Lill-​Efesin

1 Pawlu, appostlu+ taʼ Kristu Ġesù bir-​rieda t’Alla,+ lill-​qaddisin li hemm f’Efesu u wħud leali+ f’unjoni+ maʼ Kristu Ġesù:

2 Qalb tajba mhix mistħoqqa+ u paċi+ lilkom mingħand Alla Missierna u l-​Mulej Ġesù Kristu.

3 Ikun imbierek Alla u Missier il-​Mulej tagħna Ġesù Kristu,+ għax berikna+ b’kull barka spiritwali, f’unjoni maʼ Kristu, fil-​postijiet+ tas-​sema, 4 bħalma għażilna+ f’unjoni miegħu qabel it-​tisjis+ tad-​dinja, biex inkunu qaddisin u bla difett+ quddiemu fl-​imħabba.+ 5 Hu ddetermina minn qabel+ li jadottana+ bħala wliedu+ permezz taʼ Ġesù Kristu, skond kif għoġobha r-​rieda tiegħu,+ 6 b’tifħir+ għall-​qalb tajba mhix mistħoqqa+ u glorjuża tiegħu li wriena b’qalb tajba permezz taʼ Ibnu l-​maħbub.+ 7 Bih għandna l-​ħelsien bil-​fidwa permezz taʼ demmu,+ iva, il-​maħfra+ tan-​nuqqasijiet tagħna, skond ir-​rikkezzi tal-​qalb tajba mhix mistħoqqa tiegħu.+

8 Hu ġiegħel li din toktor fina flimkien maʼ kull għerf+ u għaqal, 9 billi għarrfilna s-​sigriet sagru+ tar-​rieda tiegħu. Dan hu skond l-​iskop li għoġbu jfassal fih innifsu+ 10 għal amministrazzjoni+ fil-​milja taż-​żminijiet stabbiliti,+ jiġifieri, li jerġaʼ jiġbor+ kollox flimkien fil-​Kristu,+ kulma hemm fis-​smewwiet+ u kulma hemm fuq l-​art.+ Iva, fih, 11 u f’unjoni miegħu konna maħturin ukoll bħala werrieta,+ billi ġejna determinati minn qabel skond l-​iskop taʼ dak li jmexxi kollox kif tiddeċiedi r-​rieda tiegħu,+ 12 sabiex aħna, li konna l-​ewwel li ttamajna fil-​Kristu,+ naqdu għat-​tifħir tal-​glorja tiegħu.+ 13 Intom ukoll ittamajtu fih wara li smajtu l-​kelma tal-​verità,+ l-​aħbar tajba dwar is-​salvazzjoni tagħkom.+ U permezz tiegħu wkoll, wara li emmintu, ġejtu mmarkati bis-​siġill+ taʼ l-​ispirtu qaddis imwiegħed,+ 14 li hu garanzija+ bil-​quddiem tal-​wirt tagħna,+ bl-​iskop li jinħeles b’fidwa+ l-​poplu li hu proprjetà t’Alla,+ għat-​tifħir glorjuż tiegħu.

15 Huwa għalhekk li jien ukoll, mindu smajt bil-​fidi li għandkom fil-​Mulej Ġesù u kif turuha lejn il-​qaddisin kollha,+ 16 ma niqafx irrodd ħajr għalikom. Inkompli nsemmikom fit-​talb tiegħi,+ 17 biex l-​Alla tal-​Mulej tagħna Ġesù Kristu, Missier il-​glorja, jagħtikom spirtu t’għerf+ u taʼ rivelazzjoni fl-​għarfien eżatt dwaru;+ 18 l-għajnejn+ taʼ qalbkom ġew imdawlin+ sabiex tkunu tafu x’inhi t-​tama+ li sejħilkom għaliha, x’inhuma r-​rikkezzi glorjużi+ li hu għandu bħala wirt għall-​qaddisin,+ 19 u x’inhu l-​kobor bla qjies tal-​qawwa tiegħu+ lejna li nemmnu. Dan hu skond il-​ħidma+ tas-​setgħa tas-​saħħa tiegħu, 20 li uża meta qajjem lill-​Kristu mill-​imwiet+ u qiegħdu bil-​qiegħda fil-​leminija tiegħu+ fil-​postijiet tas-​sema,+ 21 ħafna iżjed ’il fuq minn kull gvern u awtorità u qawwa u ħakma+ u kull isem li jissemma,+ mhux biss f’din is-​sistema,+ imma wkoll f’dik li ġejja.+ 22 Hu ssuġġetta wkoll kollox taħt saqajh,+ u għamlu kap fuq kollox+ għall-​kongregazzjoni, 23 li hi l-​ġisem tiegħu,+ il-​milja+ taʼ dak li jimla kollox f’kulħadd.+

