Erfgħu

Suġġerimenti taʼ Preżentazzjonijiet għas-​Servizz taʼ l-​Għalqa

Kif Tuża Dan l-​Insert

Ħafna mill-​preżentazzjonijiet li ġejjin dehru fil-​ħarġiet li għaddew taʼ Il-​Ministeru tas-​Saltna. Tistaʼ tipprova kemm trid minnhom fl-​attività taʼ l-​ippridkar tiegħek, u ara x’riżultati tikseb. Erfaʼ dan l-​insert, u użah meta tkun qed tipprepara għall-​ministeru.

Tistaʼ tqajjem l-​interess tal-​persuna fil-​Kelma t’Alla jekk tasal malajr għall-​punt tal-​messaġġ tiegħek. Qajjem mistoqsija speċifika, u mbagħad aqra t-​tweġiba qasira mill-​Iskrittura. Tistaʼ tipprova dawn is-​suġġerimenti:

“Hekk kif tħares lejn il-​futur, tħossok int mimli tama jew mimli dubji? [Agħti ċans għal tweġiba.] Il-​Bibbja bassret il-​ġrajjiet inkwetanti li naraw illum u r-​riżultati tagħhom.”​—2 Tim. 3:​1, 2, 5; Prov. 2:​21, 22.

“Illum il-​ġurnata hawn tħassib kbir dwar il-​kura tas-​saħħa. Qatt kont taf li Alla jwegħedna li se jsolvi għal dejjem il-​problemi kollha tas-​saħħa?”​—Is. 33:24; Apk. 21:​3, 4.

“Qatt kont taf li l-​Bibbja tbassar li fl-​aħħar mill-​aħħar se jkun hemm gvern wieħed biss jaħkem lid-​dinja kollha?”​—Dan. 2:44; Mt. 6:​9, 10.

“X’taħseb li jkunu l-​kundizzjonijiet li kieku Ġesù Kristu jaħkem lid-​dinja?”​—Salm 72:​7, 8.

“Ħafna nies ibatu minn diskriminazzjoni minħabba r-​reliġjon, ir-​razza tagħhom, u skond humiex raġel jew mara. Kif taħseb li jħossu Alla dwar preġudizzju bħal dan?”​—Atti 10:​34, 35.

“Nafu li Ġesù Kristu għamel ħafna mirakli fi żmienu. Kieku tistaʼ tistaqsih biex jagħmel miraklu ieħor, liema jkun?”​—Salm 72:​12-14, 16.

“Il-​biċċa l-​kbira min-​nies xebgħu jisimgħu dwar problemi. Iridu jisimgħu dwar soluzzjonijiet. Imma fejn nistgħu nsibu soluzzjonijiet veri għall-​problemi tagħna?”​—2 Tim. 3:​16, 17.

“Taf x’inhi s-​Saltna li titlob għaliha fit-​Talba tal-​Missierna?”​—Apk.11:15.

Kif Tibda Konversazzjoni

Il-​lista taʼ mistoqsijiet t’hawn taħt, meħuda minn xi suġġetti fil-​ktieb Reasoning, turi n-​numru tal-​paġna fil-​ktieb fejn tistaʼ ssib it-​tweġiba:

Għala nixjieħu u mmutu? (98)

F’liema kundizzjoni jinsabu l-​mejtin? (100)

Hemm raġunijiet validi għala għandna nemmnu f’Alla? (145)

Veru li Alla jimpurtah minn dak li jiġrilna bħala bnedmin? (147)

Huwa Alla persuna reali? (147)

In-​nies twajbin kollha jmorru s-​sema? (162)

Dak li jkun irid bilfors imur is-​sema biex ikollu futur hieni? (163)

Għala huwa importanti li nkunu nafu u nużaw l-​isem persunali t’Alla? (196)

Huwa Ġesù Kristu Alla? (212)

X’se twettaq is-​Saltna t’Alla? (227)

X’inhu l-​iskop tal-​ħajja għall-​bniedem? (243)

X’jistaʼ jgħin biex jitjieb iż-​żwieġ? (253)

Jaċċetta Alla r-​reliġjonijiet kollha? (322)

Kif jistaʼ individwu jkun jaf liema reliġjon hi tajba? (328)

Satana kemm għandu qawwa biex jinfluwenzaha lid-​dinja taʼ llum? (364)

Alla għala jippermetti s-​sofferenza? (393)

Għala hawn daqshekk ħażen? (427)

Min jaħkem lid-​dinja—Alla jew Satana? (436)

Suġġerimenti Kif Nippreżentaw il-​Browxer X’Jirrikjedi

“Żgur taqbel li ħafna nies jemmnu f’Alla. Dawk kollha li jemmnu fih jaqblu li Alla jirrikjedi xi ħaġa minna. Dak li n-​nies ma jaqblux dwaru hu, Alla x’jirrikjedi minna?” Imbagħad, ippreżenta l-​browxer X’Jirrikjedi, iftaħ lezzjoni nru. 1, u iddiskutiha.

