Tiftakar Int?

Sibt int il-​ħarġiet reċenti taʼ It-​Torri taʼ l-​Għassa taʼ valur prattiku għalik? Allura għala ma tittestjax il-​memorja tiegħek bil-​mistoqsijiet li ġejjin?

◻ X’inhi d-​differenza bejn “jum il-​Mulej” u l-​“jum taʼ Jehovah”? (Apokalissi 1:10; Ġoel 2:11, NW)

“Jum il-​Mulej” jinkludi t-​twettiq tas-​16-il viżjoni deskritti f’Apokalissi kapitli 1 sa 22 u tal-​ġrajjiet bażiċi li Ġesù bassar bi tweġiba għall-​mistoqsija tad-​dixxipli tiegħu dwar is-​sinjal tal-​preżenza tiegħu. Bħala l-​punt kruċjali taʼ jum il-​Mulej, il-​jum li jkexkex taʼ Jehovah jfaqqaʼ meta hu jesegwixxi ħaqq fuq id-​dinja korrotta taʼ Satana. (Mattew 24:3-14; Luqa 21:11)—1/1, paġna 5.

◻ X’inhuma xi karatteristiċi impressjonanti tal-​Bibbja Makarios? L-​isem Jehovah jidher iktar minn 3,500 darba fil-​Bibbja Makarios. Wieħed studjuż tal-​letteratura reliġjuża Russa qal: “[It-]traduzzjoni hija leali lejn it-​test Ebrajk, u l-​lingwa tat-​traduzzjoni hija safja u tixraq lis-​suġġett.”​—w97 12/15, paġna 27.

◻ X’inhi “l-​verità” li Ġesù qal li se teħlisna? (Ġwann 8:32)

Bil-​kelma “verità,” Ġesù ried ifisser it-​tagħrif imnebbaħ b’mod divin​—speċjalment tagħrif rigward ir-​rieda t’Alla—​li huwa ppreservat fil-​Bibbja.​—1/1, paġna 3.

◻ Min huma Ġeħu u Ġeħonadab (jew, Ġonadab) taʼ żmienna?

Ġeħu jagħti stampa taʼ Ġesù Kristu, li huwa rrappreżentat fuq l-​art mill-​“Iżrael taʼ Alla,” Kristjani midlukin. (Galatin 6:16; Apokalissi 12:17) Sewwa sew bħalma Ġeħonadab ħareġ jiltaqaʼ maʼ Ġeħu, “kotra kbira” mill-​ġnus ħarġu biex jappoġġjaw lir-​rappreżentanti taʼ Ġesù fuq l-​art. (Apokalissi 7:9, 10; 2 Slaten 10:15)​—1/1, paġni 23, 24.

◻ X’ifisser li ‘timxi m’Alla’? (Ġenesi 5:24; 6:9)

Ifisser li dawk li jagħmlu hekk, bħal Ħenok u Noè, ġabu ruħhom b’tali mod li taw evidenza taʼ fidi qawwija f’Alla. Għamlu dak li Jehovah kkmandahom u rregolaw il-​ħajjiet tagħhom fi qbil maʼ dak li kienu jafu dwaru mill-​mod taʼ kif ittratta mal-​bnedmin.​—1/15, paġna 13.

◻ Il-​għala persuna għandu jippjana bil-​quddiem għall-​possibbiltà li jmut?

F’ċertu sens, tkun qed tagħti għotja lill-​familja tiegħek meta tagħmel arranġamenti bħal dawn. Juri mħabba. Dan jagħti prova tax-​xewqa li int trid ‘tieħu ħsieb lil dawk tal-​familja tiegħek’ saħansitra meta ma tkunx għadek magħhom. (1 Timotju 5:8)​—1/15, paġna 22.

◻ Il-​“Patt il-​Qadim” x’wettaq? (2 Korintin 3:14)

Ipprovda fatturi li taw stampa bil-​quddiem tal-​patt il-​ġdid u, bis-​sagrifiċċji ripetuti tiegħu, wera kemm il-​bniedem għandu bżonn disperatament tal-​fidwa mid-​dnub u l-​mewt. Kien ‘imexxina qisna tfal lejn Kristu.’ (Galatin 3:24)​—2/1, paġna 14.