2 Iktar minn hekk, Alla lilkom takom il-​ħajja għalkemm kontu mejtin minħabba n-​nuqqasijiet u d-​dnubiet tagħkom,+ 2 li fihom darba kontu timxu skond is-​sistema+ taʼ din id-​dinja, skond il-​ħakkiem+ taʼ l-​awtorità taʼ l-​arja, l-​ispirtu+ li issa qed jaħdem f’ulied id-​diżubbidjenza.+ 3 Iva, fost dawn aħna lkoll darba konna nġibu ruħna fi qbil max-​xewqat taʼ laħamna,+ nagħmlu dak li jridu l-​laħam+ u l-​ħsibijiet, u naturalment konna wlied il-​korla+ saħansitra bħall-​oħrajn. 4 Imma Alla, li hu għani fil-​ħniena,+ għall-​imħabba kbira tiegħu li biha ħabbna,+ 5 tana l-​ħajja flimkien mal-​Kristu, saħansitra meta konna mejtin fin-​nuqqasijiet+—bil-​qalb tajba mhix mistħoqqa kontu salvati+— 6 u qajjimna+ flimkien u poġġiena bil-​qiegħda flimkien fil-​postijiet tas-​sema+ f’unjoni maʼ Kristu Ġesù, 7 sabiex fis-​sistemi li ġejjin+ jintwerew ir-​rikkezzi bla qjies+ tal-​qalb tajba mhix mistħoqqa tiegħu bil-​ħlewwa li jurina f’unjoni+ maʼ Kristu Ġesù.

8 Tabilħaqq, b’din il-​qalb tajba mhix mistħoqqa ġejtu salvati permezz tal-​fidi;+ u dan mhux bis-​saħħa tagħkom,+ imma hi l-​għotja t’Alla.+ 9 Le, m’huwiex bis-​saħħa taʼ l-​għemejjel,+ sabiex l-​ebda bniedem ma jkollu għalfejn jiftaħar.+ 10 Għax aħna xogħol idejh+ u konna maħluqin+ f’unjoni+ maʼ Kristu Ġesù għall-​għemejjel tajbin+ li Alla ħejjielna minn qabel+ biex nimxu fihom.

11 Għalhekk, ibqgħu żommu f’moħħkom li qabel intom kontu nies tal-​ġnus skond il-​laħam;+ kontu tissejħu “bla ċirkonċiżjoni” minn dik li tissejjaħ “ċirkonċiżjoni” magħmula fil-​laħam bl-​idejn,+ 12 u li f’dak iż-​żmien partikulari kontu mingħajr Kristu,+ imbegħdin+ mill-​ġens taʼ Israel u barranin għall-​pattijiet tal-​wegħda,+ u ma kellkomx tama+ u kontu mingħajr Alla fid-​dinja.+ 13 Imma issa, f’unjoni maʼ Kristu Ġesù, intom li darba kontu ’l bogħod ġejtu fil-​qrib bid-​demm+ tal-​Kristu. 14 Għax hu l-​paċi tagħna,+ hu li għamel iż-​żewġ partijiet+ ħaġa waħda+ u qered il-​ħajt*+ taʼ bejniethom li kien jisseparahom.+ 15 Permezz taʼ laħmu+ neħħa għalkollox l-​għadwa,+ il-​Liġi tal-​kmandamenti li tikkonsisti f’digrieti,+ sabiex miż-​żewġ popli+ joħloq, f’unjoni miegħu nnifsu, bniedem+ wieħed ġdid u jġib il-​paċi; 16 u sabiex jerġaʼ jħabbeb bis-​sħiħ+ m’Alla liż-​żewġ popli f’ġisem wieħed+ permezz taz-​zokk tat-​tortura,+ għax temm l-​għadwa+ permezz tiegħu nnifsu. 17 U ġie jxandrilkom l-​aħbar tajba taʼ paċi,+ lilkom li qegħdin ’il bogħod, u paċi lil dawk li qegħdin fil-​qrib,+ 18 għax permezz tiegħu aħna, iż-​żewġ popli,+ nistgħu nersqu+ lejn il-​Missier bi spirtu wieħed.+

