L-​Iskola tal-​Ministeru Teokratiku għas-​Sena 2001

¹ Hemm biżżejjed raġunijiet Skritturali għala lkoll kemm aħna għandna nieħdu sehem bis-​sħiħ kemm jistaʼ jkun fl-​Iskola tal-​Ministeru Teokratiku.—Prov. 15:23; Mt. 28:19, 20; Atti 15:32; 1 Tim. 4:12, 13; 2 Tim. 2:2; 1 Pt. 3:15.

² Karatteristika li ilha teżisti f’din l-​iskola hija l-​programm għall-​qari tal-​Bibbja taʼ kull ġimgħa. Din tikkonsisti f’li taqra madwar paġna mill-​Bibbja kuljum. B’seħħ minn din is-​sena, fil-​ġimgħa tar-​reviżjoni bil-​miktub se jkollna wkoll il-​qari tal-​Bibbja taʼ kull ġimgħa. Il-​qari tal-​Bibbja supplimentarju, li tniżżel fl-​iskeda għal dawn l-​aħħar tliet snin, tlesta. Imma jekk tixtieq taqra iktar mill-​Bibbja milli hemm imniżżel fl-​iskeda, tistaʼ tagħmel programm tal-​qari għalik persunali.

³ L-​inkarigu Nru. 2 iħarreġ lill-​aħwa rġiel għall-​qari pubbliku tal-​Kelma t’Alla. (1 Tim. 4:13) Meta jkollok l-​inkarigu tal-​qari, ipprattikah kemm-il darba billi taqra tgħajjat. Tistaʼ tuża l-​awdjokasetts tal-​Bibbja provduti mis-​Soċjetà sabiex ittejjeb il-​modulazzjoni tiegħek u l-​aspetti l-​oħra taʼ qari tajjeb.

⁴ L-​inkarigi Nru. 3 u Nru. 4 huma bbażati fuq il-​Bible Topics for Discussion li jinsabu fil-​paġni taʼ wara taʼ The New World Translation of The Holy Scriptures (Bi12-E). Jekk il-​materjal assenjat ikun fih iktar skritturi milli tistaʼ tikkunsidra fil-​ħin li tkun ġejt mogħti, agħżel biss dawk li jkunu l-​iktar prattiċi fit-​territorju tal-​kongregazzjoni tiegħek. Jistaʼ jintuża kwalunkwe setting li jkun xieraq fit-​territorju tiegħek.

⁵ Agħmel kull sforz xieraq sabiex twettaq l-​inkarigi kollha tiegħek fl-​iskola. Ħu l-​ħin biex tipprepara sew, u tkellem mill-​qalb. Int se tkun sors taʼ inkuraġġiment għall-​kongregazzjoni, u se tibbenefika personalment billi tieħu sehem b’qalbek kollha fl-​Iskola tal-​Ministeru Teokratiku matul is-​sena 2001.