Trid Taħdem Iktar?
1 Ġesù xebbah is-Saltna maʼ teżor imprezzabbli. (Mt. 13:44-46) Ix-xogħol taʼ li nxerrdu l-aħbar tas-Saltna wkoll huwa teżor prezzjuż. Dan il-ministeru jixraqlu l-ewwel post f’ħajjitna, anki jekk jirrikjedi sagrifiċċji mhux ħażin min-naħa tagħna biex nieħdu sehem fih bis-sħiħ. (Mt. 6:19-21) Trid taħdem iktar fis-servizz tas-Saltna?
2 Ikkunsidra Dawn il-Ħtiġijiet: Hemm bżonn taʼ diversi affarijiet sabiex inżidu s-sehem persunali tagħna fil-ministeru: (1) inkunu determinati li npoġġu l-interessi tas-Saltna l-ewwel f’ħajjitna. (Mt. 6:33) (2) neżerċitaw fidi u nistrieħu fuq Jehovah. (2 Kor. 4:1, 7) (3) infittxu l-għajnuna t’Alla permezz taʼ talb sinċier u persistenti. (Lq. 11:8-10, Saydon) (4) nibqgħu nippersistu u naġixxu fi qbil mat-talb tagħna.—Ġak. 2:14, 17.
3 Modi Kif Nespandu l-Ministeru Tagħna: Ilkoll kemm aħna nistgħu nagħmlu l-mira bażika li nqattgħu ammont taʼ ħin fil-ministeru b’mod regulari kull xahar. Iżda kkunsidrajt ukoll il-fatt li taħtaf kull opportunità biex tagħti xiehda informali, tistinka biex tagħmel preżentazzjonijiet iktar sinifikanti, tagħmel żjajjar lura iktar effettivi, u tagħmel ħiltek kollha biex tikkonduċi studji tal-Bibbja li jagħmlu progress? Tistaʼ taqdi bħala pijunier awżiljarju jew regulari jew tgħin fejn il-bżonn huwa akbar? Jekk int ħu mgħammed, tistaʼ tirsisti biex tikkwalifika bħala qaddej ministerjali jew anzjan? (1 Tim. 3:1, 10) Tistaʼ tespandi l-ministeru tiegħek billi tapplika għas-servizz f’Betel, għall-Iskola tat-Taħriġ Ministerjali, jew għat-taħriġ missjunarju fl-Iskola taʼ Gilgħad?—Lq. 10:2.
4 Ħu li kien jaħdem full-time u li kien iqattaʼ ħafna ħin f’attivitajiet sportivi ġie inkuraġġit biex isir pijunier regulari. Hu beda jaqdi bħala pijunier awżiljarju u mbagħad irranġa ċ-ċirkustanzi tiegħu sabiex jidħol fil-ministeru full-time. Iktar tard hu attenda għall-Iskola tat-Taħriġ Ministerjali, li għenitu biex jipprepara ruħu għall-inkarigu li għandu issa bħala indokratur tas-circuit. Hu ferħan ħafna li obda meta ngħatalu l-inkuraġġiment, u jaf li hu iktar ferħan issa minħabba d-deċiżjoni li ħa biex jagħmel iktar fis-servizz tas-Saltna.
5 Jehovah jbierek lil dawk li jagħmlu lilhom infushom disponibbli. (Is. 6:8) Tħalli xejn iżommok lura milli tespandi l-ministeru tiegħek u bħala riżultat tgawdi sodisfazzjon u serħan saħansitra akbar.