19 Għalhekk, żgur li m’intomx iktar stranġieri+ u residenti barranin,+ imma ċittadini+ mseħbin mal-​qaddisin+ u membri tad-​dar+ t’Alla, 20 u nbnejtu fuq il-​pedament+ taʼ l-​appostli+ u l-​profeti,+ waqt li Kristu Ġesù nnifsu hu l-​ġebla tax-​xewka tal-​pedament.+ 21 F’unjoni miegħu l-​bini kollu, magħqud flimkien b’mod armonjuż,+ qed jikber f’tempju qaddis għal Ġeħova.+ 22 F’unjoni miegħu+ intom ukoll qed tinbnew flimkien f’post fejn Alla jgħix bl-​ispirtu.+

3 Minħabba dan jien, Pawlu, il-​priġunier+ taʼ Kristu Ġesù għan-​nom tagħkom, in-​nies tal-​ġnus+— 2 jekk tassew smajtu dwar il-​prokura+ tal-​qalb tajba mhix mistħoqqa t’Alla li ngħatatli għall-​benefiċċju tagħkom, 3 li permezz taʼ rivelazzjoni ġejt mgħarraf is-​sigriet sagru,+ bħalma ktibt qabel fil-​qosor. 4 Minħabba f’hekk, meta taqraw dan, tistgħu tirrealizzaw kemm naf+ dwar is-​sigriet sagru+ tal-​Kristu. 5 F’ġenerazzjonijiet oħrajn dan is-​sigriet+ ma ġiex mgħarraf lil ulied il-​bnedmin bħalma issa ġie rivelat+ lill-​appostli mqaddsa u lill-​profeti tiegħu+ bl-​ispirtu, 6 jiġifieri, li n-​nies tal-​ġnus għandhom ikunu werrieta bi sħab u membri mseħbin taʼ l-​istess ġisem+ u jieħdu sehem magħna fil-​wegħda+ f’unjoni maʼ Kristu Ġesù permezz taʼ l-​aħbar tajba. 7 Jien sirt ministru+ taʼ dan skond l-​għotja b’xejn tal-​qalb tajba mhix mistħoqqa t’Alla li ngħatatli skond kif taħdem il-​qawwa tiegħu.+

8 Lili, bniedem inqas mill-​inqas wieħed+ fost il-​qaddisin kollha, intwerietli din il-​qalb tajba mhix mistħoqqa:+ li nxandar lill-​ġnus+ l-​aħbar tajba dwar ir-​rikkezzi bla tarf+ tal-​Kristu 9 u nġiegħel lill-​bnedmin jaraw kif inhu amministrat+ is-​sigriet sagru+ li minn żmien twil ilu kien moħbi f’Alla, li ħalaq kollox.+ 10 Dan sar bl-​għan li issa l-​gvernijiet u l-​awtoritajiet+ fil-​postijiet tas-​sema jkunu jafu, permezz tal-​kongregazzjoni,+ l-​għerf t’Alla li jintwera b’ħafna modi differenti,+ 11 skond l-​iskop etern li hu stabbilixxa rigward il-​Kristu,+ Ġesù l-​Mulej tagħna, 12 li bih għandna din il-​libertà tal-​kelma u nistgħu nersqu+ bil-​fiduċja permezz tal-​fidi tagħna fih. 13 Għaldaqstant nitlobkom biex ma taqtgħux qalbkom minħabba dawn it-​tribulazzjonijiet tiegħi+ għan-​nom tagħkom, għax dawn ifissru glorja għalikom.

14 Minħabba dan ninżel għarkopptejja+ quddiem il-​Missier,+ 15 li lilu taf isimha+ kull familja+ fis-​sema u fuq l-​art, 16 biex, skond ir-​rikkezzi+ tal-​glorja tiegħu, jagħtikom li tintgħamlu setgħanin bil-​qawwa permezz taʼ l-​ispirtu tiegħu+ fil-​bniedem li intom minn ġewwa,+ 17 biex ikollkom lill-​Kristu jgħammar fi qlubkom bl-​imħabba permezz tal-​fidi tagħkom;+ sabiex tagħmlu l-​għeruq+ u tkunu stabbiliti fuq il-​pedament,+ 18 sabiex tkunu tistgħu tifhmu bis-​sħiħ+ mal-​qaddisin kollha l-​wisaʼ u t-​tul u l-​għoli u l-​fond,+ 19 u tkunu tafu l-​imħabba tal-​Kristu+ li tisboq l-​għarfien, sabiex timtlew bil-​milja+ kollha li jagħti Alla.