“Peress li llum hawn daqshekk problemi fil-​ħajja tal-​familja, qatt ħsibt dwar x’inhu s-​sigriet biex tikseb l-​hena fil-​familja?” Wara t-​tweġiba, spjega li fil-​Bibbja, Alla jikxef x’inhu s-​sigriet veru taʼ l-​hena fil-​familja. Aqra Isaija 48:17. Imbagħad iftaħ lezzjoni nru. 8 fil-​browxer X’Jirrikjedi, u irreferi għal xi ftit mill-​versi Bibliċi msemmijin li jipprovdu gwida taʼ min joqgħod fuqha għal kull membru tal-​familja. Aqra l-​lista tal-​mistoqsijiet fil-​bidu tal-​lezzjoni. Staqsi lill-​individwu jekk jixtieqx jaqra t-​tweġibiet.

“Dan il-​browxer fih kors taʼ studju komplet li jkopri t-​tagħlim bażiku tal-​Bibbja. F’kull paġna, se ssib tweġibiet għal mistoqsijiet li ilhom jinkwetaw lin-​nies għal sekli sħaħ. Per eżempju, X’inhu l-​iskop t’Alla għall-​art?” Iftaħ lezzjoni nru. 5, u aqra l-​mistoqsijiet fil-​bidu tal-​lezzjoni. Staqsi lill-​inkwilin liema waħda tinteressah l-​iktar, u mbagħad aqra l-​paragrafu jew paragrafi tal-​mistoqsija li jagħżel, u aqralu xi skritturi addattati. Spjegalu li t-​tweġibiet sodisfaċenti għall-​mistoqsijiet l-​oħrajn jistgħu jinstabu daqstant faċilment. Issuġġerixxi li terġaʼ tmur biex tiddiskutu mistoqsija oħra.

“Liema taħseb li hi r-​raġuni għala ssir daqshekk vjolenza fl-​iskejjel pubbliċi? Taħseb li minħabba n-​nuqqas taʼ taħriġ mill-​ġenituri? Jew forsi għal xi raġuni oħra, bħal per eżempju l-​influwenza mix-​Xitan?” Agħti ċans għal tweġiba. Jekk l-​individwu jgħid li minħabba l-​influwenza mix-​Xitan, aqralu Apokalissi 12:​9, 12. Uri x’inhu l-​irwol tax-​Xitan f’li jqanqal l-​inkwiet fid-​dinja. Imbagħad iftaħ il-​browxer X’Jirrikjedi f’lezzjoni nru. 4, u staqsi lill-​individwu jekk qattx ħaseb minfejn ġie x-​Xitan. Kompli aqra u iddiskuti miegħu l-​ewwel żewġ paragrafi. Jekk l-​individwu jagħżel “in-​nuqqas taʼ taħriġ mill-​ġenituri” bħala r-​raġuni għall-​vjolenza fl-​iskejjel, aqralu t-​2 Timotju 3:​1-3 u iġbed l-​attenzjoni lejn il-​karatteristiċi li b’mod ċar jikkontribwixxu biex tinqalaʼ din il-​problema. Imbagħad iftaħ il-​browxer X’Jirrikjedi f’lezzjoni nru. 8, aqra paragrafu 5, u kompli d-​diskussjoni.

“Taħseb li hu raġunevoli nistennew li l-​Ħallieq jagħtina l-​għarfien li għandna bżonn sabiex nagħmlu l-​ħajja tal-​familja suċċess?” Wara t-​tweġiba, introduċi l-​browxer X’Jirrikjedi. Iftħu f’lezzjoni nru. 8, u spjega li din fiha prinċipji mill-​Bibbja għal kull membru tal-​familja. Offri li turih kif juża l-​browxer mal-​Bibbja sabiex jieħu l-​akbar benefiċċju.

“Bl-​isfidi kollha li niffaċċjaw fil-​ħajja taʼ llum, taħseb li t-​talb jistaʼ jgħinna verament? [Agħti ċans għal tweġiba.] Ħafna jgħidu li t-​talb jagħtihom qawwa ġewwinija. [Aqra Filippin 4:​6, 7.] Madankollu, individwu jistaʼ jħoss li t-​talb tiegħu ma jkunx qed jiġi mwieġeb. [Iftaħ il-​browxer X’Jirrikjedi f’lezzjoni nru. 7.] Dan il-​browxer jispjega kif it-​talb jistaʼ jkun verament taʼ benefiċċju għalina.”

