Lill-​Galatin

1 Pawlu,+ appostlu,+ mhux mill-​bnedmin jew permezz taʼ xi bniedem, imma permezz taʼ Ġesù Kristu+ u Alla l-​Missier,+ li qajmu mill-​imwiet,+ 2 u l-​aħwa kollha li hawn miegħi,+ lill-​kongregazzjonijiet tal-​Galazja:*+

3 Qalb tajba mhix mistħoqqa u paċi+ lilkom mingħand Alla Missierna u l-​Mulej Ġesù Kristu. 4 Dan ta lilu nnifsu għal dnubietna+ biex jeħlisna minn din is-​sistema+ mill-​agħar skond ir-​rieda+ t’Alla tagħna u Missierna, 5 li lilu tkun il-​glorja għal dejjem taʼ dejjem.+ Amen.

6 Nistagħġeb li qed titwarrbu daqshekk malajr minn Dak+ li sejħilkom bil-​qalb tajba mhix mistħoqqa+ taʼ Kristu u dduru lejn xorta oħra t’aħbar tajba.+ 7 Imma din m’hijiex aħbar tajba oħra; biss hemm xi wħud li qed joħolqulkom l-​inkwiet+ u jridu jgħawġu l-​aħbar tajba dwar il-​Kristu.+ 8 Madankollu, anki jekk aħna jew xi anġlu mis-​sema kellu jxandrilkom bħala aħbar tajba xi ħaġa differenti minn dak li xandarnielkom bħala aħbar tajba, ħa jkun misħut.+ 9 Bħalma għedna hawn fuq, issa nerġaʼ ngħid ukoll, Hu min hu li qed ixandrilkom bħala aħbar tajba xi ħaġa differenti minn dak li aċċettajtu,+ ħa jkun misħut.

10 Fil-fatt, lill-​bnedmin qed nipprova nipperswadi issa jew lil Alla? Jew qed infittex li nogħġob lill-​bnedmin?+ Kieku kont għadni qed nogħġob lill-​bnedmin,+ ma kontx inkun l-​ilsir taʼ Kristu.+ 11 Għax, ħuti, navżakom li l-​aħbar tajba li xandart bħala aħbar tajba mhix xi ħaġa tal-​bniedem;+ 12 għax la rċivejtha u lanqas tgħallimtha mingħand xi bniedem, imma rċivejtha u tgħallimtha permezz taʼ rivelazzjoni minn Ġesù Kristu.+

13 Naturalment, smajtu kif kienet qabel il-​kondotta tiegħi fil-​Ġudaiżmu,+ li kont nippersegwita+ b’mod estrem lill-​kongregazzjoni t’Alla u nħarbatha,+ 14 u kont qed nagħmel iktar progress fil-​Ġudaiżmu minn ħafna taʼ mpari fir-​razza tiegħi,+ għax kont ferm iktar żeluż+ għat-​tradizzjonijiet+ taʼ missirijieti. 15 Imma meta Alla, li firidni minn ġuf ommi u sejjaħli+ permezz tal-​qalb tajba mhix mistħoqqa tiegħu,+ ra li kien tajjeb 16 li jirrivela lil Ibnu permezz tiegħi,+ sabiex inxandar l-​aħbar tajba dwaru lill-​ġnus,+ jien ma mortx nikkonsulta minnufih maʼ bnedmin tad-​demm u l-​laħam.+ 17 Lanqas ma tlajt Ġerusalemm għand dawk li kienu appostli qabli,+ imma tlaqt lejn l-​Għarabja, u rġajt lura lejn Damasku.+

18 Imbagħad, tliet snin wara, tlajt Ġerusalemm+ biex inżur lil Kefa,+ u qgħadt miegħu ħmistax-il ġurnata. 19 Imma ma rajt lil ħadd iktar mill-​appostli, ħlief lil Ġakbu+ ħu+ l-​Mulej. 20 Issa dwar dan li qed niktbilkom, ara, quddiem Alla, m’iniex qed nigdeb.+

21 Wara dan mort+ fir-​reġjuni tas-​Sirja u taċ-​Ċiliċja. 22 Imma l-​kongregazzjonijiet tal-​Lhudija li kienu f’unjoni maʼ Kristu ma kinux jafuni minn wiċċi;+ 23 kienu semgħu biss: “Dak li qabel kien jippersegwitana,+ issa qed ixandar l-​aħbar tajba dwar il-​fidi li qabel kien iħarbat.”+ 24 Għalhekk, bdew jigglorifikaw+ lil Alla minħabba fija.

