Żgħażagħ—Ħudu Vantaġġ mill-Iskola
1 Kif tħossok dwar li tmur lura lejn l-iskola wara l-vaganzi tas-sajf? Ħerqan int biex tibbenefika minn sena skolastika oħra? Se tieħu vantaġġ mill-opportunitajiet li tipprovdilek l-iskola biex taqsam il-verità maʼ sħabek tal-klassi u maʼ l-għalliema? Aħna fiduċjużi li int trid tagħmel l-aħjar tiegħek fl-iskola.
2 Kun Student Tajjeb: Jekk tkun ippreparat sew meta tattendi l-iskola u toqgħod attent ħafna, dan se jkunlek taʼ ġid dejjiemi. Ħu ħsieb li tagħmel il-ħowmwerk bir-reqqa, imma tħallix ix-xogħol taʼ l-iskola jfixkillek l-attivitajiet teokratiċi.—Flp. 1:10.
3 Ibda s-sena skolastika l-ġdida billi taqra l-browxer Jehovah’s Witnesses and Education. Imbagħad, int jew il-ġenituri tiegħek għandkom tagħtu kopja lil kull wieħed mill-għalliema tiegħek. Għarrafhom li dan se jweġbilhom kwalunkwe mistoqsija li jistaʼ jkollhom. Dan se jgħinhom jifhmu l-prinċipji u t-twemmin tiegħek aħjar u jikkooperaw miegħek hekk kif int tapplika dak li ġejt mgħallem. Se jiżgura wkoll lill-għalliema tiegħek li int u l-ġenituri tiegħek tixtiequ tikkooperaw magħhom hekk kif huma jgħinuk tikseb edukazzjoni li tiswa.
4 Kun Xhud Tajjeb: Għala ma tqisx l-iskola bħala t-territorju persunali tiegħek għal xiehda informali? Matul is-sena skolastika li ġejja, se jkollok opportunitajiet uniċi biex tagħti xiehda. Int tippossiedi għarfien spiritwali taʼ l-għaġeb li bih, meta taqsmu maʼ ħaddieħor, tistaʼ “issalva lilek innifsek u lil dawk li jisimgħuk.” (1 Tim. 4:16) Billi żżomm kondotta Kristjana eżemplari u billi tagħti xiehda kulmeta jkun xieraq li tagħmel hekk, se tibbenefika sew int u sew ħaddieħor.
5 Ħu żagħżugħ ta xiehda informali lill-istudenti sħabu fl-iskola. Fost dawk li wieġbu favorevolment kien hemm wieħed Kattoliku, wieħed ateu li kien jiddieħak b’dawk li jemmnu f’Alla, u żagħżugħ li kien ipejjep u jixrob ħafna. B’kollox, dan il-ħu żagħżugħ għen lil 15 minn sħabu jaslu għad-dedikazzjoni u l-magħmudija!
6 Għalhekk żgħażagħ, agħtu ruħkom għat-tagħlim u għal li taħdmu t-territorju uniku tagħkom fejn tagħtu xiehda. Hekk se tgawdu l-aqwa benefiċċju li tistgħu tiksbu meta tmorru l-iskola.