“Konna qed nitkellmu mal-​ġirien dwar għala hawn daqstant reliġjonijiet differenti fid-​dinja. Madankollu, hawn biss Bibbja waħda. Fl-​opinjoni tiegħek, għala teżisti din il-​konfużjoni taʼ reliġjonijiet? [Agħti ċans għal tweġiba. Iftaħ il-​browxer X’Jirrikjedi f’lezzjoni nru. 13 u aqra l-​mistoqsijiet tal-​bidu.] Se tingħata tweġibiet sodisfaċenti għal dawn il-​mistoqsijiet billi taqra din il-​lezzjoni.”

Wara li tkun ħallejt ir-​rivisti tat-​Torri taʼ l-​Għassa u Stenbaħ! maʼ dak li jkun, staqsih jekk tistax taqralu paragrafu qasir. Jekk jippermettilek, iftaħ il-​browxer X’Jirrikjedi f’lezzjoni nru. 5. Urih il-​mistoqsijiet imniżżlin fil-​bidu tal-​lezzjoni, u itolbu biex jismaʼ t-​tweġiba għall-​ewwel mistoqsija hekk kif taqralu l-​ewwel paragrafu. Wara li taqra l-​paragrafu, staqsih il-​mistoqsija u ħallih iwieġbek. Offrilu l-​browxer u, jekk jaċċettah, ftiehem miegħu li tmur lura biex tieħu t-​tweġibiet tiegħu għaż-​żewġ mistoqsijiet li jmiss.

Suġġerimenti Kif Nippreżentaw il-​Ktieb Għarfien

Bil-​Bibbja f’idejk, ibda billi tgħid: “Illum qegħdin naqsmu skrittura maʼ kulmin joqgħod fit-​triq tiegħek. Din tgħid . . . ” Aqra Ġwann 17:3, u mbagħad staqsi: “Innotajt x’wegħda għandna jekk nieħdu t-​tip xieraq taʼ għarfien? [Agħti ċans għal tweġiba.] Fejn jistaʼ dak li jkun isib għarfien bħal dan?” Wara t-​tweġiba, uri l-​ktieb Għarfien, u għid: “Dan il-​ktieb jidderiġina lejn l-​għarfien li jwassal għall-​ħajja taʼ dejjem. Dan jagħmlu billi jwieġeb l-​iktar mistoqsijiet komuni li għandhom in-​nies dwar il-​Bibbja.” Uri l-​werrej, u staqsi lill-​individwu jekk qattx ħaseb dwar xi wieħed mis-​suġġetti li hemm imniżżlin.

“Qatt ħsibt jekk Alla verament jimpurtahx mill-​inġustizzji u t-​tbatijiet li naraw madwarna jew li ngħaddu minnhom aħna stess? [Agħti ċans għal tweġiba.] Il-​Bibbja tiżgurana li Alla jħobbna u li hu se jgħinna meta nkunu għaddejjin minn żminijiet taʼ tbatija.” Aqra partijiet minn Salm 72:​12-17. Iftaħ il-​ktieb Għarfien f’kapitlu 8, u urih li dan jagħti tweġiba taʼ faraġ għal mistoqsija li jistaqsu miljuni taʼ nies, Alla għala jippermetti s-​sofferenza? Jekk inhu possibbli, iddiskuti xi ħsibijiet skritturali li jinsabu f’kapitli 3 sa 5, jew inkella agħmel dan meta terġaʼ żżuru.

“Il-​biċċa l-​kbira minna tlifna lil xi maħbubin fil-​mewt. Ġieli ħsibt jekk xi darba nerġgħux narawhom? [Agħti ċans għal tweġiba.] Ġesù ta prova li l-​maħbubin tagħna jistgħu jiġu meħlusin mill-​mewt. [Aqra Ġwann 11:​11, 25, 44.] Għalkemm seħħ ħafna sekli ilu, dan juri dak li Alla wiegħed li se jagħmel għalina fil-​futur.” Iftaħ il-​ktieb Għarfien fl-​istampa taʼ paġna 85, u aqra l-​kliem li hemm magħha. Imbagħad uri l-​istampa f’paġna 86, u għid xi ħaġa dwarha. Ħejji t-​triq għaż-​żjara li jmiss billi tistaqsi: “Tixtieq tkun taf għala l-​bnedmin jixjieħu u jmutu?” Mur lura biex tiddiskuti kapitlu 6.

