“Tqabad it-​Taqbida t-​Tajba tal-​Fidi”

¹ L-​appostlu Pawlu wissa lil Timotju biex ‘jitqabad it-​taqbida t-​tajba tal-​fidi.’ (1 Tim. 6:12) Pawlu nnifsu mexa skond dan il-​kliem. Iktar tard f’ħajtu, hu tkellem b’assiguranza dwar li hu tqabad personalment it-​taqbida t-​tajba. (2 Tim. 4:6-8) Hu wettaq il-​ministeru bi qlubija, b’kuraġġ u b’sabar f’kull mod. Billi nimitaw l-​eżempju tiegħu, aħna jistaʼ jkollna l-​istess assiguranza ġewwa fina li qed nagħmlu l-​aħjar li nistgħu fit-​taqbida tagħna għall-​fidi Kristjana.

² Agħmel l-​Isforz Meħtieġ: Pawlu ħadem iebes fil-​ministeru. (1 Kor. 15:10) L-​istess nagħmlu aħna hekk kif infittxu biex insibu lil dawk kollha li jixirqilhom fit-​territorju tagħna. (Mt. 10:11) Biex nilħqu xi wħud minnhom jistaʼ jfisser li nqumu kmieni sabiex nibdew nagħtu xiehda lil dawk li niltaqgħu magħhom fit-​triq. Jew forsi jistaʼ jfisser li noħorġu tard wara nofsinhar jew kmieni fil-​għaxija sabiex niltaqgħu man-​nies wara li jirritornaw lejn djarhom.

³ Jeħtieġ dixxiplina fuqna nfusna u skeda tajba biex inkunu puntwali meta niltaqgħu mal-​grupp tagħna taʼ l-​istudju tal-​ktieb għas-​servizz taʼ l-​għalqa. Per eżempju, xi wħud mill-​membri tal-​familja taʼ Betel ikollhom jivvjaġġaw xi siegħa biex fi tmiem il-​ġimgħa jieħdu sehem fil-​ministeru mal-​kongregazzjonijiet li jkunu assenjati magħhom u xi siegħa oħra biex imorru lura. L-​istess aħna nistgħu nammiraw lil xi pubblikaturi u familji fil-​kongregazzjoni tagħna li jkollhom daqsxejn tal-​bogħod imma jaslu fil-​ħin. Eżempji bħal dawn dwar kif wieħed jaħdem iebes u jkun organizzat huma taʼ min jimitahom.

⁴ Aħna għandna nitqanqlu biex nieħdu ħsieb kull interess li nsibu. Anki meta nħallu xi letteratura waqt xiehda fit-​triq jew informali, irridu nagħmlu sforz sabiex niksbu l-​indirizz jew in-​numru tat-​telefon taʼ l-​individwu. Imbagħad nistgħu mmorru biex niżviluppaw l-​interess u nipprovaw nibdew studju tal-​Bibbja.

⁵ Kun Regulari fis-​Servizz: Pawlu kien konsistenti fl-​ippridkar u kien jagħmlu bir-​reqqa. (Rum. 15:19) Xi ngħidu dwarek? Tieħu sehem regolarment fil-​ministeru? Diġà ħadt sehem fis-​servizz taʼ l-​għalqa dan ix-​xahar? Dawk li jikkonduċu l-​Istudju tal-​Ktieb tal-​Kongregazzjoni huma interessati f’li jaraw li kulħadd fil-​grupp tagħhom jieħu sehem fil-​ministeru matul Awissu. Huma se jgħinuk f’dan.

⁶ Billi nimitaw l-​eżempju taʼ Pawlu f’li nappoġġaw bis-​sħiħ l-​aħbar tajba, aħna se nibqgħu ‘nitqabdu t-​taqbida t-​tajba tal-​fidi.’