Laqgħat tas-Servizz għal Mejju
Ġimgħa li Tibda 3 taʼ Mejju
10 min: Avviżi lokali. Avviżi magħżulin minn Il-Ministeru tas-Saltna. Aħbarijiet Teokratiċi.
15 min: “Nibdew Studji bil-Browxer X’Jirrikjedi.” Jiġi kkunsidrat b’mistoqsijiet u tweġibiet.
20 min: “Għallem lil Oħrajn Jaġixxu għall-Benefiċċju Tagħhom Stess.” Illimita l-kummenti fl-introduzzjoni għal inqas minn minuta, u kompli b’diskussjoni f’għamla taʼ mistoqsija u tweġiba. Billi tuża kapitlu 13 tal-ktieb Għarfien, uri ċar kif in-nies jibbenefikaw b’mod prattiku billi jistudjaw, jifhmu, u japplikaw il-prinċipji tal-Bibbja.
Għanja 11 u talba taʼ l-għeluq.
Ġimgħa li Tibda 10 taʼ Mejju
10 min: Avviżi lokali. Rapport tal-kontijiet.
12 min: X’Inhuma l-Pjanijiet Tiegħek għas-Sajf? Familja tirrevedi l-arranġamenti tagħha biex tattendi għall-konvenzjoni, tagħmel ix-xogħol taʼ pijunier awżiljarju, tieħu vaganza, u rikreazzjoni. (Ara Il-Ministeru tas-Saltna taʼ Mejju 1998, paġna 7.) Huma jiddiskutu kif għandhom jippjanaw għal xiehda informali u kif jagħtuha, u jagħmlu turija dwar kif tinbeda konversazzjoni. Enfasizzaw il-bżonn li nżommu maʼ l-iskeda taʼ studju tal-Bibbja persunali u tal-familja, li mmorru għal-laqgħat tal-kongregazzjoni meta nivvjaġġaw xi mkien ieħor, u li nirrapportaw l-attività tas-servizz taʼ l-għalqa mal-kongregazzjoni tagħna. Il-membri tal-familja jiftakru l-esperjenzi tajbin li kellhom meta żaru lil kongregazzjonijiet oħrajn u l-ferħ li ħassew. Huma jikkunsidraw xi modi kif jistgħu juru ospitalità lil kwalunkwe viżitatur li jiġi fil-kongregazzjoni.
23 min: “Modi kif Tespandi l-Ministeru Tiegħek.” Żewġ anzjani jiddiskutu l-artiklu bi tweġiba għall-mistoqsijiet li jkunu staqsew uħud differenti fl-udjenza. Pubblikatur adolexxenti, koppja miżżewġa, u ħu li laħaq l-età tal-pensjoni jistaqsu dwar modi kif huma jistgħu jespandu l-ministeru tagħhom. Suġġerimenti prattiċi jiġu offruti mill-artiklu u minn kapitlu 9 tal-ktieb Our Ministry, billi jiffokaw fuq “What Are Your Spiritual Goals for the Future?,” (X’Inhuma l-Miri Spiritwali Tiegħek għall-Futur?) paġni 116-18. Il-pubblikaturi jesprimu l-apprezzament tagħhom għall-informazzjoni utli li tipprovdi s-Soċjetà li turi kif wieħed jippjana għal espansjoni fl-attività tas-servizz fil-futur immedjat.
Għanja 19 u talba taʼ l-għeluq.
Ġimgħa li Tibda 17 taʼ Mejju
5 min: Avviżi lokali.
12 min: “Ippjana bil-Quddiem!” Taħdita li tirrevedi l-attivitajiet teokratiċi kollha ppjanati lokalment għad-diversi xhur li ġejjin. Inkuraġġixxi lil kulħadd biex jimmarka d-dati fuq il-kalendarju tiegħu u ma jħallix affarijiet oħra jtellfuh.
