Y sẽn tõe n yeele:
Rĩungã kibay No 38 seb-vãoogã
“Dũniyã gill zugu, tõnd pʋɩta nebã seb-vã-kãngã. Yãmb rẽnd la woto.”
Vẽnegre: Yɩl n pʋɩ-a moonegã zĩig fãa nebã, yɩta sõma tɩ y ra gomd wʋsg ye. La tõe tɩ nina reeg seb-vãoogã n sɩd rat ne a sũur fãa n bãng n paase. Sã n yaa rẽ, y tõe n sok-a-la seb-vãoogã pipi nengã sokrã, la y lak a pʋgẽ wã n karem Biiblã sẽn leokd sokrã to-to wã t’a kelge. Sẽk sã n beẽ bɩ y sõs seb-vãoogã zĩis a taab zugu. A poorã, zĩig a ye la b gʋls tɩ “Ad sokre.” Nand tɩ y loog bɩ y sok-a sok-kãnga, la y rɩk sɛk n lebg n wa sõs ne-a rẽ zugu.
GŨUSG GASGÃ Sɩpaolgo, 1
“Ne yãmba, bõe la nebã yet Wẽnnaam zug tɩ yaool n yaa ziri? [Bas-y t’a leoke.] Biiblã yeelame tɩ Wẽnnaam datame tɩ nebã nong yẽ la b teeg-a. [Karm-y Ezai 41:13.] Seb-kãngã wilgda zɩlem-beed a tãab b sẽn yet Wẽnnaam zugu, tɩ kɩt tɩ yaa toog ne neb kẽer tɩ b nong Wẽnnaam.”
Réveillez-vous ! Sɩpaolgo
“Rũndã-rũndã, wõnda neb wʋsg pa le mi sõma ne wẽng n bak ye. Rẽ sãamda neb kẽer sũuri. Yãmb tagsdame tɩ nebã sɩd pa le mi sõma ne wẽng n bãk bɩ? [Bas-y t’a leoke.] Biiblã ra pĩnd n togsame tɩ ãdem-biisã zʋg la b yel-manesem da na n wa toeemame. [Karm-y 2 Tɩmote 3:1-5.] Seb-kãngã wilgda bũmb ning sẽn kɩt tɩ d tõe n bas d yam ne Biiblã saglsã.”