Introduzzjoni għal sezzjoni 7

Din is-​sezzjoni tiġbor ir-​rakkont tal-​ħajja tas-​Sultan Sawl u dik tas-​Sultan David, perijodu taʼ madwar 80 sena. Fil-​bidu, Sawl kien umli u leali lejn Ġeħova, imma mbagħad inbidel u ma segwiex id-​direzzjoni taʼ Ġeħova. B’hekk, Ġeħova m’aċċettahx iżjed, u maż-​żmien qal lil Samwel biex jagħżel lil David biex ikun hu s-​sultan taʼ Iżrael. Sawl beda jgħir u pprova joqtol lil David ħafna drabi, imma David qatt ma pattihielu. It-​tifel taʼ Sawl, Ġonatan, kien jaf li kien Ġeħova li għażel lil David, u għalhekk kien leali lejn David. David għamel dnubiet serji, imma hu qatt ma rrifjuta d-​dixxiplina taʼ Ġeħova. Jekk int ġenitur, għin lil bintek jew lil ibnek jara l-​importanza li jkun dejjem ubbidjenti u leali lejn Ġeħova u lejn dawk li Hu jagħżel biex jieħdu ħsieb it-​tmexxija.