Henjin Dawk li Jħennu!

1. Ferħan kulmin iħenn bis-sħiħ!

F’għajnejn Ġeħova hu sabiħ.

Jistqarr ma’ min is-sewwa jrodd

Li Alla lill-ħanin iħobb.

B’Ġesù, il-ħniena rajna fih,

U l-fidwa Hu pprovdielna bih.

Hu juri ħniena mal-ġwejdin

Għax jaf li aħna lkoll dgħajfin.

2. Lil dak ħanin, Jah barka jtih.

Dnubietu jaħfer, b’hekk mistrieħ.

Megħjun bil-ħniena taʼ Ġesù,

Li issa ħdejn tron Alla hu.

Dil-ħniena jaqsam b’ferħ tant kbir

Man-nies, bil-Bibbja fix-xandir,

Jgħidilhom biex jimtlew bil-ferħ.

Is-Saltna hawn u se ġġib serħ.”

3. Imħabbet Alla żgur jaraw

Il-ġusti meta se jsalvaw.

Jaraw kemm Alla hu ħanin,

Għax bħalu jħennu dawn qegħdin.

Ħa nħennu u ħa nistinkaw

Dil-kwalità nikkultivaw.

Ġeħova w Kristu wrewna t-triq;

Kuljum ħa nħennu bħall-Ħallieq.