Żgħażagħ​—X’Inhuma L-​Miri Spiritwali Tagħkom?

¹ Jehovah jaf kemm ix-​xogħol taʼ fejda u l-​miri li jistgħu jintlaħqu huma importanti biex iġibu l-​hena. (Ara Ġenesi 1:28; 2:​15, 19.) Illum, Jehovah ta lill-​poplu tiegħu l-​inkarigu li jippriedka u jgħallem. Aħna għandna wkoll il-​mira aħħarija li niksbu ħajja li ma tispiċċa qatt fil-​Ġenna taʼ l-​Art. Sadattant, jeħtieġ li nistabbilixxu miri spiritwali progressivi jekk irridu nevitaw li nużaw b’mod żvijat l-​enerġiji u r-​riżorsi tagħna.​—1 Kor. 9:​26.

² Miri Realistiċi Għaż-​Żgħażagħ: Iż-​żgħażagħ għandhom ikollhom miri teokratiċi li jistgħu jilħquhom skond il-​kapaċitajiet individwali tagħhom. (1 Tim. 4:​15) Xi wħud żgħar ħafna laħqu l-​mira taʼ li jitgħallmu jgħidu l-​kotba tal-​Bibbja saħansitra qabel ma tgħallmu jaqraw. Permezz taʼ l-​istudju tal-​familja, it-​tfal jitgħallmu jippreparaw għal-​laqgħat sabiex ikunu jistgħu jilħqu l-​miri taʼ li jagħmlu kummenti taʼ fejda u li jinkitbu fl-​Iskola tal-​Ministeru Teokratiku. Meta t-​tfal jakkumpanjaw lill-​ġenituri tagħhom fis-​servizz taʼ l-​għalqa, huma jitgħallmu jieħdu sehem fl-​għoti taʼ xiehda hekk kif jimxu ’l quddiem lejn il-​mira taʼ li jsiru pubblikaturi mhux mgħammdin. Il-​ġenituri għandhom ipoġġu quddiem uliedhom żgħar il-​mira tad-​dedikazzjoni u l-​magħmudija.

³ Jekk int żagħżugħ, x’jinkludu l-​miri spiritwali tiegħek? “Ftakar f’min ħalqek f’jiem żgħożitek” billi tiffoka fuq il-​miri verament importanti fil-​ħajja. (Koħ. 12:1; Salm 71:17) Għala ma taqdix bħala pijunier awżiljarju matul ix-​xhur li ma jkollokx skola? Ħsibt dwar li tidħol fil-​ministeru full-time bħala pijunier regulari? Xi ngħidu dwar li titgħallem lingwa ġdida sabiex fil-​ġejjieni tkun tistaʼ tgħin lil xi grupp jew kongregazzjoni li jitkellmu b’lingwa barranija fl-​inħawi fejn toqgħod jew x’imkien ieħor? Ħafna li llum qegħdin jaqdu f’Betel jew bħala indokraturi li jivvjaġġaw jew missju­narji poġġew is-​servizz speċjali ­full-time bħala l-​mira tagħhom meta kienu għadhom l-​iskola. Għala ma tagħmilx l-​istess int ukoll?

⁴ Waqt li għadek t’età tenera, stinka biex timita l-​eżempju taʼ Ġesù. Saħansitra fl-​età żgħira taʼ 12-il sena, hu tkellem bil-​libertà dwar affarijiet spiritwali. (Luqa 2:​42-​49, 52) Li tagħmilha l-​mira taʼ benefiċċju għalik li tagħmel studju persunali, li taqra l-​Bibbja kuljum, u li tissieħeb regolarment maʼ Kristjani maturi fil-​laqgħat u fis-​servizz se jgħinek biex tikseb is-​sengħa li tgħallem lil oħrajn dwar is-​Saltna t’Alla kif kien jagħmel Ġesù.