Kif Niksbu Iktar Ferħ mil-Laqgħat
1 Il-laqgħat huma vitali għas-saħħa spiritwali tagħna. Il-ferħ li dawn jagħtuna għandu x’jaqsam direttament maʼ dak li nagħmlu qabel, matul, u wara l-laqgħat. Kif nistgħu ngħinu lilna nfusna u lil oħrajn biex ilkoll nibqgħu nattendu l-laqgħat b’ferħ kbir?
2 Qabel il-Laqgħat: Il-preparazzjoni teffettwa direttament il-gost li nieħdu fil-laqgħat. Meta nkunu preparati sew, it-tendenza se tkun li noqogħdu iktar attenti u li nieħdu iktar sehem. Iktar minn hekk, kwalunkwe inkarigu li nirċievu f’xi laqgħa għandna nippreparawh sew, bil-ħsieb li nwasslu l-informazzjoni eżatta skond l-istruzzjonijiet u li nżommu l-interess taʼ l-udjenza. Għandna nipprattikawh tajjeb ħafna. Meta nikkontribwixxu għal laqgħat interessanti u edifikanti li jibbenefika minnhom kulħadd, il-progress persunali tagħna jsir evidenti u jkollna iktar ferħ.—1 Tim. 4:15, 16.
3 Matul il-Laqgħat: Jekk nikkummentaw waqt il-laqgħat inkunu nistgħu ngawdu l-laqgħat iżjed.Partijiet li jeħtieġu l-parteċipazzjoni taʼ l-udjenza għandhom jitqiesu bħala inkarigi persunali għal kulħadd fil-kongregazzjoni. Kummenti konċiżi u li jolqtu l-musmar fuq rasu ġeneralment jagħmlu l-iktar ġid. Jekk nirrakkontaw xi esperjenzi edifikanti nistgħu ninkuraġġixxu u nsaħħu lil ħaddieħor, u għandna nkunu lesti biex dawn ninkluduhom kulmeta jkun addattat. (Prov. 15:23; Atti 15:3) Meta nippreżentaw xi parti fil-laqgħa, għandna nitkellmu b’entużjażmu u konvinzjoni, u nagħmluha interessanti, realistika, u prattika.
4 Wara l-Laqgħat: Jekk nitkellmu bil-ħlewwa m’oħrajn, nagħtu tislima amikevoli, u naqsmu xi punti importanti minn dak li nkunu kkunsidrajna fil-laqgħat se nibbenefikaw ilkoll. Il-fatt li nesprimu l-ferħ tagħna meta naraw iż-żgħar, il-kbar, u l-uħud ġodda jipparteċipaw ikabbar l-imħabba tal-fratellanza. Minflok ma nitkellmu b’mod negattiv dwar xi wħud li għandhom mnejn jitilfu l-laqgħat, għandna naqsmu magħhom il-ferħ li nħossu meta mmorru għal-laqgħat, billi b’hekk ninkuraġġuhom biex jattendu.—Lhud 10:24, 25.
5 Ejja ma niċċaħħdux minn dan il-provvediment essenzjali biex ninkuraġġixxu lil xulxin. (Rum. 1:11, 12) Billi kuxjenzjożament nagħmlu kull sforz ħerqan, ilkoll nistgħu nibqgħu nattendu l-laqgħat Kristjani bil-ferħ.