10 min: “Konvenzjoni Distrettwali tax-Xhieda taʼ Jehovah għall-1999 ‘Il-Kelma Profetika t’Alla.’” Diskussjoni maʼ l-udjenza. Uża Rum. 12:2; 1 Tim. 2:9, 10 biex tenfasizza għala l-ilbies, id-dehra, u l-kondotta huma kwistjonijiet li jirrikjedu l-attenzjoni tagħna mill-qrib.
18 min: “Nikkultivaw l-Interess Permezz taż-Żjajjar Lura.” L-indokratur tas-servizz jiddiskuti l-materjal maʼ l-udjenza. Skond iċ-ċirkustanzi lokali, inkludi suġġerimenti addattati simili għal dawk f’paragrafu 5. Informa lill-membri tal-kongregazzjoni kif inhuma sejrin f’li jagħmlu ż-żjajjar lura u offri inkuraġġiment biex iktar uħud jieħdu sehem f’din il-karatteristika tas-servizz.
Għanja 29 u talba taʼ l-għeluq.
Ġimgħa li Tibda 24 taʼ Mejju
15 min: Avviżi lokali. Irrevedi l-ittra tas-Soċjetà tal-15 t’Ottubru, 1998, li tittratta dwar il-formola Please Follow Up (S-43). Spjega kif din tistaʼ tgħin f’li nsegwu l-interess li nsibu meta nagħtu xiehda informali u meta nikkuntattjaw lil nies li jitkellmu lingwa oħra. Inkuraġġixxi lill-pubblikaturi biex jużaw tajjeb dawn il-formoli.
12 min: Kaxxa għall-Mistoqsija. Taħdita minn anzjan.
18 min: Qegħdin Aħna Nieħdu Sehem f’Xogħol taʼ Sseparar? Taħdita li tqanqal mill-indokratur tas-servizz, ibbażata fuq il-Watchtower taʼ l-1 taʼ Lulju, 1997, paġni 30-1.
Għanja 32 u talba taʼ l-għeluq.
Ġimgħa li Tibda 31 taʼ Mejju
15 min: Avviżi lokali. Fakkar lil kulħadd biex jitfaʼ r-rapport tas-servizz taʼ l-għalqa għal Mejju. Irrevedi l-arranġamenti għas-servizz taʼ l-għalqa matul il-vaganza dinjija fis-7 taʼ Ġunju. Irrevedi l-offerta taʼ letteratura għal Ġunju. Meta nkunu qed noffru l-ktieb Għarfien, nistgħu ninkludu kopja taʼ ktieb iktar antik taʼ 192 paġna li l-kongregazzjoni jistaʼ jkollha ħażna kbira tiegħu. Uri eżempju taʼ preżentazzjoni, billi ssemmi l-arranġament tad-donazzjoni.
15 min: Bżonnijiet lokali.
15 min: X’Fiha Ħażin ir-Reliġjon Tiegħi? Diskussjoni bejn żewġ qaddejja ministerjali. Niltaqgħu maʼ ħafna nies li għandhom attitudni favorevoli lejn il-verità u li jammiraw lix-Xhieda taʼ Jehovah. Madankollu, l-irbit li għad għandhom mal-knisja tagħhom iżommhom lura. Isibuha diffiċli biex jemmnu li aħna għandna l-unika vera reliġjon u li l-forma taʼ qima tagħhom hija falza. Dan isir l-ostaklu ewlieni għall-progress spiritwali tagħhom. L-aħwa jirrevedu s-sitt fatturi msemmijin f’paġna 204 tal-ktieb Reasoning, li juru biċ-ċar li reliġjonijiet oħrajn ma jsegwux il-Bibbja. Inkuraġġixxi lill-udjenza biex tuża dawn il-punti biex bit-tattika tgħin lil uħud sinċieri jiżnu t-twemmin reliġjuż tagħhom.
Għanja 50 u talba taʼ l-għeluq.