Nuru Apprezzament Għal Il-​Ktieb Tiegħi taʼ Stejjer mill-​Bibbja

¹ “Sempliċi, imma mimli tagħlim!” Dak huwa li ħafna qegħdin jgħidu dwar Il-​Ktieb Tiegħi taʼ Stejjer mill-​Bibbja. Mingħajr ebda dubju, dan il-​ktieb t’għajnuna mill-​aħjar għal studju tal-​Bibbja jistaʼ jgħinna nilħqu ħafna iktar uħud sinċieri, kemm kbar u kemm żgħar, li għad iridu jifhmu l-​messaġġ tal-​Bibbja.

² Għalkemm il-​ktieb huwa ġeneralment meqjus bħala ktieb tat-​tfal, nistgħu bil-​verità kollha ngħidu li huwa taʼ benefiċċju għall-​familja kollha. Ħafna membri tal-​familja li jistgħu għall-​ewwel jaqtgħu qalbhom mill-​ħsieb li jaqraw il-​Bibbja kollha, se japprezzaw ktieb li jgħinhom biex ikollhom ħarsa tal-​punti prinċipali taʼ l-​iskop t’Alla b’mod daqshekk sempliċi. Mela, nistgħu b’mod fiduċjuż nippreżentaw il-​ktieb taʼ Stejjer mill-​Bibbja kemm jekk hemm tfal fid-​dar u kemm jekk m’hemmx.

³ Minn meta l-​ktieb ġie ppubblikat l-​ewwel darba fl-​1978 ġew stampati ’l fuq minn 36 miljun kopja f’iktar minn 80 lingwa. Irċieva tifħir kbir minn tarf sa tarf tad-​dinja minn nies taʼ kull livell tal-​ħajja. Gazzetta rrapportat: “Billi miktub bi kliem ċar u konċiż, il-​qarrej ċkejken se jifhmu faċilment. Madankollu, il-​missirijiet u l-​ommijiet m’humiex se jiddejqu jaqrawh . . . Kull storja hija qasira, u maħsuba biex iżżid il-​komunikazzjoni bejn il-​ġenitur u t-​tifel. Hemm ukoll stampi sbieħ biex jesprimu bit-​tpinġija l-​Istorja tal-​Bibbja. Għall-​istudent iktar serju tal-​Bibbja, hemm referenzi għall-​Bibbja nfisha, fl-​aħħar taʼ kull storja biex dawn jistgħu jinqraw jekk wieħed jixtieq. Peress li l-​istejjer huma ppreżentati f’ordni kronoloġiku, ħafna sabu dan il-​ktieb t’għajnuna biex jassoċjaw il-​ġrajjiet tal-​Bibbja, mhux biss maʼ partijiet oħrajn tal-​Bibbja, imma wkoll maʼ ġrajjiet oħrajn fl-​istorja. Mill-​bidu sat-​tmiem tal-​ktieb, waqfa morali tajba u relazzjoni tajba m’Alla huma inkuraġġiti.”

⁴ Waħda omm li binha taʼ tliet snin kien jagħti attenzjoni għal ħin qasir ħafna kienet pjaċevolment sorpriża li tarah bi kwietu “jistudja” l-​ktieb għal 20 minuta. Hu malajr dara jagħmel hekk. Omm oħra kitbet: “Il-​ktieb ġie miktub b’sengħa tant kbira, illustrat b’mod tant sabiħ biex ikabbar l-​immaġinazzjoni tagħna, u ddisinnjat b’mod tant diliġenti biex jitgawda minn kulħadd! Issa wliedi jagħżlu dak il-​ktieb mill-​oħrajn kollha biex jiġi moqri lilhom kull fil-​għaxija.”

⁵ Waħda għalliema tad-​duttrina qalet li kien se jkollha bżonn 15-il ktieb għall-​istudenti tagħha. Kienet qiegħda tistenna l-​approvazzjoni tal-​qassis u tas-​superjur taʼ l-​iskola. Il-​qassis, hi qalet, għoġbu l-​ktieb u faħħar il-​ħafna stampi tiegħu. Hu ta l-​approvazzjoni biex jinkisbu l-​kotba.

⁶ Minn daqs dak bogħod daqs il-​Papua New Guinea jiġi r-​rapport t’anzjan li qattaʼ xi żmien jaħdem maʼ kongregazzjoni f’raħal żgħir. Hu jgħid: “Il-​Ktieb Tiegħi taʼ Stejjer mill-​Bibbja huwa meqjus taʼ valur daqs id-​deheb. In-​nies qegħdin ifittxuh. Il-​kotba li ħadt ġew imqassmin f’qasir żmien. Meta konna nuru lin-​nies il-​letteratura tagħna, xi wħud kienu jistaqsu: ‘Fejn huwa l-​ktieb iż-​żgħir l-​isfar?’ Wieħed raġel ordna sitta.”

⁷ Tapprezzah int il-​valur taʼ Il-​Ktieb Tiegħi taʼ Stejjer mill-​Bibbja f’li jgħin lil oħrajn kemm kbar u kemm żgħar jakkwistaw dehen iktar profond f’dawn ir-​rakkonti affaxxinanti tal-​Bibbja? Li n-​nies jaqraw din il-​pubblikazzjoni żgur li se jiftħilhom l-​aptit għal studju iktar profond tal-​Kelma t’Alla. Se “jdewqilhom” veritajiet tal-​Bibbja, u b’hekk ifornihom b’pedament sod fuqiex jibnu “mudell taʼ kliem mimli saħħa” permezz taʼ studju tal-​Bibbja fid-​dar. (Salm 34:8; 2 Tim. 1:13) Għandhom kopja l-​ħbieb, il-​ġirien, u qrabatek? Għala ma toffrilhomx wieħed? Ħafna nies ċertament li se jibbenefikaw mill-​qari taʼ dan il-​ktieb għax verament qiegħed jaqdi bżonn illum.