Laqgħat tas-Servizz għal Ottubru
Ġimgħa li Tibda 4 t’Ottubru
10 min: Avviżi lokali. Avviżi magħżulin minn Il-Ministeru tas-Saltna.
17 min: “Il-Kelma Profetika t’Alla se Ssir Realtà!” Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba. Iġbed l-attenzjoni lejn xi ftit dettalji mill-ktieb il-ġdid li jenfasizzaw is-sinjifikat taʼ żmienna.
18 min: Kun Konxju taʼ l-Importanza tar-Rivisti! Għid x’kien it-total taʼ rivisti li tqassmu mill-kongregazzjoni x-xahar li għadda. Dan kif jitqabbel maʼ l-għadd li rċivejna mis-Soċjetà? Jekk hemm differenza kbira, x’hemm bżonn li jsir? Stieden lil dawk fl-udjenza biex jikkummentaw dwar dan li ġej: (1) Kull pubblikatur għandu jordna provvista adegwata imma xierqa. (2) Qis kull Sibt bħala Ġurnata tar-Rivisti. (3) Irranġa l-iskeda persunali tiegħek tas-servizz biex tinkludi xi attività bir-rivisti kull xahar. (4) Ippjana li tagħti iktar xiehda informali billi tuża r-rivisti biex tibda konversazzjonijiet. (5) Ħu artikli speċjalizzati lil nies tan-negozju u taʼ professjoni li x’aktarx se jinteressaw ruħhom fihom. (6) Żomm nota eżatta taʼ dak li tqassam, u żviluppa rotta bir-rivisti, billi tmur lura regolarment bl-aħħar ħarġiet. (7) Uża tajjeb il-kopji iktar qodma tar-rivisti sabiex ma jakkumulawx. Uri r-rivisti kurrenti, u iġbed l-attenzjoni lejn l-artikli li x’aktarx se jqajmu interess. Ħejji adult u żagħżugħ biex kull wieħed minnhom jagħmel preżentazzjoni qasira bir-rivisti.—Ara l-insert taʼ l-Our Kingdom Ministry taʼ Settembru 1995.
Għanja 105 u talba taʼ l-għeluq.
Ġimgħa li Tibda 11 t’Ottubru
10 min: Avviżi lokali. Rapport tal-kontijiet.
15 min: Bżonnijiet lokali.
20 min: “Kif Niksbu Iktar Ferħ mil-Laqgħat.” Mistoqsijiet u tweġibiet. Semmi eżempji speċifiċi taʼ kif nistgħu nuru konsiderazzjoni u ninkuraġġixxu lil xulxin fil-laqgħat. Stieden lil dawk fl-udjenza biex isemmu xi eżempji mill-esperjenzi tagħhom stess.
Għanja 152 u talba taʼ l-għeluq.
Ġimgħa li Tibda 18 t’Ottubru
10 min: Avviżi lokali u esperjenzi mis-servizz taʼ l-għalqa.
13 min: “Se Tmur Toqgħod xi Mkien Ieħor?” Taħdita inkuraġġanti mis-segretarju. Meta l-pubblikaturi jħossu li jkun hemm bżonn li jmorru f’kongregazzjoni oħra, huwa importanti li jistabbilixxu ruħhom sew fl-ambjent il-ġdid sabiex jevitaw li jmorru lura spiritwalment. Enfasizza l-bżonn li dak li jkun javża lill-anzjani dwar pjanijiet simili u biex jitlob l-għajnuna tagħhom ħalli jikkuntattjaw il-kongregazzjoni l-ġdida.
10 min: Kaxxa għall-Mistoqsija. “X’affarijiet għandna nieħdu għal-laqgħat?” Taħdita.
12 min: “Għala Nżommu Nota taʼ Dawk li ma Jkunux id-Dar?” Taħdita b’xi parteċipazzjoni mill-udjenza.
Għanja 142 u talba taʼ l-għeluq.
Ġimgħa li Tibda 25 t’Ottubru
15 min: Avviżi lokali. Għin lil kulħadd jipprepara ruħu biex joffri l-browxer X’Jirrikjedi jew il-ktieb Għarfien matul Novembru. Spjega kif għandna nħejju preżentazzjoni li tiffoka fuq il-mistoqsija, “Alla jwieġbu t-talb?” Uża punti minn lezzjoni 7 fil-browxer jew kapitlu 16, paragrafi 12-14, fil-ktieb. Uri preżentazzjoni sempliċi li tinkludi skrittura waħda.
15 min: Insibu t-Tweġibiet għal Mistoqsijiet mill-Bibbja. Pubblikatur, li jkun iltaqaʼ maʼ xi ħadd interessat, javviċina lil qaddej ministerjali b’mistoqsija Biblika. Minflok ma jagħti t-tweġiba, il-qaddej ministerjali jispjegalu kif isibha. L-ewwel, jirrevedi s-suġġerimenti misjubin fl-iSchool Guidebook, studju 7, paragrafi 8-9. Imbagħad, flimkien jagħmlu riċerka dwar mistoqsija li faċilment tqum fit-territorju lokali. Huma jfittxu referenzi speċifiċi li jitkellmu dwar is-suġġett u jsibu punti konvinċenti li jiċċaraw ir-raġuni bażika għat-tweġiba tal-Bibbja. Inkuraġġixxi lill-membri taʼ l-udjenza biex jagħmlu dan it-tip taʼ studju premjanti meta jagħmlu riċerki dwar mistoqsijiet Bibliċi.
15 min: Miri li Nistgħu Nagħmlu. Taħdita u diskussjoni maʼ l-udjenza. Irrevedi l-miri prattiċi msemmijin fil-kaxxa f’paġna 11, tat-Torri taʼ l-Għassa, taʼ l-1 t’April, 1997. Inkludi inkuraġġiment biex nieħdu sehem fis-servizz taʼ pijunier awżiljarju jew regulari. Spjega kif billi nilħqu dawn il-miri nistgħu nibbenefikaw personalment. Stieden lil dawk fl-udjenza biex jirrakkontaw xi ftit mill-ferħ li esperjenzaw meta rnexxielhom jilħqu ċerti miri teokratiċi.
Għanja 151 u talba taʼ l-għeluq.