2 Imbagħad wara erbatax-il sena rġajt tlajt Ġerusalemm+ maʼ Barnaba,+ u miegħi ħadt ukoll lil Titu. 2 Imma tlajt għax kelli rivelazzjoni.+ U qegħedt quddiemhom+ l-​aħbar tajba li qed nippriedka fost il-​ġnus, madankollu, quddiem dawk biss li kienu rġiel li jispikkaw, għax bżajt li b’xi mod kont qed niġri+ jew kont ġrejt għalxejn.+ 3 Minkejja dan, lanqas saħansitra lil Titu,+ li kien miegħi, ma ġegħluh jagħmel iċ-​ċirkonċiżjoni,+ għalkemm kien Grieg. 4 Imma minħabba l-​aħwa foloz+ li ddaħħlu baxx baxx+ u ndehsu biex jitkixxfu fuq il-​libertà tagħna+ li għandna f’unjoni maʼ Kristu Ġesù, sabiex ijassruna+ għalkollox— 5 lil dawn ma ċedejnilhomx u ma qgħadniex sottomessi lejhom,+ le, lanqas għal mument wieħed, sabiex il-​verità+ taʼ l-​aħbar tajba tibqaʼ għandkom.

6 Imma min-​naħa taʼ dawk li kienu jidhru li huma xi ħaġa+—kienu x’kienu qabel ma jagħmilx differenza għalija+—Alla ma jħarisx lejn kif bniedem jidher minn barra+—lili, fil-​fatt, dawk l-​irġiel li jispikkaw ma qaluli xejn ġdid. 7 Imma, għall-​kuntrarju, meta raw li ġiet fdata+ lili l-​aħbar tajba għal dawk mhux ċirkonċiżi,+ bħalma ġiet fdata lil Pietru għal dawk ċirkonċiżi+— 8 għax Dak li ta lil Pietru l-​qawwa meħtieġa biex ikun appostlu tan-​nies ċirkonċiżi, ta wkoll il-​qawwa lili+ għan-​nies tal-​ġnus; 9 iva, meta saru jafu bil-​qalb tajba mhix mistħoqqa+ li ntwerejt,+ Ġakbu+ u Kefa u Ġwanni, li kienu jidhru li huma kolonni,+ taw lili u lil Barnaba+ l-​id il-​leminija b’sinjal taʼ sħubija bejnietna,+ sabiex aħna mmorru għand il-​ġnus, u huma għand iċ-​ċirkonċiżi. 10 Biss kellna nżommu l-​foqra f’moħħna,+ ħaġa li wkoll ipprovajt nagħmel bil-​ħeġġa kollha.+

11 Madankollu, meta Kefa+ ġie Antjokja,+ waqaftlu f’wiċċu, għax kellu tort.+ 12 Għax qabel ma waslu ċerti rġiel mingħand Ġakbu,+ kien jiekol+ man-​nies tal-​ġnus; imma meta waslu, qagħad lura u nfired minn magħhom, għax beżaʼ+ minn dawk taċ-​ċirkonċiżjoni.+ 13 Il-Lhud l-​oħrajn ukoll issieħbu miegħu f’din it-​turija taʼ wiċċ b’ieħor,+ tant li saħansitra Barnaba+ għamel bħalhom u beda juri wiċċ b’ieħor. 14 Imma meta rajt li ma kinux mexjin dritt skond il-​verità taʼ l-​aħbar tajba,+ għedt lil Kefa quddiemhom ilkoll:+ “Jekk int, għalkemm Lhudi, tgħix bħalma jgħixu l-​ġnus, u mhux bħal-​Lhud, kif qed iġġiegħel lin-​nies tal-​ġnus jgħixu skond id-​drawwa tal-​Lhud?”+