◻ Il-​patt il-​ġdid b’liema modi huwa għal dejjem? (Lhud 13:20)

L-​ewwelnett, kuntrarju għall-​patt tal-​Liġi, dan qatt ma se jiġi ssostitwit. It-​tieni, ir-​riżultati tax-​xogħol li wettaq huma permanenti. U t-​tielet, sudditi fuq l-​art tas-​saltna t’Alla se jkomplu jibbenefikaw mill-​arranġament tal-​patt il-​ġdid matul il-​Millennju.​—2/1, paġna 22.

◻ X’benefiċċji jirriżultaw milli nkunu grati?

Is-​sens taʼ kordjalità li wieħed jesperjenza talli jkun grat mill-​qalb jikkontribwixxi għall-​hena u l-​paċi tiegħu. (Qabbel Proverbji 15:13, 15.) Billi hi kwalità pożittiva, il-​gratitudni tipproteġih minn sentimenti negattivi bħalma huma r-​rabja, l-​għira, u r-​risentiment.​—2/15, paġna 4.

◻ Dawk imnisslin mill-​ispirtu f’liema pattijiet iddaħħlu?

Il-​patt il-​ġdid, li Jehovah jagħmel mal-​membri taʼ Iżrael spiritwali, u l-​patt għas-​Saltna, li Ġesù jagħmel mas-​segwaċi midlukin tal-​passi tiegħu. (Luqa 22:20, 28-30)​—2/15, paġna 16.

◻ L-​Iżraeliti liema tliet festi kbar kienu kkmandati li jattendu?

Il-​Festa tal-​Ħobż Ażżmu, immedjatament wara l-​Qbiż taʼ l-​14 taʼ Nisan; il-​Festa tal-​Ġimgħat, fil-​ħamsin jum mis-​16 taʼ Nisan; u l-​Festa tal-​Ġbir, jew il-​Festa taʼ l-​Għerejjex, fis-​sebaʼ xahar. (Dewteronomju 16:1-15)​—3/1, paġni 8, 9.

◻ Għala huwa privileġġ li nattendu laqgħat Kristjani?

Ġesù qal: “Fejn tnejn jew tlieta jkunu miġbura f’ismi hemm inkun jien f’nofshom”! (Mattew 18:20; 28:20) Ukoll, mod importanti li bih jiġi mqassam l-​ikel spiritwali huwa permezz tal-​laqgħat tal-​kongregazzjoni kif ukoll taʼ laqgħat akbar. (Mattew 24:45)​—3/1, paġna 14.

◻ X’inhi l-​oriġini taʼ l-​isem Nimrod?

Diversi studjużi huma taʼ l-​istess opinjoni li l-​isem Nimrod ma kienx isem mogħti fit-​twelid. Minflok, jikkunsidrawh bħala isem mogħti iktar tard biex jaqbel mal-​karattru ribelluż tiegħu wara li dan inkixef maż-​żmien.​—3/15, paġna 25.

◻ Kemm hija importanti l-​familja għas-​soċjetà umana?

Il-​familja hija bżonn uman. L-​istorja turi li meta l-​arranġament tal-​familja jibda jiġi fix-​xejn, is-​saħħa tal-​komunitajiet u n-​nazzjonijiet tiddgħajjef. Mela, il-​familja għandha effett dirett fuq l-​istabbiltà tas-​soċjetà u l-​benesseri tat-​tfal u taʼ ġenerazzjonijiet futuri.​—4/1, paġna 6.

◻ Liema tliet linji taʼ prova juru li l-​Bibbja hija l-​Kelma t’Alla?

(1) Din hija eżatta xjentifikament; (2) fiha prinċipji li ma jispiċċaw qatt u li huma prattiċi għall-​ħajja tal-​lum; (3) fiha profeziji speċifiċi li ġew imwettqin, bħalma ġie pprovat minn fatti storiċi.​—4/1, paġna 15.