Skeda għal-​Laqgħat tas-​Servizz

Ġimgħa li Tibda 8 taʼ Jannar

Għanja 29

7 min: Avviżi lokali. Avviżi magħżulin minn Il-​Ministeru tas-​Saltna.

13 min: “Hekk Għandu Jiddi d-​Dawl Tagħkom.”a Inkludi xi kummenti mit-​Torri taʼ l-​Għassa taʼ l-​1 taʼ Ġunju, 1997, paġni 27-28, paragrafi 12-13. Inkuraġġixxi lil kulħadd biex jieħu vantaġġ minn kull opportunità sabiex jagħti xiehda.

25 min: Provvedimenti taʼ Mħabba għall-​Kura taʼ Saħħitna. Taħdita minn anzjan kwalifikat, ibbażata fuq l-​ittra taʼ l-​1 taʼ Diċembru, 2000, u l-​outline mis-​Soċjetà. Enfasizza l-​fatt li biex wieħed jikseb l-​aqwa protezzjoni legali kontra t-​trasfużjonijiet mhux mixtiqin huwa billi jimla d-​dokument Advance Medical Directive/Release. Dawn id-​dokumenti se jkunu disponibbli għall-​pubblikaturi mgħammdin wara l-​laqgħa tal-​lejla, imma M’GĦANDHOMX jimtlew il-​lejla. Il-​kongregazzjoni għandu jkollha f’idejha kwantità biżżejjed taʼ dokumenti xi tqassam. L-​iffirmar minnek u mix-​xhieda, u d-​data tad-​dokumenti kollha se jsiru wara l-​Istudju tal-​Ktieb tal-​Kongregazzjoni li jmiss, bl-​għajnuna fejn ikun hemm bżonn tal-​ħu li jikkonduċi l-​istudju tal-​ktieb. Dawk li jiffirmaw bħala xhieda jridu attwalment jaraw lill-​individwu jiffirma d-​dokument tiegħu. L-​aħwa li jikkonduċu l-​istudju tal-​ktieb għandhom jiżguraw li dawk kollha assenjati fil-​grupp tagħhom jingħataw l-​għajnuna meħtieġa biex jimlew id-​dokument Advance Medical Directive/Release. L-​Identity Cards għat-​tfal se jingħataw lill-​ġenituri wara din il-​laqgħa. Il-​pubblikaturi li m’humiex mgħammdin jistgħu jiktbu d-​direttiva tagħhom stess għalihom infushom u għal uliedhom billi jaddattaw il-​kliem minn dawn id-​dokumenti għaċ-​ċirkustanzi u l-​konvinzjonijiet tagħhom stess.

Għanja 1 u talba taʼ l-​għeluq.

Ġimgħa li Tibda 15 taʼ Jannar

Għanja 51

10 min: Avviżi lokali. Rapport tal-​kontijiet.

15 min: Bżonnijiet lokali.

20 min: Qiegħed Teżamina l-​Iskrittura Kuljum? Taħdita u intervisti. Ikkunsidra t-​Torri taʼ l-​Għassa taʼ l-​1 taʼ Jannar, 1997, paġni 13-14, paragrafi 12-14, billi tenfasizza l-​għerf taʼ li jkollok diskussjoni fuq l-​iskrittura tal-​jum bħala familja. Intervista xi membri tal-​familja, li kull wieħed minnhom jiftakar diskussjoni reċenti fuq l-​iskrittura tal-​jum li kienet speċjalment taʼ benefiċċju u jagħti r-​raġuni għalxiex. Enfasizza li dan għandu jkun parti minn programm regulari taʼ l-​istudju tal-​familja bl-​iskop li jsaħħaħ lill-​familji tagħna u jżomm il-​familja attiva fil-​ministeru.

Għanja 67 u talba taʼ l-​għeluq.

Ġimgħa li Tibda 22 taʼ Jannar

Għanja 90

7 min: Avviżi lokali.

18 min: Kif Tistaʼ Tipprepara l-​Introduzzjonijiet. Taħdita u turijiet. Irrevedi xi punti prinċipali mill-​ktejjeb Kif Nibdew u Nkomplu Diskussjonijiet Fuq Il-​Bibbja, paġna 2. Uri kif nistgħu nagħżlu introduzzjonijiet li huma addattati għall-​istil, il-​personalità, u t-​territorju tagħna. Irrevedi xi introduzzjonijiet tajbin li jistgħu jintużaw mal-​browxer X’Jirrikjedi, u ħejji turija jew tnejn fuqhom. (Ara Il-​Ministeru tas-​Saltna t’April 1997, paġna 8.) Inkuraġġixxi lil kulħadd biex jagħmel użu tajjeb mis-​suġġerimenti offruti fil-​ktejjeb Kif Nibdew u Nkomplu Diskussjonijiet Fuq Il-​Bibbja u f’Il-Ministeru tas-​Saltna fl-​attività tagħhom tas-​servizz taʼ l-​għalqa.

