Aqfel Is-​seat-belt Għas-​sigurtà

◼ Fl-Istati Uniti, l-​aċċidenti bil-​karozzi huma l-​kawża prinċipali tal-​mewt fost iż-​żgħażagħ taʼ bejn il-​5 u l-​24 sena.

◼ Fil-Ġappun, l-​aċċidenti tat-​toroq huma responsabbli għal iktar mid-​doppju taʼ l-​imwiet mill-​kanċer tas-​sider u joqtlu erbaʼ darbiet iktar nies mill-​kanċer tal-​prostata.

◼ Fl-Ewropa, l-​aċċidenti bil-​karozza jikkaġunaw erbaʼ darbiet iktar imwiet milli jikkaġunaw l-​omiċidji.

DAWN l-​istatistiċi allarmanti jenfasizzaw wieħed mill-​perikli inerenti taʼ li tivvjaġġa bil-​karozza​—il-​veloċità tiswa l-​ħajjiet. U l-​veloċità maʼ l-​alkoħol toqtol. Għall-​grazzja t’Alla, ir-​riskju t’aċċident u korriment jistaʼ jitnaqqas. Dan kif inhu possibbli?

Li tikkultiva drawwiet taʼ sewqan bla periklu huwa bidu tajjeb. Xi esperti fuq is-​sigurtà jgħidu li 9 minn 10 aċċidenti jistgħu jiġu skansati jew evitati. Li taqbeż il-​limitu tal-​veloċità impost mil-​liġi, toqgħod taqbeż il-​karozzi, tross mal-​karozzi, issuq taħt l-​influwenza tad-​drogi jew l-​alkoħol, u ssuq karozza li m’hijiex fi stat tajjeb huma biss ftit eżempji taʼ drawwiet perikolużi taʼ sewqan. Rispett għall-​ħajja u mħabba lejn il-​proxxmu tagħna għandhom iqanqluna biex nadottaw attitudni kawta u responsabbli meta nsuqu xi vettura.​—Mattew 7:12.

Is-seat-belts huma miżura oħra sempliċi taʼ sigurtà, li taʼ spiss tiġi injorata. Skond Tim Hurd, kelliemi għad-​Dipartiment tat-​Trasportazzjoni taʼ l-​Istati Uniti, “is-​seat-belt huwa l-​iktar mod effettiv biex isalvalek ħajtek f’ħabta. Dan jirdoppja l-​probabbiltà għas-​sopravivenza.” Għall-​passiġġieri ż-​żgħar, ir-​rata tas-​sopravivenza hija kważi t-​triplu jekk jintużaw is-​seats taʼ sigurtà tat-​tfal.a

Minkejja dan, stħarriġ li sar jindika li kważi terz taʼ dawk li jokkupaw il-​post tal-​passiġġier fl-​Istati Uniti ma jużawx is-​seat-belts. Bħala ġenitur, tkun ċert int li t-​tfal tiegħek huma marbutin sew fis-​seats tagħhom qabel ma ssuq? Il-​ħin li tieħu biex taqfel is-​seat-belt huwa verament vallapena.

[Nota taʼtaħt]