15 Aħna, bħala Lhud min-​natura+ u mhux midinbin+ mill-​ġnus, 16 peress li nafu li bniedem ma jiġix dikjarat ġust+ bl-​għemejjel tal-​liġi, imma biss bil-​fidi+ fi Kristu Ġesù, anki aħna poġġejna l-​fidi tagħna fi Kristu Ġesù, biex niġu dikjarati ġusti bis-​saħħa tal-​fidi fi Kristu,+ u mhux bis-​saħħa taʼ l-​għemejjel tal-​liġi, għax bl-​għemejjel tal-​liġi ebda bniedem ma jiġi dikjarat ġust.+ 17 Issa jekk aħna stess, meta fittixna li niġu dikjarati ġusti permezz taʼ Kristu,+ ġejna wkoll misjubin midinbin,+ hu Kristu fir-​realtà l-​ministru tad-​dnub?+ Jalla qatt ma jkun dan! 18 Għax jekk nerġaʼ nibni dak li nkun ġarraft,+ nuri li jien midneb.+ 19 Ngħid għalija, permezz tal-​liġi mitt għal-​liġi+ biex nieħu l-​ħajja għal Alla.+ 20 Jien imsammar maʼ zokk flimkien maʼ Kristu.+ M’huwiex iktar jien li ngħix,+ imma Kristu li qed jgħix f’unjoni miegħi.+ Tabilħaqq, il-​ħajja li qed ngħix+ issa fil-​laħam ngħixha bil-​fidi fl-​Iben t’Alla, li ħabbni u ta lilu nnifsu għalija.+ 21 Jien ma nwarrabx il-​qalb tajba mhix mistħoqqa t’Alla;+ għax jekk il-​ġustizzja tiġi permezz tal-​liġi,+ mela Kristu miet għalxejn.+

3 O Galatin bla sens, min influwenzakom għall-​ħażin,+ intom li quddiem għajnejkom ngħatajtu stampa ċara taʼ Ġesù Kristu msammar maʼ zokk?+ 2 Dan biss irrid inkun naf mingħandkom: L-​ispirtu+ rċivejtuh minħabba l-​għemejjel tal-​liġi+ jew minħabba s-​smigħ+ bil-​fidi? 3 Intom daqshekk bla sens? Wara li bdejtu fl-​ispirtu,+ issa qed tispiċċaw fil-​laħam?+ 4 Hu għalxejn li għaddejtu minn tant sofferenzi?+ Jekk tassew kien għalxejn. 5 Għalhekk, dak li jagħtikom l-​ispirtu+ u jwettaq għemejjel setgħanin+ fostkom, jagħmel dan minħabba l-​għemejjel tal-​liġi jew minħabba s-​smigħ bil-​fidi? 6 Bħalma Abraham “poġġa l-​fidi f’Ġeħova, u dan ngħaddlu bħala ġustizzja.”+

7 Żgur li tafu li dawk li jżommu mal-​fidi+ huma wlied Abraham.+ 8 Issa l-​Iskrittura, peress li rat bil-​quddiem li Alla kien se jiddikjara ġusti lin-​nies tal-​ġnus minħabba l-​fidi, xandret l-​aħbar tajba minn qabel lil Abraham, jiġifieri: “Permezz tiegħek jitbierku l-​ġnus kollha.”+ 9 Għaldaqstant, dawk li jżommu mal-​fidi qed jitbierku+ flimkien m’Abraham li wera l-​fedeltà.+

10 Għax kulmin jiddependi mill-​għemejjel tal-​liġi qiegħed taħt saħta; għax hu miktub: “Misħut kulmin ma jibqax jagħmel kulma hu miktub fir-​romblu tal-​Liġi.”+ 11 Iktar minn hekk, li bil-​liġi ħadd ma jiġi dikjarat ġust+ quddiem Alla jidher ċar, għax “il-​ġust jgħix permezz tal-​fidi.”+ 12 Issa l-​Liġi ma tiddependix mill-​fidi, imma “min iħarishom jgħix permezz tagħhom.”+ 13 Kristu xtrana+ u ħelisna+ mis-​saħta tal-​Liġi billi sar saħta+ minflokna, għax hu miktub: “Misħut kulmin ikun imdendel maʼ zokk.”+ 14 L-iskop kien li l-​barka t’Abraham isseħħ permezz taʼ Ġesù Kristu għall-​ġnus,+ sabiex permezz tal-​fidi tagħna+ nirċievu l-​ispirtu mwiegħed.+