20 min: “Kun Semmiegħ Tajjeb.” Taħdita u diskussjoni maʼ l-​udjenza. Irrevedi xi punti mill-​iSchool Guidebook, paġni 27-8, paragrafi 15-17. L-​aħjar mod kif nittestjaw kemm huma tajbin id-​drawwiet tagħna bħala semmiegħa huwa billi naraw kemm nistgħu niftakru. Stieden lil dawk fl-​udjenza biex jirrakkontaw xi punti importanti li ħarġu l-​parteċipanti fl-​Iskola tal-​Ministeru Teokratiku tal-​lejla.

Għanja 96 u talba taʼ l-​għeluq.

Ġimgħa li Tibda 29 taʼ Jannar

Għanja 139

10 min: Avviżi lokali. Fakkar lill-​pubblikaturi biex jitfgħu r-​rapport tas-​servizz taʼ l-​għalqa għal Jannar. Semmi l-​offerta tal-​letteratura għal Frar.

15 min: “Nikkooperaw maʼ Dak li Jikkonduċilna l-​Istudju tal-​Ktieb tal-​Kongregazzjoni.” Diskussjoni minn ħu li jikkonduċi l-​istudju tal-​ktieb u li hu eżemplari f’dan l-​irwol, bil-​parteċipazzjoni taʼ l-​udjenza. Ibni l-​antiċipazzjoni għall-​istudju tal-​kongregazzjoni bil-​ktieb Is-​Sigriet Taʼ L-​Hena Fil-​Familja. Inkuraġġixxi liż-​żgħażagħ biex jinvolvu ruħhom fid-​diskussjonijiet taʼ kull ġimgħa waqt l-​istudju tal-​ktieb. Kulħadd se jkun jixtieq jattendi regolarment, billi jkun ħerqan li jitgħallem kemm jistaʼ jkun dwar is-​sigriet taʼ l-​hena fil-​familja.

20 min: “Ġenituri—Nisslu Drawwiet Tajbin f’Uliedkom.” Taħdita u intervista maʼ ġenituri li wliedhom mexjin tajjeb spiritwalment. Il-​ġenituri jirriflettu fuq l-​affarijiet pożittivi li jkunu għamlu sabiex uliedhom jinvolvu ruħhom fil-​ministeru taʼ l-​għalqa. Skond ma jippermetti l-​ħin, daħħal xi suġġerimenti mill-​ktieb Hena Fil-​Familja, paġni 55-9.

Għanja 149 u talba taʼ l-​għeluq.

Ġimgħa li Tibda 5 taʼ Frar

Għanja 168

10 min: Avviżi lokali.

15 min: “Kun Ferħan f’Dak li Tagħmel.”b Uri x’inhu li jżidilna l-​ferħ tagħna fis-​servizz t’Alla, kif imniżżel fil-​ktieb Insight, it-​2 Volum, paġna 120, paragrafi 6-8.

20 min: Int Tistaʼ Ssib Divertiment Edifikanti. Grupp taʼ familja jiddiskuti l-​parir mogħti fi Stenbaħ! t’April-Ġunju, 1997. Il-​missier huwa interessat dwar l-​attivitajiet taʼ rikreazzjoni tal-​familja tiegħu. Wara li jirrevedu fil-​qosor l-​artiklu “Xi Ġralu d-​Divertiment?” (paġni 4-7), huma jiffokaw fuq ċerti tipi taʼ divertiment li jistgħu jkunu edifikanti u taʼ benefiċċju. Ikkunsidra l-​materjal fil-​ktieb Our Ministry, paġni 131-2, taħt “Recreation,” u paġni 135-6, taħt “Do All Things for God’s Glory.” Enfasizza l-​irwol tal-​ġenituri f’li jieħdu t-​tmexxija u l-​bżonn għall-​membri tal-​familja sabiex jikkooperaw għall-​benefiċċju tal-​familja kollha.

Għanja 190 u talba taʼ l-​għeluq.

[Noti taʼ taħt]