SIB MOD KIF TNAQQAS L-ISTRESS
Għandek Stress?
“Kulħadd ikollu xi ftit tal-istress, imma jien għandi żżejjed. Mhux ġej sempliċement minn problema waħda kbira imma minn ħafna sitwazzjonijiet, taħbit, u minn snin li qishom ma jridu jgħaddu qatt f’li nieħu ħsieb lil żewġi, li marad fiżikament u mentalment.”—Jill.a
“Il-mara tiegħi telqitni, u kelli nrabbi żewġt itfal waħdi. Dan kien diffiċli għalija. Agħar minn hekk, tlift ix-xogħol u ma kellix biżżejjed flus biex nirranġa l-karozza. Ma kontx naf x’se naqbad nagħmel. L-istress kien tal-biżaʼ. Ġo qalbi kont naf li kien ħażin li nieħu ħajti b’idejja, allura tlabt lil Alla biex ma jħallinix inbati.”—Barry.
Tħossok kultant mifni bl-istress, bħal Jill u Barry? Jekk iva, jalla l-artikli li ġejjin ifarrġuk u jgħinuk. Huma jiddiskutu xi affarijiet komuni li jikkaġunaw l-istress, kif l-istress jistaʼ jaffettwana, u kif għall-inqas jistaʼ jkollna ftit serħan minnu.
a L-ismijiet ġew mibdulin.