa d yam ne sagls nins sẽn be Biiblã pʋgẽ wã. D “tõe n teeg-b-la wakat fãa. Masã, la wakat fãa yĩnga.”—Yɩɩn-sõamyã 111:8.
D kot-y lame tɩ y bao n bãng Biiblã sẽn tõe n sõng-y to-to, baa dũniyã yɛl sẽn toeemd tʋʋll-tʋʋllã.