Il-​Konvenzjoni Distrettwali 1998 “Il-​Mod taʼ Ħajja t’Alla” Tinsab fuq l-​Għatba!

FL-​ISTATI Uniti biss, 198 konvenzjoni huma ppjanati li jsiru minn Mejju sa Settembru. X’aktarx li waħda minn dawn il-​laqgħat taʼ tlett ijiem se tkun f’xi belt mhux ’il bogħod minn fejn toqgħod. Fil-​biċċa l-​kbira tal-​postijiet, il-​programm se jibda kuljum​—mill-​Ġimgħa sal-​Ħadd—​fid-9.30 a.m. bil-​mużika.

Il-programm tal-​Ġimgħa filgħodu se jagħti prominenza lil rapporti dwar il-​progress taʼ l-​ippridkar tas-​Saltna f’diversi partijiet tad-​dinja. U t-​tema għall-​konvenzjoni se tiġi enfasizzata mill-​indirizz tal-​qofol, “Ir-​Rahan taʼ Kristu​—it-​Triq t’Alla għas-​Salvazzjoni.”

Wara nofsinhar is-​simposju, “Ġenituri​—Deffsu f’Qalb Uliedkom it-​Triq t’Alla,” se jipprovdi suġġerimenti fuq kif tqanqal uħud iżgħar biex iħobbu u jaqdu lil Jehovah. Il-​programm taʼ wara nofsinhar se jikkonkludi bit-​taħdita “Hemm Ħajja wara l-​Mewt?”

Il-programm tas-​Sibt filgħodu jagħti prominenza speċjali lix-​xogħol taʼ li jsiru dixxipli mix-​Xhieda taʼ Jehovah maqsum fi tliet partijiet suċċessivi, “Ngħinu lin-​Nies Jaqbdu t-​Triq għall-​Ħajja,” “L-​Isfida biex Nilħqu n-​Nies,” u “Ngħallmu lid-​Dixxipli dak Kollu li Ordna Kristu.” Fil-​konklużjoni tal-​programm taʼ filgħodu, se jkun hemm provvediment biex jitgħammdu dixxipli ġodda.

L-ewwel taħdita s-​Sibt wara nofsinhar, “Naqdu bil-​Ħajja bla Tmiem Quddiem Għajnejna,” tinkuraġġina biex naħsbu bit-​talb dwar ir-​raġunijiet persunali tagħna għala naqdu lil Alla. It-​taħditiet “Napprezzaw ‘Doni fil-​Bnedmin,’ li Jgħallmu t-​Triq t’Alla” u “Il-​Personalità​—Inżaʼ l-​Qadima u Ilbes il-​Ġdida” jippreżentaw eżaminar illuminanti vers b’vers t’Efesin kapitlu 4. Imbagħad se jiġi pprovdut twiddib Skritturali mill-​aħjar fit-​taħdita “Żomm Ruħek bla Tebgħa mid-​Dinja” u fis-​simposju taʼ tliet partijiet “Żgħażagħ​—Segwu t-​Triq t’Alla.” Il-​programm taʼ wara nofsinhar se jikkonkludi bit-​taħdita “Il-​Ħallieq​—il-​Personalità Tiegħu u t-​Toroq Tiegħu.”

Il-programm tal-​Ħadd filgħodu joffri b’mod speċjali simposju fi tliet partijiet li se jiddiskuti l-​kapitli taʼ l-​aħħar tal-​ktieb Bibliku t’Eżekjel kif ukoll l-​applikar profetiku tagħhom. Il-​programm taʼ filgħodu se jikkonkludi bi drama bil-​kostumi bbażata fuq il-​lealtà taʼ tliet żgħażagħ Ebrej. Il-​punt prinċipali tal-​konvenzjoni wara nofsinhar huwa t-​taħdita pubblika, “L-​Unika Triq għall-​Ħajja taʼ Dejjem.”

Żgur li se tiġi mogħni spiritwalment billi tkun preżenti t-​tlett ijiem kollha. Int kordjalment mistieden biex tiġi għal kull sessjoni, li m’għandniex xi ngħidu, se jsiru mingħajr tħallas. Għall-​eqreb post għalik, ikkuntattja s-​Sala tas-​Saltna lokali tax-​Xhieda taʼ Jehovah jew ikteb lill-​pubblikaturi taʼ din ir-​rivista.