“Qatt ħsibt għala n-​nies jixxennqu għal ħajja itwal?” Wara t-​tweġiba taʼ dak li jkun, iftaħ il-​ktieb Għarfien f’kapitlu 6, u aqra paragrafu 3. Irraġuna fuq l-​iskritturi msemmijin. Filwaqt li tirreferi għaż-​żewġ mistoqsijiet fl-​aħħar tal-​paragrafu, staqsi lill-​individwu jekk jixtieqx ikun jaf it-​tweġibiet. Jekk iwieġeb b’mod favorevoli, iddiskuti l-​ftit paragrafi li jmiss.

“Qed nistaqsu lin-​nies jekk jemmnux f’dan . . . ” Aqra Ġenesi 1:​1, u mbagħad staqsi: “Taqbel maʼ din l-​istqarrija?” Jekk l-​individwu jaqbel, imbagħad għidlu: “Jien naqbel ukoll. Madankollu, taħseb li jekk Alla ħalaq kollox, hu responsabbli wkoll għall-​ħażen?” Wara li turi lill-​individwu li qgħadt attent għat-​tweġiba tiegħu, aqra Koħèlet 7:29. Iftaħ il-​ktieb Għarfien f’kapitlu 8, u aqra paragrafu 2. Jekk ma jaqbilx maʼ Ġenesi 1:​1, ħeġġu biex jeżamina l-​evidenza li l-​Ħallieq jeżisti.—Ara l-​ktieb Reasoning, paġni 84-6.

“Ma taqbilx li minħabba li l-​valuri morali taʼ żmienna qed jinbidlu l-​ħin kollu, għandna bżonn gwida taʼ min joqgħod fuqha f’ħajjitna? [Agħti ċans għal tweġiba.] Għalkemm il-​Bibbja hija l-​iktar ktieb antik, din tagħti pariri prattiċi għall-​ħajja taʼ llum u għal ħajja tal-​familja ferħana.” Imbagħad iftaħ kapitlu 2 tal-​ktieb Għarfien, u aqra paragrafu 10 u l-​ewwel sentenza taʼ paragrafu 11, inkluż it-​2 Timotju 3:​16, 17.

“Tixtieq tkun taf x’hemm maħżun fil-​futur għalina u għall-​art? [Agħti ċans għal tweġiba.] Il-​Bibbja tiġbor f’kelma waħda x’se jkollna fil-​futur—Ġenna! Kien hemmhekk li Alla poġġa lill-​ewwel koppja umana meta ħalaqha. Innota din id-​deskrizzjoni taʼ kif x’aktarx li kienet.” Iftaħ il-​ktieb Għarfien f’paġna 8, u aqra paragrafu 9, taħt is-​sottitlu “Il-​Ħajja fil-​Ġenna.” Imbagħad iddiskuti l-​punti f’paragrafu 10, u aqra l-​iskrittura msemmija, Isaija 55:​10, 11. Offri li tkompli bid-​diskussjoni dwar kif se tkun il-​ħajja fil-​Ġenna restawrata, billi tkopri paragrafi 11-16.

Meta tkun qed tagħmel żjajjar lura maʼ dawk li ħallejtilhom ir-​rivisti t-​Torri taʼ l-​Għassa u Stenbaħ!, tistaʼ tgħidilhom hekk:

“L-​aħħar darba li ġejt, ħadt pjaċir inħallilek kopja tar-​rivista t-​Torri taʼ l-​Għassa. Forsi indunajt li t-​titlu sħiħ tar-​rivista huwa It-​Torri taʼ l-​Għassa Jħabbar is-​Saltna taʼ Jehovah. Illum nixtieq nispjegalek x’inhi din is-​Saltna u x’tistaʼ tfisser għalik u għall-​familja tiegħek.” Imbagħad iftaħ il-​browxer X’Jirrikjedi f’lezzjoni nru. 6, u aqra u iddiskuti skond kemm ikollu ċans l-​individwu.

“M’ilux ġejt u ħallejtlek kopji tar-​rivisti t-​Torri taʼ l-​Għassa u Stenbaħ! Dawn ir-​rivisti jkabbru r-​rispett tan-​nies lejn il-​Bibbja u lejn il-​gwida morali li tagħti. Peress li nħoss li huwa essenzjali li kulħadd jifhem il-​Kelma t’Alla, erġajt ġejt biex nurik xi ħaġa li se tgħinek tifhimha.” Urih il-​browxer X’Jirrikjedi jew il-​ktieb Għarfien, u offri studju tal-​Bibbja.