15 Ħuti, nitkellem b’tixbiha mill-​ħajja tal-​bniedem: Ħadd ma jistaʼ jwarrab patt validu jew iżid miegħu, għalkemm dan ikun għamlu bniedem.+ 16 Issa l-​wegħdi ntqalu lil Abraham+ u lil nislu.+ Ma jgħidx: “U lill-​insla,” bħallikieku kienu ħafna, imma bħallikieku kien wieħed:+ “U lil nislek,”+ li hu Kristu.+ 17 Iktar minn hekk, ngħid dan: Rigward il-​patt li minn qabel kien magħmul validu minn Alla,+ il-​Liġi li bdiet teżisti erbaʼ mija u tletin sena+ wara ma tagħmlux invalidu u ġġib il-​wegħda fix-​xejn.+ 18 Għax jekk il-​wirt ġej bis-​saħħa tal-​liġi, m’għadux iktar bis-​saħħa tal-​wegħda;+ imma lil Abraham Alla tahulu b’qalb tajba permezz taʼ wegħda.+

19 Għala, allura, il-​Liġi? Ġiet miżjuda biex tagħmel in-​nuqqasijiet jidhru,+ sakemm jasal+ in-​nisel li lilu saret il-​wegħda; u ngħatat permezz taʼ l-​anġli+ bl-​id taʼ medjatur.+ 20 Issa, m’hemmx medjatur meta persuna waħda biss tkun konċernata, imma Alla hu wieħed biss.+ 21 Għalhekk, hi l-​Liġi kontra l-​wegħdi t’Alla?+ Jalla qatt ma jkun dan! Għax kieku ngħatat liġi li setgħet tagħti l-​ħajja,+ allura l-​ġustizzja kienet tkun permezz tal-​liġi.+ 22 Imma l-​Iskrittura+ tat kollox f’idejn id-​dnub,+ sabiex il-​wegħda li tiġi mill-​fidi f’Ġesù Kristu tingħata lil dawk li jeżerċitaw il-​fidi.+

23 Madankollu, qabel waslet il-​fidi,+ konna mgħassin mil-​liġi,+ għax ngħatajna lkoll f’idejha, waqt li stennejna l-​fidi li kienet se tiġi rivelata.+ 24 Għaldaqstant, il-​Liġi kienet tmexxina qisna tfal* lejn Kristu,+ biex niġu dikjarati ġusti+ minħabba l-​fidi. 25 Imma issa li waslet il-​fidi,+ m’għadniex iktar taħt min imexxina qisna tfal.+

26 Fil-fatt, intom kollha wlied+ Alla permezz tal-​fidi tagħkom fi Kristu Ġesù. 27 Għax intom ilkoll li tgħammidtu fi Kristu+ lbistu lil Kristu.+ 28 La hemm Lhudi u lanqas Grieg,+ la lsir u lanqas ħieles,+ la raġel u lanqas mara;+ għax intom ilkoll persuna waħda f’unjoni maʼ Kristu Ġesù.+ 29 Barra minn hekk, jekk intom taʼ Kristu, intom tassew nisel Abraham,+ werrieta skond il-​wegħda.+

4 Issa jien ngħid li sakemm il-​werriet ikun għadu ċkejken ma jkunx differenti minn ilsir,+ għalkemm hu s-​sid taʼ kollox, 2 imma jkun taħt irġiel inkarigati+ u prokuraturi sal-​jum li missieru jkun stabbilixxa minn qabel. 3 Hekk ukoll aħna, meta konna għadna ċkejknin, konna lsiera taʼ l-​affarijiet elementari+ tad-​dinja. 4 Imma meta waslet il-​milja taż-​żmien,+ Alla bagħat lil Ibnu,+ li twieled minn mara+ u twieled taħt il-​liġi,+ 5 biex jixtri+ u jeħles lil dawk li kienu taħt il-​liġi,+ sabiex aħna, mill-​banda l-​oħra, niġu adottati bħala wlied.+

6 Issa peress li intom ulied, Alla bagħat l-​ispirtu+ taʼ Ibnu fi qlubna u dan jgħajjat: “Abba,* Missier!”+ 7 Għalhekk, mela, m’għadekx iktar ilsir imma iben; u jekk iben, werriet ukoll permezz t’Alla.+

8 Minkejja dan, kien meta ma kontux tafu lil Alla+ li tjassartu għal dawk li min-​natura m’humiex allat.+ 9 Imma issa li tafu lil Alla, jew, aħjar, issa li Alla sar jafkom,+ kif qed terġgħu dduru lura lejn l-​affarijiet elementari+ li huma dgħajfin+ u bla siwi u tridu terġgħu titjassru għalihom?+ 10 Intom qed tosservaw bl-​akbar reqqa l-​jiem+ u x-​xhur+ u l-​istaġuni u s-​snin. 11 Nibżaʼ minħabba fikom, li b’xi mod tħabatt għalxejn+ għalikom.

