1 Kronaki

10 U l-​Filistin,+ min-​naħa tagħhom, iggwerraw kontra Israel; u l-​irġiel taʼ Israel ħarbu minn quddiem il-​Filistin u waqgħu mejtin fuq il-​Muntanja Gilbogħa.+ 2 U l-​Filistin żammew qrib Sawl u wliedu; u l-​Filistin qatlu lil Ġonatan+ u lil Abinadab+ u lil Malki-sugħa,+ ulied Sawl.+ 3 U l-​ġlied ħrax kontra Sawl; u dawk li jisparaw il-​qaws fl-​aħħar sabuh, u hu safa ferut mill-​arċieri.+ 4 Imbagħad Sawl qal lil dak li kien iġorrlu l-​armi:+ “Islet sejfek+ u infidni bih, biex ma jiġux dawn l-​irġiel mhux ċirkonċiżi+ u jittrattawni bil-​kefrija.”+ U dak li kien iġorrlu l-​armi ma riedx,+ għaliex beżaʼ ħafna. Għalhekk, Sawl qabad is-​sejf u nxteħet fuqu.+ 5 Meta dak li jġorrlu l-​armi ra li Sawl kien miet, imbagħad hu wkoll inxteħet fuq is-​sejf u miet.+ 6 B’hekk, Sawl u t-​tliet uliedu mietu,+ u dawk kollha taʼ daru mietu flimkien. 7 Meta l-​irġiel kollha taʼ Israel li kienu fil-​pjanura l-​baxxa raw li l-​gwerriera taʼ Israel kienu ħarbu u li Sawl u wliedu kienu mietu, imbagħad huma bdew jitilqu mill-​bliet tagħhom u jaħarbu;+ u l-​Filistin daħlu u bdew jgħammru fihom.

8 U ġara li l-​għada, meta l-​Filistin ġew ineżżgħu+ l-​maqtulin, sabu lil Sawl u lil uliedu mixħutin fuq il-​Muntanja Gilbogħa.+ 9 U neżżgħuh u qatgħulu rasu+ u ħadu l-​armatura tiegħu u bagħtu messaġġ fl-​art tal-​Filistin dawramejt biex jgħarrfu+ lill-​idoli tagħhom+ u lin-​nies. 10 Fl-aħħar poġġew l-​armatura tiegħu fid-​dar taʼ l-​alla tagħhom,+ u rasu dendluha mad-​dar taʼ Dagon.+

11 U dawk kollha taʼ Ġabes+ f’Gilegħad semgħu b’kulma l-​Filistin kienu għamlu lil Sawl.+ 12 Għalhekk, l-​irġiel qalbenin kollha qamu u ġarrew il-​katavru taʼ Sawl u l-​katavri taʼ wliedu u ħaduhom Ġabes u difnu l-​għadam tagħhom taħt is-​siġra l-​kbira+ f’Ġabes;+ u samu+ għal sebat ijiem.

13 B’hekk, Sawl miet minħabba l-​infedeltà tiegħu għaliex aġixxa bla fidi+ kontra Ġeħova peress li ma żammx il-​kelma taʼ Ġeħova u wkoll minħabba li staqsa lil medjum taʼ l-​ispirti+ sabiex jistħarreġ il-​mejtin. 14 U ma staqsiex lil Ġeħova.+ Għaldaqstant, hu tah il-​mewt u għadda l-​kariga taʼ sultan lil David, bin Ġesse.+