Żid it-​Teżor Tiegħek tas-​Servizz tas-​Saltna

¹ Ġesù xebbah it-​tama tas-​Saltna maʼ teżor imprezzabbli. (Mt. 13:​44-46) Nixbhuhom aħna lill-​irġiel tat-​tixbihat taʼ Ġesù li biegħu ġidhom kollu biex jixtru xi ħaġa taʼ valur akbar? Jekk inhu hekk, se npoġġu s-​Saltna t’Alla fl-​ewwel post, anki jekk dan jistaʼ ma jkunx konvenjenti għalina jew ikollna niċċaħħdu minn xi affarijiet.−Mt. 6:​19-22.

2 Ladarba s-​servizz tagħna tas-​Saltna huwa teżor, għandu jkollna x-​xewqa li nżiduh. Il-​mod taʼ ħajja tagħna x’juri? Qegħdin aħna nżidu l-​attività tagħna tas-​Saltna? Dan nistgħu nagħmluh billi nieħdu sehem fid-​diversi aspetti tal-​ministeru, li jinkludu x-​xogħol minn dar għal dar, nagħmlu żjajjar lura, nikkonduċu studji tal-​Bibbja, u nagħtu xiehda informali.

3 ‘Kif Nistaʼ Nżid is-​Sehem Tiegħi?’ Peress li għadna kif bdejna sena ġdida taʼ servizz, kull wieħed minna jagħmel tajjeb li jeżamina l-​attività persunali tiegħu biex jara x’jistaʼ jagħmel ħalli jżid il-​ħin fil-​ministeru taʼ l-​għalqa. Forsi jistaqsi: ‘Nistaʼ nirranġa l-​affarijiet sabiex nibda naqdi fis-​servizz bħala pijunier awżiljarju kultant żmien jew saħansitra nkompli fih? Bi ftit aġġustamenti, nistaʼ jien nibda naqdi fis-​servizz taʼ pijunier regulari?’

4 Xi pubblikaturi għamlu miri persunali sabiex jagħtu iktar xiehda informali. Spiss din l-​attività tipproduċi frott mill-​aqwa. Oħrajn għandhom mnejn iħossu l-​bżonn li jagħmlu żjajjar lura iktar effettivi jew li jibdew studji ġodda tal-​Bibbja.

5 Jekk nikkonkludu li l-​ministeru tagħna huwa limitat b’xi mod, x’nistgħu nagħmlu biex inżiduh? Dawk li rnexxielhom jilħqu miri ogħla jissuġġerixxu li l-​ewwel għandna nkunu determinati li npoġġu l-​interessi tas-​Saltna fl-​ewwel post jiġri x’jiġri. (Mt. 6:33) Jeħtieġ li jkollna l-​fidi u nistrieħu kompletament fuq Jehovah. (2 Kor. 4:7) Fittex l-​għajnuna tiegħu b’talb mill-​qalb u kun persistenti fih. (Lq. 11:​8, 9) Nistgħu nkunu fiduċjużi li Jehovah se jbierek l-​isforzi ġenwini tagħna biex inżidu sehemna fis-​servizz tiegħu.−1 Ġw. 5:14.

6 Tkellem m’aħwa rġiel u nisa li rnexxielhom iżidu l-​ministeru tagħhom. Staqsihom kif irnexxielhom jegħlbu l-​ostakli mingħajr ma jiskuraġġixxu ruħhom. Għandu mnejn li l-​esperjenzi persunali tagħhom ikunu dak li għandek bżonn biex tikkonvinċi ruħek li m’huwiex impossibbli żżid il-​ministeru tiegħek.

7 Meta taqra l-​artikli f’It-Torri taʼ l-​Għassa jew f’Il-Ministeru tas-​Saltna li jitkellmu dwar is-​servizz taʼ l-​għalqa, ikkunsidra bit-​talb kif tistaʼ tapplika s-​suġġerimenti fil-​ministeru tiegħek. Agħmel l-​istess meta tattendi l-​laqgħat tal-​kongregazzjoni jew l-​assembleat.

8 Ġesù kien jieħu l-​ministeru tiegħu b’serjetà kbira, billi għamlu l-​iktar ħaġa importanti f’ħajtu. Hu ddikjara: “L-​ikel tiegħi hu li nagħmel ir-​rieda taʼ min bagħatni.” (Ġw. 4:34) Aħna nħossuna bħalu? Jekk iva, żgur li se nsibu modi kif inżidu l-​attività tagħna u naqsmu m’oħrajn il-​“ħwejjeġ tajba” mill-​ħażna tat-​teżor tagħna.−Mt. 12:35; Lq. 6:45. (km-E 9/94)