20 Issa lil dak li, skond il-​qawwa tiegħu li qed taħdem+ fina, jistaʼ jagħmel bil-​wisq iżjed minn dak kollu li nitolbu jew naħsbu,+ 21 lilu tkun il-​glorja permezz tal-​kongregazzjoni u permezz taʼ Kristu Ġesù għall-​ġenerazzjonijiet kollha għal dejjem taʼ dejjem.+ Amen.

4 Għalhekk jien, il-​priġunier+ fil-​Mulej, nitlobkom bil-​ħrara biex timxu kif jixraq+ lis-​sejħa li biha kontu msejħin,+ 2 b’umiltà sħiħa+ u ħlewwa, b’sabar fit-​tul,+ waqt li tissaportu lil xulxin bl-​imħabba,+ 3 u tagħmlu ħilitkom biex bil-​ħeġġa kollha tħarsu l-​unità taʼ l-​ispirtu fir-​rabta li tgħaqqad tal-​paċi.+ 4 Hemm ġisem wieħed+ u spirtu wieħed,+ saħansitra bħalma hemm tama waħda+ li għaliha kontu msejħin; 5 Mulej wieħed,+ fidi waħda,+ magħmudija waħda;+ 6 Alla wieħed+ u Missier kulħadd, li hu fuq kulħadd u b’kulħadd u f’kulħadd.

7 Issa kull wieħed minna ntwera qalb tajba mhix mistħoqqa+ skond il-​qjies taʼ l-​għotja b’xejn li tah il-​Kristu.+ 8 Għaldaqstant jgħid: “Meta telaʼ fl-​għoli ħa miegħu lill-​imjassrin; ta rġiel bħala għotjiet.”+ 9 Issa xi tfisser l-​espressjoni “telaʼ”?+ Tfisser li niżel ukoll fir-​reġjuni t’isfel, jiġifieri, l-​art.+ 10 Dak li niżel hu wkoll l-​istess wieħed li telaʼ+ ħafna iżjed ’il fuq mis-​smewwiet kollha,+ sabiex jagħti milja+ lil kollox.

11 U ta xi wħud bħala appostli,+ xi wħud bħala profeti,+ xi wħud bħala evanġelizzaturi,+ xi wħud bħala rgħajja u għalliema,+ 12 bil-ħsieb li jerġgħu jiġu aġġustati+ l-​qaddisin, għal xogħol ministerjali, biex jinbena l-​ġisem tal-​Kristu,+ 13 sakemm ilkoll naslu għall-​unità fil-​fidi u fl-​għarfien eżatt dwar l-​Iben t’Alla, għal-​livell taʼ raġel li kiber għalkollox,+ għall-​qjies taʼ statura li jiġi mill-​milja tal-​Kristu;+ 14 sabiex ma nibqgħux iktar tfal ċkejknin, mitfugħin ’l hemm u ’l hawn+ qisu mill-​mewġ u mtajrin minn kull riħ taʼ tagħlim+ bl-​ingann+ tan-​nies li bil-​makakkerija jinsġu l-​qerq. 15 Imma billi ngħidu l-​verità,+ ħa nikbru bl-​imħabba+ f’kollox fi Kristu, li hu l-​kap.+ 16 Minnu l-​ġisem kollu,+ li hu magħqud flimkien b’mod armonjuż u magħmul biex jikkoopera permezz taʼ kull ġog li jagħti dak li hu meħtieġ, skond ix-​xogħol taʼ kull membru rispettiv bi qjies xieraq, jaħdem għat-​tkabbir tal-​ġisem biex jibni lilu nnifsu fl-​imħabba.+