12 Nitlobkom ħuti, Siru bħali,+ għax jien ukoll kont bħalkom.+ Intom ma nqastunix.+ 13 Imma tafu li kien għax kont marid fiżikament li xandartilkom l-​aħbar tajba l-​ewwel darba.+ 14 U l-​marda tiegħi, li kienet taʼ prova għalikom, ma ddisprezzajtuhiex jew bżaqtulha bi stmerrija; imma lqajtuni bħal anġlu+ t’Alla, bħal Kristu Ġesù.+ 15 Allura, fejn hu l-​hena li kellkom?+ Għax nixhdilkom li, kieku stajtu, kontu taqilgħu għajnejkom u tagħtuhomli.+ 16 Allura issa sirt l-​għadu tagħkom+ għax ngħidilkom il-​verità?+ 17 Huma ma jfittxukomx biż-​żelu+ għax għandhom intenzjoni tajba, imma għax iridu jifirdukom minni, biex intom tfittxu lilhom biż-​żelu.+ 18 Madankollu, ikun tajjeb li min ifittixkom biż-​żelu jkun dejjem għal raġuni tajba,+ u mhux biss meta nkun preżenti+ magħkom, 19 uliedi ċkejknin,+ li għalikom għal darb’oħra nħoss l-​uġigħ tal-​ħlas sakemm Kristu jifforma fikom.+ 20 Imma nixtieq li qiegħed preżenti magħkom issa stess+ u nitkellem b’mod differenti, għax inħossni mħawwad+ minħabba fikom.

21 Għiduli, intom li tridu tkunu taħt il-​liġi,+ Ma tisimgħuhiex il-​Liġi?+ 22 Per eżempju, hemm miktub li Abraham kellu żewġ ulied, wieħed mill-​qaddejja+ u wieħed mill-​ħielsa;+ 23 imma dak li ġie mill-​qaddejja fil-​fatt twieled skond il-​laħam,+ l-​ieħor li ġie mill-​ħielsa permezz taʼ wegħda.+ 24 Dan kollu qiegħed bħala dramm simboliku;+ għax dawn in-​nisa jfissru żewġ pattijiet,+ wieħed li sar fuq il-​Muntanja Sinaj,+ li tiled it-​tfal għall-​jasar, u li hi Ħagar. 25 Issa din Ħagar tfisser is-​Sinaj,+ muntanja fl-​Għarabja, u hi ekwivalenti għal Ġerusalemm taʼ llum, għax hi fil-​jasar+ maʼ wliedha. 26 Imma Ġerusalemm+ taʼ fuq hi ħielsa, u din hi ommna.+

27 Għax hu miktub: “Ifraħ, mara li ma jistax ikollok tfal u li ma tilidx; għolli leħnek u għajjat bil-​ferħ, int li m’għandekx l-​uġigħ tal-​ħlas; għax ulied il-​mara abbandunata huma iktar numerużi minn taʼ dik li għandha żewġha.”+ 28 Issa ħuti, aħna wlied il-​wegħda bħalma kien Iżakk.+ 29 Imma bħalma dak iż-​żmien dak li twieled skond il-​laħam beda jippersegwita+ lil dak li twieled skond l-​ispirtu, hekk ukoll issa.+ 30 Minkejja dan, x’tgħid l-​Iskrittura? “Keċċi lill-​qaddejja u lil binha, għax bin il-​qaddejja żgur ma jkunx werriet maʼ bin il-​ħielsa.”+ 31 Għaldaqstant, ħuti, m’aħniex ulied il-​qaddejja,+ imma wlied il-​ħielsa.+

