Kaxxa għall-​Mistoqsija

◼ L-​istudju tal-​Bibbja bħala familja għandu jitniżżel fir-​rapport li jingħata lill-​kongregazzjoni?

Jekk ġenitur Kristjan jikkonduċi studju tal-​Bibbja mal-​familja u jkun hemm tfal mhux mgħammdin, il-​ġenitur jistaʼ jirrapporta mhux iktar minn siegħa fil-​ġimgħa, żjara lura waħda fil-​ġimgħa, u studju tal-​Bibbja fid-​dar wieħed kull xahar. Dan japplika wkoll anki jekk l-​istudju jdum iktar minn siegħa, isir iktar minn darba fil-​ġimgħa, jew isir mat-​tfal wieħed wieħed.​—Ara l-​ktieb Our Ministry, pġ. 104.

Jekk il-​membri kollha tal-​familja huma Xhieda mgħammdin, allura la l-​ħin u lanqas l-​istudju nnifsu ma jistaʼ jiġi rapportat bħala servizz taʼ l-​għalqa (sakemm ma jkunx hemm xi ħadd mit-​tfal li għadu qed jistudja t-​tieni ktieb wara l-​magħmudija). Ir-​raġuni hi li r-​rapport tas-​servizz taʼ l-​għalqa tal-​kongregazzjoni jirrifletti primarjament dak li qed isir biex nippridkaw l-​aħbar tajba u ngħallmu l-​verità Biblika lil uħud li m’humiex qaddejja dedikati u mgħammdin taʼ Jehovah. (Mt. 24:14; 28:​19, 20) Madankollu, dan bl-​ebda mod ma jnaqqas l-​importanza li jsir studju bħal dan b’mod regulari.

Hija r-​responsabbiltà tal-​ġenituri Kristjani li jistudjaw maʼ wliedhom. Dawk li għandhom bżonn l-​għajnuna biex jibdew jagħmlu l-​istudju tagħhom tal-​familja jew biex itejbuh jistgħu jistaqsu lill-​anzjani għall-​għajnuna. Jekk iċ-​ċirkustanzi juru li jkun aħjar jekk pubblikatur ieħor jikkonduċi studju tal-​Bibbja maʼ tifel jew tifla mhix mgħammda taʼ familja Kristjana li tassoċja mal-​kongregazzjoni, għandu jittieħed il-​parir taʼ lindokratur li jippresiedi jew lindokratur tas-​servizz. Jekk studju bħal dan jiġi approvat, il-​wieħed li jikkonduċih jistaʼ jniżżlu fir-​rapport bl-​istess mod li jniżżel kwalunkwe studju tal-​Bibbja ieħor.

It-taħriġ tat-​tfal fil-​mogħdijiet taʼ Jehovah jinvolvi ħafna iktar ħin u sforz milli jidher fir-​rapport tas-​servizz taʼ l-​għalqa. (Dt. 6:​6-9; Prov. 22:6) Il-​ġenituri Kristjani jistħoqqilhom tifħir talli jġorru r-​responsabbiltà kbira li għandhom sabiex irabbu lil uliedhom “fid-​dixxiplina u t-​twiddib tal-​Mulej.”​—Efes. 6:4.