17 Għalhekk, dan ngħid u nixhed dwaru fil-​Mulej, li ma tibqgħux timxu iktar kif jimxu l-​ġnus+ fil-​frugħa taʼ moħħhom,+ 18 li qegħdin fi dlam mentali+ u mbegħdin+ mill-​ħajja li ġejja minn Alla, minħabba l-​injoranza+ li tinsab fihom u minħabba l-​ebusija+ taʼ qlubhom. 19 Billi tilfu kull sens morali,+ ngħataw għall-​kondotta laxka+ biex b’regħba+ jagħmlu kull xorta taʼ nuqqas taʼ ndafa.+

20 Imma intom mhux hekk tgħallimtu li hu l-​Kristu,+ 21 jekk tassew smajtuh u ġejtu mgħallmin minnu,+ skond il-​verità+ li hi f’Ġesù, 22 jiġifieri, li għandkom tinżgħu l-​personalità l-​qadima+ li taqbel maʼ kif kontu ġġibu ruħkom qabel u li qed titħassar+ bix-​xewqat qarriqin tagħha;+ 23 u tiġġeddu fil-​forza li qed tqanqal lil moħħkom,+ 24 u tilbsu+ l-​personalità l-​ġdida+ li nħolqot+ skond ir-​rieda t’Alla fil-​ġustizzja+ u l-​lealtà vera.

25 Għaldaqstant, issa li warrabtu l-​gideb,+ għidu l-​verità, kull wieħed minnkom lill-​proxxmu tiegħu,+ għax aħna membri taʼ xulxin.+ 26 Jekk tinkorlaw, tidinbux;+ tħallux ix-​xemx tinżel waqt li tkunu għadkom inkorlati,+ 27 u tagħtux wisaʼ lix-​Xitan.+ 28 Min kien jisraq ħa ma jisraqx iktar,+ imma minflok ħa jaħdem iebes u jagħmel b’idejh xogħol tajjeb,+ biex ikollu xi ħaġa x’jagħti lil min hu fil-​bżonn.+ 29 Ħa ma toħroġ minn fommkom ebda kelma mħassra,+ imma għidu dak li hu tajjeb biex jibni fejn ikun hemm bżonn, sabiex jagħmel il-​ġid lil min jisimgħu.+ 30 Ukoll, tnikktux l-​ispirtu qaddis t’Alla,+ li bis-​siġill tiegħu ġejtu mmarkati+ għal jum il-​ħelsien bil-​fidwa.+

31 Ħa jitwarrab minnkom kull imrar malizzjuż+ u rabja u korla u twerżiq u tgħajjir+ flimkien maʼ kull ħażen.+ 32 Imma kunu qalbkom tajba+ maʼ xulxin, agħdru b’tenerezza,+ u aħfru lil xulxin mill-​qalb bħalma Alla wkoll ħafrilkom mill-​qalb bi Kristu.+

5 Għalhekk, imitaw lil Alla,+ bħala wlied maħbubin, 2 u ibqgħu mexjin bl-​imħabba,+ bħalma l-​Kristu wkoll ħabbkom+ u ta lilu nnifsu għalikom bħala offerta+ u sagrifiċċju b’riħa tfuħ lil Alla.+

3 Lanqas biss għandhom jissemmew fostkom+ iż-​żína+ u n-​nuqqas taʼ ndafa taʼ kull xorta jew ir-​regħba,+ bħalma jixraq lill-​qaddisin;+ 4 lanqas imġiba taʼ mistħija,+ kliem iblah jew ċajt oxxen,+ affarijiet li m’humiex xierqa, imma minflok roddu ħajr.+ 5 Għax intom tafuh dan u tirrealizzaw intom stess li ebda żieni+ jew bniedem mhux nadif jew rgħib+—li jfisser li jkun idolatra—m’għandu wirt fis-​saltna tal-​Kristu u t’Alla.+

6 Tħallu lil ħadd iqarraq bikom bi kliem vojt,+ għax minħabba dawn l-​affarijiet ġejja l-​korla t’Alla fuq ulied id-​diżubbidjenza.+ 7 Għalhekk, tissiħbux magħhom;+ 8 għax darba kontu dlam,+ imma issa sirtu dawl+ għax intom tal-​Mulej. Ibqgħu mexjin bħala wlied id-​dawl, 9 għax il-​frott tad-​dawl jikkonsisti minn kull xorta taʼ tjubija u ġustizzja u verità.+ 10 Ibqgħu aċċertaw ruħkom dwar x’inhu aċċettabbli+ għall-​Mulej; 11 u tibqgħux tieħdu sehem+ magħhom fl-​għemejjel bla frott li huma tad-​dlam,+ imma, minflok, esprimu d-​diżapprovazzjoni tagħkom+ lejhom, 12 għax dak li jagħmlu fil-​moħbi hu tal-​mistħija anki biex tirrakkontah.+ 13 Issa dak kollu li qed jinkixef+ qed jidher ċar bid-​dawl, għax kulma qed jidher ċar+ hu dawl. 14 Għaldaqstant jgħid: “Stenbaħ,+ int li rieqed, u qum mill-​imwiet,+ u l-​Kristu jiddi+ fuqek.”

