Y sẽn tõe n yeele:

Y sẽn tõe n sɩng Biibl zãmsg ne nebã tʋʋlg kiuugã pipi sibrã to-to

“Neb wʋsg maanda a Zezi rogem daar tẽegr kibsa, la yãmb tagsdame tɩ tara yõod tɩ d tẽeg a kũumã yell bɩ?” Bas-y t’a leoke. Lak-y tʋʋlg kiuugã pipi daar Gũusg Gasgã seb-neng 16, n karem sẽn be pipi gom-zu-bilã tẽngrã, la vɛrse nins b sẽn sõdg be wã a ye, la y sõs y sẽn karmã zug bilfu. Rẽ poor bɩ y kãab-a sebrã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã, Tʋʋlgo, 1

“Kiris-neb tũudmã lebga wʋsgo. B sẽn tẽed bũmb ninsã la b yel-maandɩ wã me pa a yembr ye. Yãmb tagsdame tɩ ned ning fãa sẽn yet t’a yaa kiris-ned sɩd yaa kiris-ned hakɩk bɩ? [Bas-y t’a leoke.] D ges bũmb a ye a Zezi sẽn yeele, n na n sõng nebã tɩ b bãng kiris-neb hakɩkã n bake. [Karm-y Zã 13:34, 35.] Seb-kãngã wilgda bũmb a nu a Zezi sẽn togse, tɩ tõe n sõng tõnd tɩ d bãng a karen-biis hakɩkã.”

Réveillez-vous ! Tʋʋlgo

“Rũndã-rũndã, wõnda nebã wʋsg lebgda sũ-to-neba, tɩ b sũyã nong n yikd tao-tao. Yãmb tagsdame tɩ yaa bõe n kɩt tɩ yaa woto? [Bas-y t’a leoke.] M bõos n karem bũmb Biiblã sẽn yet sũ-yikrã wɛɛngẽ. [Karm-y Yɩɩl Sõamyã 37:8.] Seb-kãngã wilgda bũmb nins sẽn kɩt tɩ nebã wʋsg sũy yikd tao-tao wã, la d sẽn tõe n maan to-to tɩ baa d sũur sã n yik bɩ d tõog d menga.”