Offri Stedina Lil Kulmin Hu bil-Għatx
1 Bħalma Ġie Mbassar Mill-profeta Għamos, Il-familja Umana Llum Qiegħda Ssofri “Għatx [Mhux] Għall-ilma, Iżda Għas-smigħ Tal-kelma Tal-mulej.” (Għam. 8:11) Sabiex Ngħinu Lil Nies F’din Il-kundizzjoni Spiritwalment Niexfa, Aħna Ngħidulhom Dwar Il-provvedimenti Taʼ Alla Biex Jikseb Lura Lill-bnedmin Ubbidjenti Mid-dnub U L-mewt, Li Huma Deskritti fl-aħħar Kapitlu Taʼ L-apokalissi Bħala Li Huma “Xmara Taʼ L-ilma Tal-ħajja.” Aħna Għandna L-privileġġ Li Noffru Stedina Lil Kulmin Hu Bil-għatx Għat-tjieba Biex “Jieħu B’xejn . . . L-ilma Tal-ħajja.” (Apk. 22:1, 17) Kif Nistgħu Nagħmlu Dan Matul Frar? Billi Noffru Lil Dawk Li Huma Ġenwinament Interessati L-ktieb Int Tistaʼ Tgħix Għal Dejjem Fil-ġenna Fuq L-art. Forsi Tixtieq Tipprova Dawn Il-preżentazzjonijiet:
2 Ladarba ħafna nies huma kkonċernati dwar kwistjonijiet taʼ saħħa, tistaʼ ssib din il-preżentazzjoni effettiva:
◼ “Ħafna huma kkonċernati dwar kemm qed togħla l-kura medika taʼ kwalità. Forsi ħsibt xi ftit fuq dan is-suġġett. [Agħti ċans għal tweġiba.] Hemm xi soluzzjoni permanenti għal din il-problema? [Stenna tweġiba.] Hawnhekk hawn prospett taʼ l-għaġeb.” Iftaħ il-ktieb Tgħix Għal Dejjem f’paġna 162 u aqra l-iskritturi taħt it-titlu “Qatt iktar mard, xjuħija jew mewt.” Imbagħad mur f’paġna 164 u aqra paragrafi 17 u 18 jew inkella ikkummenta fuqhom biss. Ikkonkludi billi tgħid: “Din il-pubblikazzjoni tiddiskuti kif u meta se jkun possibbli għan-nies li jgħixu għal dejjem fil-ġenna fuq l-art.” Jekk l-inkwilin juri interess ġenwin, offrilu l-ktieb, billi tagħtih opportunità li jagħmel donazzjoni għax-xogħol mad-dinja kollha jekk jesprimi interess dwar kif ix-xogħol tagħna huwa ffinanzjat. Agħmel arranġamenti biex terġaʼ tmur.
3 Meta tagħmel iż-żjara lura, tistaʼ tkompli d-diskussjoni billi tgħid:
◼ “L-aħħar darba li kont hawn, tkellimna fuq soluzzjoni permanenti għall-problemi taʼ saħħa. Taħseb li qatt se jasal iż-żmien meta ħadd m’hu se jkun marid? [Agħti ċans għal tweġiba.] Tiftakar l-iskrittura li qrajna f’Isaija 33:24?” Erġaʼ aqraha. Imbagħad iftaħ il-brochure X’Jirrikjedi f’lezzjoni 5, u iddiskuti paragrafi 5-6, billi ssaqsi l-mistoqsijiet taʼ magħhom fil-bidu tal-lezzjoni u tfittex xi ftit mill-iskritturi ċitati. Semmi li t-tneħħija tal-mard u l-mewt hija parti mit-twettiq taʼ l-iskop oriġinali taʼ Alla għall-art. Ftiehem li terġaʼ tmur lura biex tiddiskutu paragrafi 1-4 u 7 fl-istess lezzjoni.
4 Jekk għadha kemm instemgħet aħbar li tinvolvi mewt għall-għarrieda u li qiegħda fuq imħuħ in-nies, tistaʼ tipprova dan il-metodu:
◼ “Forsi smajt dwar [semmi l-aħbar]. Meta l-ħajjiet tan-nies jintemmu traġikament, ħafna jitħassbu dwar liema faraġ jistaʼ jiġi offrut lill-familji tal-vittmi. Int x’taħseb?” Agħti ċans għal tweġiba. Imbagħad iftaħ paġni 167 u 168-9 fil-ktieb Tgħix Għal Dejjem, u uri x-xeni taʼ l-irxoxt li hemm fl-istampi. Kompli billi tgħid: “Ħafna jissorprendu ruħhom kif kemm it-twajbin u kemm dawk li m’humiex twajbin se jinġiebu lura għall-ħajja fil-Ġenna fuq l-art. [Aqra Atti 24:15 bħalma hu kkwotat f’paragrafu 11 f’paġna 170, u mbagħad agħti l-ispjegazzjoni misjuba f’paragrafi 15 u 16.] Dan il-ktieb jiddiskuti ħafna dettalji interessanti oħrajn dwar l-iskop taʼ Alla għall-futur. Jekk tixtieq titgħallem iktar dwar dan, tistaʼ tieħu din il-kopja.” Agħmel ftehim biex tmur lura, billi tieħu nota taʼ dak li speċifikament jinteressa u jikkonċerna lill-individwu.
5 Meta terġaʼ tmur, addatta l-preżentazzjoni tiegħek għall-inkwilin. Forsi tistaʼ tgħid:
◼ “L-aħħar darba li tkellimna, apprezzajt kumment li int għamilt dwar l-iskop taʼ Alla għall-art. [Irrepeti l-kumment.] Sibt xi materjal li naħseb se ssibu interessanti.” Iftaħ il-brochure X’Jirrikjedi f’lezzjoni 5. Aqra u iddiskuti kemm paragrafi tistaʼ f’dik il-lezzjoni sakemm l-inkwilin juri interess. Wara li tirranġaw ħin biex tmur lura u tkomplu l-lezzjoni, agħti lill-inkwilin handbill li juri l-ħinijiet tal-laqgħat tal-kongregazzjoni. Spjega dwar il-Laqgħa Pubblika, u stiednu biex jattendi.
6 Jekk tippreferi preżentazzjoni ssimplifikata billi toffri fuljett, tistaʼ tgħid hekk:
◼ “Nixtieqek tieħu dan il-fuljett intitolat X’Tama Hemm għall-Maħbubin Mejtin?” Agħtih lill-inkwilin, u stiednu jsegwi miegħek waqt li taqra l-ewwel paragrafu. Ippermettilu jwieġeb il-mistoqsija mqajma fl-aħħar sentenza. Aqra t-tieni paragrafu, u mbagħad urih l-istampi f’paġni 167 u 168-9 fil-ktieb Tgħix Għal Dejjem. Kompli billi tgħid: “Dan il-ktieb jagħti iktar dettalji fuq l-irxoxt u l-bqija tal-wegħdi taʼ l-għaġeb tal-Bibbja għall-futur. Jekk taħseb li taqrah, tistaʼ tieħu din il-kopja.” Jekk l-inkwilin jistaqsi dwar kemm jiswa, agħtih l-opportunità li jagħti donazzjoni għax-xogħol mad-dinja kollha, u ftiehem għal żjara lura.
7 Li noffru stedina li tappella lil oħrajn jistaʼ jġagħalhom jiġu għall-ilmijiet tal-ħajja, li Jehovah qiegħed issa jagħmel disponibbli. Għalhekk, ħalli ngħidu lil kulmin huwa bil-għatx, “Ejja!”—Apk. 22:17.