15 Għalhekk, oqogħdu attenti bis-​sħiħ li ma timxux+ bħal nies bla għaqal imma bħal nies għorrief, 16 u użaw il-​ħin bl-​aħjar mod,*+ għax il-​jiem huma ħżiena.+ 17 Minħabba dan tibqgħux tkunu bla raġuni, imma ibqgħu ifhmu+ x’inhi r-​rieda+ taʼ Ġeħova. 18 Ukoll, tiskrux+ bl-​inbid, li fih hemm il-​ħajja bla rażan,+ imma ibqgħu mtlew bl-​ispirtu,+ 19 waqt li titkellmu bejnietkom b’salmi+ u tifħir+ lil Alla u għanjiet spiritwali, u tkantaw+ u takkumpanjaw lilkom infuskom bil-​mużika+ fi qlubkom lil Ġeħova, 20 u f’isem il-​Mulej tagħna Ġesù Kristu troddu dejjem ħajr+ taʼ kollox lil Alla tagħna u Missierna.

21 Kunu sottomessi lejn xulxin+ fil-​biżaʼ taʼ Kristu. 22 In-nisa ħa jkunu sottomessi+ lejn żwieġhom bħallikieku lejn il-​Mulej, 23 għax ir-​raġel hu l-​kap taʼ martu+ bħalma l-​Kristu wkoll hu l-​kap tal-​kongregazzjoni,+ billi hu s-​salvatur taʼ dan il-​ġisem. 24 Fil-fatt, bħalma l-​kongregazzjoni hi sottomessa lejn il-​Kristu, hekk ukoll in-​nisa għandhom ikunu sottomessi lejn żwieġhom f’kollox.+ 25 Irġiel, komplu ħobbu lin-​nisa tagħkom,+ bħalma l-​Kristu wkoll ħabb lill-​kongregazzjoni u ta lilu nnifsu għaliha,+ 26 biex iqaddisha,+ u jaħsilha bil-​banju taʼ l-​ilma permezz tal-​kelma,+ 27 sabiex il-​kongregazzjoni jagħmilha tidher quddiemu fil-​ġmiel kollu tagħha,+ bla ebda tebgħa jew tikmix jew ħaġa oħra bħal dawn, imma sabiex tkun qaddisa u bla difett.+

28 L-irġiel b’dan il-​mod għandhom iħobbu lin-​nisa tagħhom, bħal ġisimhom stess. Min iħobb lil martu jħobb lilu nnifsu, 29 għax ebda bniedem qatt ma bagħad lil ġismu stess; imma jitimgħu u jgħożżu,+ bħalma l-​Kristu jagħmel ukoll lill-​kongregazzjoni, 30 għax aħna membri taʼ ġismu.+ 31 “Minħabba f’hekk raġel iħalli lil missieru u lil ommu u jingħaqad maʼ martu, u t-​tnejn isiru ġisem wieħed.”+ 32 Dan is-​sigriet sagru+ hu kbir. Issa jien qed nitkellem dwar Kristu u l-​kongregazzjoni.+ 33 Minkejja dan, bl-​istess mod, kull wieħed minnkom għandu jħobb lil martu+ bħalu nnifsu; mill-​banda l-​oħra, il-​mara għandu jkollha rispett profond+ lejn żewġha.

6 Tfal, obdu lill-​ġenituri tagħkom+ f’unjoni+ mal-​Mulej, għax dan hu sewwa:+ 2 “Onora lil missierek u lil ommok”;+ li hu l-​ewwel kmand b’wegħda:+ 3 “Biex jaħbatlek tajjeb u ddum żmien twil fuq l-​art.”+ 4 U intom, missirijiet, iddejqux lil uliedkom,+ imma ibqgħu rabbuhom+ fid-​dixxiplina+ u l-​gwida mentali+ taʼ Ġeħova.

