Kaxxa għall-​Mistoqsija

◼ Meta huwa addattat li jiġi fformat grupp taʼ lingwa barranija?

Meta xi territorju taʼ kongregazzjoni jkun jinkludi numru mhux ħażin taʼ wħud li jitkellmu b’lingwa barranija, l-​anzjani għandhom jagħmlu dak li jistgħu biex jorganizzaw ix-​xogħol taʼ l-​ippridkar f’dik il-​lingwa. (km-MT 7/02 pġ. 1; km-MT 2/98 pġi. 3-4) Għandu mnejn li dawk in-​nies li jitkellmu b’lingwa barranija jkunu mxerrdin mat-​territorji taʼ żewġ kongregazzjonijiet, jew iktar, fil-​viċin. F’każ bħal dan, l-​indokratur, jew indokraturi, tas-​circuit se jipprovdi d-​direzzjoni meħtieġa, u b’hekk jgħin lill-​kongregazzjonijiet involuti biex jikkooperaw fl-​attività taʼ l-​ippridkar. Minn żmien għal żmien, tistaʼ ssir xi taħdita pubblika jew Studju tat-​Torri taʼ l-​Għassa biex b’hekk ikun jistaʼ jiġi determinat kemm ikun hemm uħud li jattendu għal-​laqgħat tal-​lingwa barranija.

Grupp taʼ lingwa barranija jistaʼ jiġi fformat meta jintlaħqu l-​ħtiġijiet li ġejjin: (1) Ikun hemm pubblikaturi jew uħud interessati li jifhmu aħjar l-​aħbar tajba fil-​lingwa barranija. (2) Anzjan jew qaddej ministerjali kwalifikat ikun jistaʼ jmexxi u jikkonduċi minn taʼ l-​inqas waħda mil-​laqgħat taʼ matul il-​ġimgħa. (3) Ikun hemm ġemgħa t’anzjani li jkunu lesti li jappoġġaw il-​grupp. Meta dawn il-​ħtiġijiet jintlaħqu, l-​anzjani għandhom jinformaw l-​uffiċċju tal-​fergħa sabiex il-​grupp ikun jistaʼ jiġi rikonoxxut formalment u mbagħad ikunu jistgħu jingħataw iktar istruzzjonijiet.

Ħafna gruppi jibdew billi kull ġimgħa jagħmlu l-​Istudju tal-​Ktieb tal-​Kongregazzjoni. Iktar tard, l-​anzjani għandhom mnejn jaċċettaw li jsiru iktar laqgħat, bħalma hi l-​Laqgħa Pubblika u l-​Istudju tat-​Torri taʼ l-​Għassa. Jekk ikun hemm anzjan jew qaddej ministerjali kwalifikat li jkun jaf jitkellem b’dik il-​lingwa u jkun jistaʼ jservi bħala l-​ħu li jagħti l-​pariri, l-​inkarigi Nru. 2, 3, u 4 fl-​Iskola tal-​Ministeru Teokratiku jistgħu jsiru f’kamra oħra. Madankollu, il-​grupp se jingħaqad mal-​kongregazzjoni għat-​taħdita tal-​kwalità tad-​diskors, it-​taħdita taʼ istruzzjoni, il-​punti prinċipali mill-​Bibbja, u l-​Laqgħa tas-​Servizz. Jistaʼ jsir ukoll arranġament għaI-laqgħat tas-​servizz taʼ l-​għalqa għal dan il-​grupp.

Kulħadd fil-​grupp se jaħdem flimkien taħt l-​indokrar tal-​ġemgħa t’anzjani. L-​anzjani għandhom jipprovdu direzzjoni bilanċjata u jieħdu l-​inizjattiva biex jieħdu ħsieb il-​bżonnijiet tal-​grupp. Meta l-​indokratur tas-​circuit ikun se jżur il-​kongregazzjoni li tappoġġa grupp taʼ lingwa barranija, hu se jiftiehem ukoll biex jaħdem mal-​grupp fis-​servizz taʼ l-​għalqa ħalli jkun jistaʼ jsaħħu spiritwalment. Bil-​barka taʼ Jehovah, il-​grupp taʼ lingwa barranija maż-​żmien jistaʼ jsir kongregazzjoni.