5 Kristu ħelisna+ biex ikollna din il-​libertà. Għalhekk, żommu sħiħ,+ u terġgħux tintrabtu taħt madmad taʼ jasar.+

2 Ara! Jien, Pawlu, qed ngħidilkom li jekk issiru ċirkonċiżi,+ Kristu ma jkun taʼ ebda benefiċċju għalikom. 3 Iktar minn hekk, nerġaʼ nixhed lil kull bniedem li jiġi ċirkonċiż li dan għandu l-​obbligu li jwettaq il-​Liġi kollha.+ 4 Intom li tipprovaw tkunu dikjarati ġusti permezz tal-​liġi+ nfridtu minn Kristu, tbegħedtu mill-​qalb tajba mhix mistħoqqa tiegħu.+ 5 Min-naħa tagħna, bl-​ispirtu, aħna qed nistennew ħerqanin il-​ġustizzja li nittamaw għaliha u li tiġi mill-​fidi.+ 6 Għax rigward Kristu Ġesù la tiswa ċ-​ċirkonċiżjoni u lanqas in-​nuqqas taʼ ċirkonċiżjoni,+ imma l-​fidi+ li taħdem permezz taʼ l-​imħabba.+

7 Kontu qed tiġru sew.+ Min fixkilkom biex ma tibqgħux tobdu l-​verità?+ 8 Din ix-​xorta taʼ persważjoni mhix ġejja minn Dak li jsejħilkom.+ 9 Ftit ħmira tħemmer l-​għaġna kollha.+ 10 Jien għandi fiduċja+ fikom, intom li qegħdin f’unjoni+ mal-​Mulej, li m’intomx se tibdew taħsbu mod ieħor; imma hu min hu li qed jaqlgħalkom l-​inkwiet+ se jieħu l-​ġudizzju tiegħu.+ 11 Ngħid għalija, ħuti, jekk għadni nippriedka ċ-​ċirkonċiżjoni, għala għadni niġi persegwitat? Mela, allura, it-​tfixkil+ taz-​zokk tat-​tortura+ tneħħa.+ 12 Nixtieq li dawk li qed jipprovaw idawrukom+ saħansitra jagħmlu lilhom infushom ewnuċi.+

13 Naturalment, ħuti, intom kontu msejħin għal-​libertà;+ biss tużawx din il-​libertà bħala okkażjoni għal-​laħam,+ imma tjassru għal xulxin permezz taʼ l-​imħabba.+ 14 Għax il-​Liġi kollha titwettaq+ fi kmand wieħed, jiġifieri: “Ħobb lill-​proxxmu tiegħek bħalek innifsek.”+ 15 Iżda, jekk tibqgħu tigdmu u tibilgħu lil xulxin,+ oqogħdu attenti li ma tinqerdux għalkollox minn xulxin.+

16 Imma ngħidilkom, Ibqgħu mexjin bl-​ispirtu+ u ma twettqu assolutament l-​ebda xewqa tal-​laħam.+ 17 Għax, fix-​xewqa tiegħu, il-​laħam hu kontra l-​ispirtu,+ u l-​ispirtu kontra l-​laħam; għax dawn huma opposti għal xulxin, sabiex dak li tixtiequ tagħmlu ma tagħmluhx.+ 18 Iktar minn hekk, jekk tkunu mmexxijin mill-​ispirtu,+ m’intomx taħt il-​liġi.+

19 Issa l-​għemejjel tal-​laħam jidhru ċar,+ u huma ż-​żína,+ in-​nuqqas taʼ ndafa, il-​kondotta laxka,+ 20 l-idolatrija, l-​ipprattikar taʼ l-​ispiritiżmu,+ il-​mibegħda, il-​ġlied, l-​għira, l-​għadab, it-​tilwim, il-​firda, is-​setet, 21 l-invidja, is-​sokor,+ ix-​xalar, u affarijiet bħal dawn. Rigward dan kollu qed inwissikom minn qabel, bħalma diġà wissejtkom, li min jipprattika+ dawn l-​affarijiet ma jiritx is-​saltna t’Alla.+

22 Mill-banda l-​oħra, il-​frott+ taʼ l-​ispirtu hu l-​imħabba, il-​ferħ, il-​paċi, is-​sabar fit-​tul, il-​qalb tajba, it-​tjubija,+ il-​fidi, 23 il-ħlewwa, ir-​rażna.+ Kontra dawn m’hemmx liġi.+ 24 Iktar minn hekk, dawk li huma taʼ Kristu Ġesù sammru maʼ zokk il-​laħam flimkien mal-​passjonijiet u x-​xewqat tiegħu.+