5 Intom l-​ilsiera, obdu lis-​sidien tagħkom tad-​demm u l-​laħam,+ bil-​biżaʼ u t-​tregħid+ u bis-​sinċerità taʼ qlubkom, bħallikieku lill-​Kristu, 6 mhux għal għajn in-​nies, biex togħġbu lill-​bnedmin,+ imma bħala lsiera taʼ Kristu, waqt li tagħmlu r-​rieda t’Alla b’ruħkom kollha.+ 7 Kunu lsiera b’attitudni tajba, bħallikieku qed taqdu lil Ġeħova+ mhux lill-​bnedmin, 8 għax intom tafu li kull wieħed jirċievi lura mingħand Ġeħova t-​tajjeb li jkun għamel,+ sew jekk ikun ilsir u sew jekk ikun ħieles.+ 9 U anki intom is-​sidien, ibqgħu agħmlu l-​istess magħhom, u ħallikom mit-​theddid,+ għax tafu li s-​Sid tagħhom u tagħkom+ qiegħed fis-​smewwiet, u ma juri ebda parzjalità.+

10 Fl-aħħarnett, komplu iksbu l-​qawwa+ fil-​Mulej u fis-​setgħa+ tas-​saħħa tiegħu. 11 Ilbsu l-​armatura sħiħa+ mingħand Alla biex tkunu tistgħu żżommu sod kontra t-​tnassis+ tax-​Xitan; 12 għax aħna ma nissarawx+ kontra d-​demm u l-​laħam, imma kontra l-​gvernijiet,+ kontra l-​awtoritajiet,+ kontra l-​ħakkiema dinjin+ taʼ dan id-​dlam, kontra l-​forzi taʼ l-​ispirti mill-​agħar+ fil-​postijiet tas-​sema. 13 Minħabba dan, ħudu l-​armatura sħiħa mingħand Alla,+ sabiex tkunu tistgħu tirreżistu fil-​jum il-​ħażin u, wara li tkunu għamiltu kollox bis-​sħiħ, iżżommu sod.+

14 Għalhekk, żommu sod, b’ġenbejkom imħażżmin+ bil-​verità,+ u lebsin il-​kurazza tas-​sewwa,+ 15 u b’saqajkom+ mixdudin bit-​tagħmir taʼ l-​aħbar tajba tal-​paċi.+ 16 Fuq kollox, aqbdu f’idejkom it-​tarka kbira tal-​fidi,+ li biha tkunu tistgħu titfu l-​vleġeġ tan-​nar kollha tal-​Ħażin.+ 17 Ukoll, aċċettaw l-​elmu+ tas-​salvazzjoni, u s-​sejf+ taʼ l-​ispirtu,+ jiġifieri, il-​kelma t’Alla,+ 18 waqt li b’kull xorta taʼ talb+ u suppliki* ibqgħu itolbu f’kull okkażjoni bl-​ispirtu.+ U għal dan l-​għan, ibqgħu mqajmin il-​ħin kollu u itolbu bil-​ħerqa għall-​qaddisin kollha, 19 u għalija wkoll, biex kulmeta niftaħ fommi tingħatali l-​abbiltà li nitkellem+ bil-​libertà tal-​kelma+ biex ngħarraf is-​sigriet sagru taʼ l-​aħbar tajba,+ 20 li għaliha qed nagħmilha t’ambaxxatur+ fil-​ktajjen; biex nitkellem dwarha bil-​qlubija kif imissni nitkellem.+

21 Issa, sabiex tkunu tafu wkoll dwari, rigward kif sejjer, Tikiku,+ ħu maħbub u ministru leali fil-​Mulej, se jgħarrafkom kollox.+ 22 Għalhekk qed nibagħthulkom, biex tkunu tafu dwarna u jfarrġilkom qlubkom.+

23 Jalla l-​aħwa jkollhom il-​paċi u l-​imħabba bil-​fidi mingħand Alla l-​Missier u l-​Mulej Ġesù Kristu. 24 Il-qalb tajba mhix mistħoqqa+ tkun maʼ dawk kollha li jħobbu lill-​Mulej tagħna Ġesù Kristu bi mħabba li ma titħassarx.