Lid-direttur. Fuq l-istrumenti tal-korda. Maskil. Taʼ David.
55 Agħti widen, O Alla, għat-talba tiegħi;+
U tinħebiex mis-supplika tiegħi għall-ħniena.+
2 Agħti kasi u wiġibni.+
M’għandix kwiet minħabba t-tħassib tiegħi,+
U ma nistax ma ninkwetax,
3 Minħabba dak li qed jgħid l-għadu, minħabba l-pressjoni mill-ħażin.+
Għax huma l-ħin kollu jagħmluli l-ħsara,+
U bir-rabja jżommu f’qalbhom il-mibegħda għalija.+
4 Qalbi muġugħa għall-aħħar ġo fija,+
U waqaʼ fuqi l-biżaʼ tal-mewt.+
5 Biżaʼ, iva, tregħid għandi fuqi,+
U t-tkexkix jgħattini.
6 U l-ħin kollu ngħid: “O li kelli l-ġwienaħ bħal ħamiema!+
Kieku kont intir xi mkien ieħor u ngħammar hemm.+
7 Ara! Kont intir ’il bogħod;+
Kont immur noqgħod fix-xagħri.+—Sela—
8 Kont ngħaġġel lejn post fejn naħrab
Mir-riħ qawwi, mit-tempesta.”+
9 Ħawwadhom, O Ġeħova, ħawdilhom kliemhom,+
Għax vjolenza u argumenti rajt fil-belt.+
10 Lejl u nhar iduru magħha fuq is-swar tagħha;+
U ħsara u inkwiet hemm ġewwa fiha.+
11 Għawġ hemm f’nofsha;
U l-moħqrija u l-qerq ma ċċaqalqux mill-pjazza tagħha.+
12 Għax mhux l-għadu kien li maqdarni;+
Kieku kont nissaportih.
Mhux xi ħadd li kien mimli mibegħda għalija tkabbar ħafna kontrija;+
Kieku kont inkun nistaʼ ninħeba minnu.+
13 Imma kont int, bniedem mortali li jien stmajtu daqsi,+
Xi ħadd li naf u li jien midħla tiegħu,+
14 Għax konna ngawdu ħbiberija ħelwa flimkien;+
Lejn id-dar t’Alla konna nimxu mal-ġemgħa.+
15 Ħa tiġi ħerba fuqhom!+
Ħa jinżlu ħajjin fil-Qabar;+
Għax il-ħażen jgħammar fejn jgħammru huma.+
16 Min-naħa tiegħi, se nsejjaħ lil Alla;+
U Ġeħova jsalvani.+
17 Fil-għaxija, fil-għodu, u f’nofsinhar ma nistax ma ninkwetax, u għalhekk nokrob,+
U hu jismaʼ leħni.+
18 Hu se jifdili ruħi mill-attakki kontrija u jagħtiha l-paċi,+
Għax ġew kotriet kontrija.+
19 Alla, li qiegħed fuq it-tron bħal fil-passat,+
Se jismagħhom u jwiġibhom+—Sela—
Lil dawk li ma nbidlux+
U li ma beżgħux minn Alla.+
20 Hu medd idejh kontra dawk fil-paċi miegħu;+
Kasbar il-patt tiegħu.+
21 Artab iktar mill-butir kliem fommu,+
Imma qalbu lesta għall-ġlied.+
Kliemu jiżloq iktar miż-żejt,+
Imma fil-fatt hu bħal sejf mislut.+
22 Ixħet toqlok fuq Ġeħova,+
U jsostnik.+
Hu qatt ma jħalli lill-ġust jogħtor.+
23 Imma int, O Alla, se tniżżilhom fl-iktar ħofra fonda.+
Il-bnedmin ħatjin tad-demm u qarriqin mhux se jgħixu nofs il-jiem tagħhom.+
Imma jien, jien se nafda fik.+