25 Jekk qed ngħixu bl-​ispirtu, ħa nkomplu mexjin bl-​ordni kif ukoll bl-​ispirtu.+ 26 Ħa ma nintefħux bina nfusna, għax b’hekk inqanqlu l-​kompetizzjoni+ bejnietna, u ngħiru għal xulxin.+

6 Ħuti, anki jekk bniedem jagħmel xi pass falz+ qabel ma jinduna, intom li għandkom kwalifiki spiritwali+ pprovaw aġġustawh mill-​ġdid bi spirtu taʼ ħlewwa,+ waqt li kull wieħed minnkom joqgħod attent għalih innifsu,+ minħabba l-​biżaʼ li hu wkoll jiġi ttantat.+ 2 Komplu ġorru t-​toqol+ taʼ xulxin, u b’hekk twettqu l-​liġi tal-​Kristu.+ 3 Għax jekk xi ħadd jaħseb li hu xi ħaġa meta m’hu xejn,+ iqarraq bih innifsu. 4 Imma kull wieħed ħa jagħti prova taʼ x’inhu għemilu,+ u mbagħad ikollu għalxiex jifraħ b’dak li jagħmel hu stess, u ma jqabbilx+ ruħu maʼ ħaddieħor. 5 Għax kull wieħed iġorr it-​tagħbija tiegħu.+

6 Iktar minn hekk, kulmin qed jiġi mgħallem il-​kelma bil-​fomm+ ħa jieħu sehem+ fl-​affarijiet tajbin kollha maʼ dak li jagħtih dan it-​tagħlim.+

7 Titqarrqux:+ Alla ma jidħaq bih ħadd.+ Għax dak li bniedem jiżraʼ, dak ukoll jaħsad;+ 8 għax min jiżraʼ għal laħmu jaħsad it-​taħsir minn laħmu,+ imma min jiżraʼ għall-​ispirtu+ jaħsad il-​ħajja taʼ dejjem mill-​ispirtu.+ 9 Għalhekk, ħa ma niqfux nagħmlu dak li hu tajjeb,+ għax meta jasal iż-​żmien naħsdu jekk ma negħjewx.+ 10 Mela, allura, dment li għandna ż-​żmien favorevoli għal dan,+ ħa nagħmlu t-​tajjeb maʼ kulħadd, imma speċjalment maʼ min jiġi minna fil-​fidi.+

11 Araw b’liema ittri kbar ktibtilkom b’idi stess.+

12 Dawk kollha li jridu jingħoġbu fil-​laħam jipprovaw iġegħlukom tiġu ċirkonċiżi,+ sempliċement biex ma jiġux persegwitati minħabba z-​zokk tat-​tortura tal-​Kristu,+ Ġesù. 13 Għax lanqas saħansitra dawk li qed jiġu ċirkonċiżi ma jżommu l-​Liġi,+ imma jridukom tiġu ċirkonċiżi biex ikollhom għalfejn jiftaħru b’laħamkom. 14 Jalla qatt ma jiġri li niftaħar, ħlief biz-​zokk tat-​tortura+ tal-​Mulej tagħna Ġesù Kristu, li permezz tiegħu d-​dinja ġiet imsammra maʼ zokk għalija+ u jien għad-​dinja. 15 Għax la tgħodd iċ-​ċirkonċiżjoni u lanqas in-​nuqqas taʼ ċirkonċiżjoni,+ imma l-​ħolqien ġdid+ li jgħodd. 16 U dawk kollha li jimxu bl-​ordni skond din ir-​regola taʼ kondotta, fuqhom ikunu l-​paċi u l-​ħniena, iva, fuq l-​Israel t’Alla.+

17 Minn issa ’l quddiem ħalli ħadd ma jaqlagħli l-​inkwiet, għax inġorr f’ġismi l-​marki+ li jittimbrawni bħala lsir taʼ Ġesù.+

18 Il-qalb tajba mhix mistħoqqa tal-​Mulej tagħna Ġesù Kristu tkun maʼ l-​ispirtu+ li turu, ħuti. Amen.