Meta tkun qed toffri kwalunkwe ktieb ieħor tistaʼ tipprova din il-​preżentazzjoni:

“In-​nies jagħmlu ħafna enfasi fuq il-​bżonn li tingħata edukazzjoni taʼ kwalità. Fl-​opinjoni tiegħek, liema tip t’edukazzjoni għandu wieħed ifittex sabiex ikun ċert li jkollu l-​akbar ferħ u suċċess fil-​ħajja? [Agħti ċans għal tweġiba. Imbagħad aqra Proverbji 9:​10, 11.] Dan il-​ktieb [aqra t-​titlu tal-​ktieb li tkun qed toffri] huwa bbażat minn fuq il-​Bibbja. Jipponta lejn l-​uniku sors t’għarfien li jistaʼ jwassal għall-​ħajja taʼ dejjem.” Urih eżempju speċifiku mill-​ktieb, u ħeġġeġ lill-​individwu biex jaqrah.

Pubblikazzjonijiet Oħra

Tistaʼ ssib suġġerimenti taʼ preżentazzjonijiet għal kotba u browxers oħrajn fil-​Watch Tower Publications Index taħt:

Presentations (Preżentazzjonijiet)

List by Publication (Lista Skond il-​Pubblikazzjoni)

Jekk sibt xi preżentazzjoni effettiva li biha qed ikollok riżultati tajbin f’li tikkultiva l-​interess, ċertament kompli użaha! Sempliċement addattaha skond l-​offerta taʼ letteratura għax-​xahar kurrenti.

Il-​Metodu Dirett

Sabiex tibda studju tal-​Bibbja, ipprova uża wieħed minn dawn il-​metodi diretti:

“Kont taf li fi ftit minuti biss, tistaʼ ssib it-​tweġiba għal mistoqsija Biblika importanti? Per eżempju, . . . ” Imbagħad, staqsi mistoqsija li tidher fil-​bidu taʼ xi waħda mil-​lezzjonijiet fil-​browxer X’Jirrikjedi u li tistaʼ tolqot lill-​individwu.

“Ġejt inżurek biex nurik il-​programm tagħna taʼ studju tal-​Bibbja b’xejn. Kull m’hemm bżonn xi ħames minuti biex nurik kif isir. Għandek ħames minuti ċans?” Jekk it-​tweġiba tkun iva, uża lezzjoni nru. 1 tal-​browxer X’Jirrikjedi biex turi kif isir l-​istudju, filwaqt li taqra xi skrittura jew tnejn biss milli tagħżel. Wara staqsih: “Meta għandek xi kwarta ċans biex inkopru l-​lezzjoni li jmiss?”

“Ħafna nies għandhom Bibbja, iżda ma jirrealizzawx li fiha t-​tweġibiet għal mistoqsijiet importanti li lkoll għandna dwar il-​futur tagħna. Billi tuża din l-​għodda għall-​istudju [l-browxer X’Jirrikjedi jew il-​ktieb Għarfien] għal madwar siegħa fil-​ġimgħa, int tistaʼ tikseb fehma bażika tal-​Bibbja fi ftit xhur biss. Nieħu gost jekk tippermettili nurik kif isir dan il-​programm.”

“Ġejt inżurek biex noffrilek kors tal-​Bibbja b’xejn f’darek. Jekk tippermettili, nixtieq niħodlok ftit minuti biss biex nurik kif in-​nies f’iktar minn 200 pajjiż jiddiskutu l-​Bibbja fid-​dar miġburin bħala familji. Nistgħu nużaw kwalunkwe suġġett minn dawn bħala bażi għad-​diskussjoni. [Uri l-​werrej fil-​ktieb Għarfien.] Liema wieħed jinteressak l-​iktar?” Agħti ċans lill-​individwu biex jagħżel. Iftaħ il-​kapitlu li jagħżel, u ibda l-​istudju fuq l-​ewwel paragrafu.

“Jien nagħti lezzjonijiet mill-​Bibbja bla ħlas u għandi post fl-​iskeda tiegħi għal iktar studenti. Din hi l-​għajnuna li nużaw għall-​istudju tal-​Bibbja. [Uri l-​ktieb Għarfien.] Il-​kors idum ftit xhur biss u jagħti tweġibiet għal mistoqsijiet bħal: Alla għala jippermetti s-​sofferenza? Għala nixjieħu u mmutu? X’jiġrilhom il-​maħbubin mejtin tagħna? U kif nistgħu nersqu qrib lejn Alla? Nistaʼ nurik kif issir lezzjoni waħda?”